போராளிகள் விடுதலை செய்யப்பட வேண்டும்!-ஐரோப்பிய ஒன்றியம்

சிறிலங்காவில் நீண்டகாலமாகத் தடுத்து வைக்கப்பட்டுள்ள தமிழ் அரசியல் கைதிகள் மற்றும் போராளிகள் விடுதலை செய்யப்பட வேண்டும் அல்லது நேர்மையான நீதி விசாரணைகளுக்கு உள்ளாக்கப்பட வேண்டும் என்று ஐரோப்பிய ஒன்றியம் வேண்டுகோள் விடுத்துள்ளது.
சிறிலங்காவுக்குப் பயணம் மேற்கொண்ட ஐரோப்பிய ஒன்றியத்தின் தெற்காசியாவுக்கான குழுவின் தலைவியான ஜீன் லம்பேர்ட், சீன செய்தி நிறுவனத்துக்கு அளித்த செவ்வி ஒன்றிலேயே இவ்வாறு கூறியுள்ளார்.
“சிறிலங்காவில் நீண்டகாலமாகத் தடுத்து வைக்கப்பட்டுள்ளவர்கள் மீது குற்றச்சாட்டுகளைச் சுமத்த வேண்டும் அல்லது விடுதலை செய்ய வேண்டும் என்பதே ஐரோப்பிய நாடாளுமன்றத்தின் நிலைப்பாடு.
பல நூற்றுக்கணக்கான விடுதலைப் புலிகள் இயக்க சந்தேகநபர்களும் ஏனைய அரசியல் கைதிகளும் சிறிலங்காவில் சிறைவைக்கப்பட்டுள்ளனர்.
அவர்களில் பலர் கைது செய்யப்பட்டு பல ஆண்டுகளாகியுள்ள போதும் நீதியின் முன் நிறுத்தப்படவோ குற்றச்சாட்டு முன்வைக்கப்படவோ இல்லை என்று தமிழ் அரசியல் கட்சிகள் கூறுகின்றன.
சரத் பொன்சேகா விவகாரத்தில் கூட, அவருக்கு உண்மையான நீதி வழங்கப்பட வேண்டும் என்றே ஐரோப்பிய நாடாளுமன்றம் கருதுகிறது.
போரினால் இடம்பெயர்ந்த மக்கள் இன்னமும் தற்காலிக முகாம்களிலும் குடியிருப்புகளிலும் வசிப்பது குறித்து ஐரோப்பிய நாடாளுமன்றம் கவலை கொண்டுள்ளது“ எனறும் அவர் மேலும் கூறியுள்ளார்.

முஸ்லிம்கள் தமிழ், சிங்களப் பெண்களை ஏமாற்றி திருமணம் செய்தனர்!

தம்புள்ளை பள்ளிவாசல் உடைக்கப்பட்ட சம்பவம் தொடர்பான பிரச்சினை இன்னும் தீர்க்கப்படவில்லை. அரசாங்கமும் இது தொடர்பில் இன்னும் உரிய நடவடிக்கைகளை எடுக்கவில்லை. இந்நிலையில் பள்ளிவாசல் விவகாரத்தில் விட்டுக்கொடுப்புக்கு இடமில்லை என்று தம்புள்ளை ரங்கிரி விஹாரையின் பிரதம பிக்கு இனாமலுவே சுமங்கல தேரர் எச்சரித்துள்ளார்.

இலங்கையின் ஆங்கில செய்திதாள் ஒன்றுக்கு வழங்கிய செவ்வியில் இந்தக் கருத்துக்கள் கூறப்பட்டுள்ளன.
இலங்கையில் பௌத்தம் 2 300 வருட வரலாற்றைக்கொண்டது. இஸ்லாமியர்கள், இலங்கைக்கு வணிகத்துக்காகவே வந்தனர். ஆண்கள் மாத்திரமே இங்கு வந்தனர். பின்னர் இங்குள்ள சிங்கள மற்றும் தமிழ்ப் பெண்களை ஏமாற்றி திருமணம் செய்துகொண்டனர்.
இதுவே அவர்களின் வரலாறு எனவே அவர்கள் இங்கு வந்து தமது வரலாற்றை காட்டமுடியாது. தம்புள்ளை விஹாரை உலகத்தின் முக்கிய இடங்களில் ஒன்றாக பதிவு செய்யப்படடுள்ளது
இதனை முஸ்லிம்கள் (தம்பிகள்) குழப்பியடிக்க பார்க்கின்றனர்.
அதற்கு இடம்தரமுடியாது. உலகம் முழுவதும் இஸ்லாமிய அடிப்படைவாதம் பரவிவருகிறது. ஆனால் பௌத்த அடிப்படைவாதம் எங்கும் இல்லை.
இலங்கையில் 14 மில்லியன் பௌத்தர்கள் உள்ளனர். முஸ்லிம்கள் எத்தனை பேர் உள்ளனர்.தாய்லாந்து, மியன்மார் ஆகிய நாடுகளில் பௌத்தர்கள் அதிகமாக உள்ளனர். வத்திக்கானில் கிறிஸ்தவர்கள் அதிகமாக உள்ளமையால் அது கிறிஸ்தவ நாடு என்று கொள்ளப்படுகிறது.
மத்திய கிழக்கில் சில நாடுகள் முஸ்லிம்களை அதிகமாக கொண்டுள்ளமையால் அவை முஸ்லிம் நாடுகள் என்று அழைக்கப்படுகின்றன.
எனவே இலங்கையில் வந்து பௌத்த கலாசாரத்துக்கு மத்தியில் தம்முடைய வரலாற்றை முஸ்லிம்கள் நிலைநாட்ட நினைப்பது கொள்ளையாகவே இருக்கும் என்று இனாமலுவே சுமங்கல தேரர் குறிப்பிட்டுள்ளார்.
அமைச்சர் ஜனக பண்டார தென்னக்கோன், குறித்த பள்ளிவாசல் அகற்றப்படமாட்டாது என்று கூறுகிறார். ஆனால் இலங்கையில் இரண்டாவது பிரஜையாக உள்ள பிரதமர் டி எம் ஜயரட்ன, பள்ளிவாசலுக்கு வேறு இடம் ஒதுக்கப்படும் என்று குறிப்பிட்டுள்ளார்.
இது குறித்து தேரரிடம் கேட்டபோதும், ஜனக பண்டார தென்னக்கோன் ஒரு பொலிஸ்காரராக இருந்தவர். எனவே அவர் தமது பாணியில் பேசுகிறார். அவர் நாடாளுமன்றத்துக்கு அவருடைய தந்தையின் வாக்குகளின் மூலமே தெரிவானார் எனவே அவரின் பேச்சை பௌத்தர்கள் ஏற்றுக்கொள்ளமாட்டார்கள் என்றும் தேரர் தெரிவித்துள்ளார்.

மூத்த பெண் போராளி தற்கொலை!

வடமராட்சியின் பொலிகண்டிப் பாலாவிப் பகுதியில் விடுதலைப் புலிகளின் முன்னாள் மூத்த பெண் போராளி ஒருவர் தனக்குத் தானே தீமூட்டித் தற்கொலை செய்துள்ளார் என குளோபல் தமிழ்ச் செய்தியாளர் தெரிவித்துள்ளார். 38 வயதுடைய சிவலிங்கம் சுகந்தி என்பவரே இவ்வாறு தற்கொலை செய்துகொண்டுள்ளார்.

தமிழீழ விடுதலைப் புலிகளின் நீண்டகால மூத்த பெண்போராளியாக இருந்த இவர் 1999ஆம் ஆண்டு இடம்பெற்ற இராணுவ நடவடிக்கையின் போது கடுமையான காயங்களுக்கு உள்ளான இவர் இடுப்பின் கீழ் செயலிழந்த  நிலையில் காணப்பட்டார். எனினும் 2009 ஆம் ஆண்டுவரை விடுதலைப் புலிகளின் அமைப்பில் ஒரு மருத்துவப் போராளியாக செயற்பட்ட இவர் மே 17ன் பின் படையினரால் கைது செய்யப்பட்டு முகாமில் தடுத்து வைக்கப்பட்டு அண்மையிலேயே விடுவிக்கப்பட்டதாக குளோபல் தமிழ்ச் செய்தியாளர் தெரிவிக்கிறார்.

இந்நிலையில் பொலிகண்டி பாலாவிப் பகுதியில் உள்ள  மீள் குடியேற்ற மக்களுக்கான முகாம் ஒன்றில் தனது பெற்றோருடன் இவர் வாழ்ந்து வந்தார். நேற்றைய தினம் வீட்டின் அறையை பூட்டிக் கொண்ட இவர் தனக்குத் தானே மண் எண்ணையை ஊற்றிக் கொண்டு தீமூட்டி இறந்துள்ளார். இவரது சடலம் மந்திகைப் பொலிசாரால் மீட்கப்பட்டு பருத்தித்துறை ஆதார வைத்தியசாலையில் ஒப்படைக்கப்பட்டுள்ளது. விடுதலைப் புலிகளின் போராளிகள் பலர் அண்மைக்காலமாக மன உளைச்;சல்கள் காரணமாக சாவைத் தழுவிக் கொள்ளும் பரிதாபகரான நிலை தொடர்வதாக கவலை வெளியிடப்பட்டுள்ளது.

விடுதலைப் போராட்டத்தை நான் காட்டிக் கொடுத்ததென்பது அப்பட்டமான பொய்!

தமிழர் விடுதலைப் போராட்டத்தை நான் ஒருபோதும் காட்டிக் கொடுக்கவில்லை. அப்படிச் சொல்வது அப்பட்டமான பொய் என விடுதலைப் புலிகளின் ஆயுத முகவராகச் செயற்பட்டுவந்தவரும் தற்போது இலங்கை அரசின் பாதுகாப்பில் உள்ளவருமான கே.பி. எனப்படும் குமரன் பத்மநாதன் தெரிவித்தார்.

யாழ் உதயனின் சகோதரப் பத்திரிகையான "சுடர்ஒளிக்கு' வழங்கிய செவ்வியிலேயே அவர் இப்படிக் கூறினார். அந்தக் கேள்விக்கு அவர் வழங்கிய பதில் இங்கே கே: தமிழ் மக்கள் மனங்களில் உள்ள முக்கியமான கேள்வியொன்றை நான் கேட்க விரும்புகிறேன். அதை பகிரங்கமாக கேட்டு உங்கள் பதிலையும் பகிரங்கப்படுத்த வேண்டியது எனது ஒரு பொறுப்பு என்றும் கருதுகின்றேன். தமிழர் விடுதலைப் போராட்டத்தை நீங்கள் இறுதி நேரத்தில் காட்டிக் கொடுத்துவிட்டீர்கள்? நீங்கள் துரோகி என்பது தான் தமிழர்களின் மனநிலை. உங்களின் பதில் என்ன? நீங்கள் குற்றவாளியா, இல்லையா? ப: பிரபாகரன் என்னும் எனது உயிர் நண்பனுடன் சேர்ந்து ஆயுதப் போராட்டத்தை ஆரம்பித்தவர்களில் நானும் ஒருவன். நானே அந்த இயக்கத்தை ஆரம்பித்து எனது வாழ்நாளில் 30 வருடத்திற்கும் மேலான காலத்தை அதற்காகச் செலவிட்டிருக்கிறேன். நான் ஒரு மரக்கொப்பில் இருந்துகொண்டு அந்தக் கொப்பை நானே வெட்டுவேனா? முதலாவதாக, ஒரு ஆத்மரீதியான உறவு அந்தப் போராளிகளுக்கும், எனக்குமிடையில் இருந்தது. இவர்கள் சொல்லும் குற்றச்சாட்டைப் பார்த்தால் நான் எனது தாயைக் காட்டிக்கொடுத்தது போல் தான் இருக்கிறது. என்னைப் பொறுத்தவரை நான் எனது வாழ்க்கையில் சந்தித்த ஒரேயொரு உயிர் நண்பன் பிரபாகரன். அவரைக் காட்டிக் கொடுத்ததாக சொல்வது அப்பட்டமான பொய். தமிழர்களைப் பொறுத்தவரை போர் ஏன் தோற்றது என்பது புரியாத புதிராக இருக்கிறது. பிரபாகரனை அவர்கள் கடவுளாகப் பார்த்தார்கள். அரசனாகப் பார்த்தார்கள். அவர் தோற்க மாட்டார் என்று அவர்கள் மனதில் வைத்துவிட்டார்கள். திடீரென்று தோற்றுவிட்டார். இதற்கு என்ன காரணம். யாரோ பின்னணியில் இருந்து காட்டிக்கொடுத்துவிட்டார்களோ என்று சந்தேகம். இதில் புலம்பெயர் சமூகத்தில் இருக்கும் ஒருசில குழப்பவாதிகள் கே.பி. தான் இதற்கு காரணமென இலகுவாகக் கூறிவிட்டனர். அதனை அப்பாவி மக்களின் ஒருசிலரும் நம்பி கே.பி. தான் காட்டிக்கொடுத்டதுவிட்டாரோ என்று நம்புகின்றனர். நான் மலேசியாவில் ஒரு அறைக்குள் தனியே இருந்தேன். பிரபாகரன் இங்கு எத்தனை தளபதிகள், எத்தனை ஆயுதங்கள் எத்தனை தாங்கிகளுடன் நின்றிருந்தார். நான் மலேசியாவிலிருந்து காட்டிகொடுத்து அவர் போரில் தோற்றார் என்பது நிஜம் அல்லவே! யதார்த்தமாக நீங்கள் சிந்தியுங்கள். கருணா வெளியேறினார். கருணா வெளியேறியவுடன் பிரபாகரன் தோற்றாரா? கருணாவுக்குத் தெரியாத விடயங்கள் எனக்குத் தெரிந்ததா? இல்லையே... கருணா தலைவரின் பக்கத்தில் இருந்தவர். அவர் விலகும்போது அவரால் பிரபாகரனை அழிக்க முடிந்ததா? இல்லையே. இதே குற்றச்சாட்டை முன்வைக்கும் அரசியல்வாதிகள் தான், பிரபாகரன் மீண்டும் வருவார் என்கின்றனர். ஒரு பக்கத்தில் கே.பி. காட்டிக்கொடுத்துதான் பிரபாகரன் அழிந்துவிட்டார் என்றும் கூறும் அதே ஆட்கள்தான் மறுபுறம் பிரபாகரன் மீண்டும் வருவார், மீண்டும் போர் வெடிக்கும் என்று கூறுகின்றனர். இவர்கள் உண்மையைப் பேசுவதில்லை. அதுதான் முக்கியமான காரணமேயொழிய வேறொன்றுமில்லை. இதை நினைக்கும் போதே மனதுக்கு கவலையாக இருக்கிறது. நான் நேரத்துக்கு நேரம் ஒரு கதை பேசி இருப்பவன் அல்ல. எனது மக்களுக்காக 35 வருடகாலமாக வேலை செய்துகொண்டிருப்பவன். இவர்கள் போல் நேரத்துக்கு நேரம் பேசும் மனிதன் அல்ல. அப்படியான சூழலில் நான் வளரவும் இல்லை. அரசியல்வாதிகள் போல் பொய்கூறி நான் மக்களிடம் செல்லவும் இல்லை. இது ஒரு அப்பட்டமான பொய்.. கே: போராட்டத்தைக் காட்டிக் கொடுத்தீர்களா என்று நான் கேட்டபோது நீங்கள் பதிலளிக்கையில் உங்களது கண்கள் கலங்குவதைக் கண்டேன். அந்த கேள்விக்கு பதிலளிக்கும்போது ஏன் அந்த உணர்ச்சிபூர்வம்? ப: (மீண்டும் கண்கலங்குகிறார்) மனித வாழ்க்கை அற்புதமானது. எனது வாழ்க்கையை எனது மக்களுக்காக அர்ப்பணித்துள்ளேன். ஆனால், இவர்கள் கூறும் அப்பட்டமான குற்றச்சாட்டு. எனது நட்பையே வியாபாரமாக பார்க்கிறது. அது வியாபாரம் அல்ல.... அது அரசியல் அல்ல... அவற்றிற்கும் அப்பாற்பட்டது. ஆத்மரீதியான நட்பு. அதனை இவர்கள் கொச்சைப் படுத்துகின்றனர். (நா தழுதழுக்கிறது) இதனை என்னால் தாங்கிக் கொள்ள முடியவில்லை. கே: பிரபாகரன் உங்கள் நல்ல நண்பன் என்கிறீர்கள். திரும்பி வரமாட்டார் என்கிறீர்கள். அவரின் மறைவு தமிழர்களின் அரசியல் அல்லது அரசியல் போராட்டத்தில் வெற்றிடத்தை ஏற்படுத்தியுள்ளதா? ப: அந்த பிரபாகரனின் தலைமைத்துவத்தைப் பொறுத்தவரை தமிழ் மக்கள் மத்தியில் ஒரு வெற்றிடத்தை ஏற்படுத்தியிருக்கிறது. அது உண்மை. காரணம் இது அரசியல் போராட்டம் மட்டுமல்ல. அவர் உருவாக்கிய சமூக கட்டமைப்பு பல சீர்குலைந்துவிட்டன. இன்று பார்த்தீர்களானால் யாழ்ப்பாணத்தில் அல்லது வன்னியில் எத்தனையோ சமூக விரோத செயல்கள் மலிந்து போயுள்ளன. ஆனால், அவர் இருக்கும்போது அவை நடக்கவில்லை. தமிழ் மக்களுக்குரிய சரியான தலைமைத்துவம் இல்லாமல் போயிருக்கிறது. அது கவலைக்குரிய விடயம். இதனை நிவர்த்தி செய்வது அவ்வளவு இலகுவான காரியமல்ல. கே: மக்கள் சேவைக்காக உங்களை அர்ப்பணித்துள்ளதாகக் கூறுகிறீர்கள். அந்தச் சேவையை ஒருபடி மேலே சென்று செய்வதற்காக அரசியலுக்கு வரும் நோக்கம் எதுவும் இருக்கிறதா? ப: என்னைப் பொறுத்தவரை நான் இப்போது செய்வது மனிதாபிமான சேவை. அரசியலில் நான் இறங்கும்போது இவை பாதிக்கப்படும். இது வித்தியாசமான கண்ணோட்டத்தில் பார்க்கப்படும். என்னைப் பொறுத்தவரை அரசியலில் நான் நாட்டமில்லாதவன். மக்களுக்குச் சேவை செய்ய வேண்டுமென்பதே எனது இலட்சியம். ஆனால், இந்த மக்களைத் தொடர்ந்து தமிழ் அரசியல் தலைமைகளும், தமிழ்நாட்டு அரசியல் பிரமுகர்களும் ஏமாற்றி, வாட்டி வதைப்பார்களானால் நான் சிலதை செய்ய வேண்டிய கட்டாயத்திற்குத் தள்ளப்படுவேன். கே: நீங்கள் நேரடியாக அரசியலுக்கு வரப் போகின்றீர்கள் என நான் எடுத்துக்கொள்ளலாமா? ப: அது நேரடியாகவா, மறைமுகமாகவா என்பதை முடிவாக என்னால் சொல்ல முடியாது. ஆனால், இந்த மக்களைக் காப்பாற்ற வேண்டிய ஒரு கடப்பாடு எனக்குள்ளது. அது அரசியலில் இறங்கித்தான் செய்ய வேண்டுமென்றால் வேறு வழியில்லை. இறங்கித்தான் ஆக வேண்டும். மக்களைத் தொடர்ச்சியாக இப்படியான அவலத்தில் வைத்திருக்க முடியாது. கே: தேவைப்பட்டால் நீங்கள் அரசியலுக்கு வருவீர்கள் என்கிறீர்கள். அது வட மாகாணசபைத் தேர்தலாக இருக்குமா? ப: ( சத்தமாகச் சிரிக்கிறார்) நீங்கள் பெரிய குண்டையே தூக்கிப் போடுகின்றீர்கள். அப்படி எதனையும் இதுவரை என் மனதில் யோசிக்கவில்லை. இன்றுவரை இல்லை. ஆனால், எனது மக்களைக் காப்பாற்ற வேண்டிய தேவை வந்தால், தொடர்ந்தும் எமது மக்களைத் தமிழ்த் தலைவர்கள் ஏமாற்றினால், அதுதான் ஒரே வழியென்றால் நான் மறு பரிசீலனை செய்துதான் ஆகவேண்டும் என்றார்.

இளம் நடிகை வேண்டுமாம்?

பாதுகாப்புச் செயலாளர் கோதாபய ராஜபக்‌ஷவின் உத்தரவிற்கமைய அமைச்சர் மேர்வின் சில்வாவின் நெருங்கிய சகாவான அமல் ரொட்ரிகோ என்ற நபர் கடத்திச் செல்லப்பட்டு பெறப்பட்ட வாக்குமூலத்தைப் பார்த்து ஜனாதிபதி மகிந்த ராஜபக்‌ஷ ஆத்திரமடைந்துள்ளார்.

இந்த ஒளிப்பதிவு வாக்குமூலம் ஜனாதிபதி மகிந்த ராஜபக்‌ஷவை அவமானப்படுத்தியுள்ளதாக ஜனாதிபதி செயலகத்தின் அதிகாரியொருவர் தெரிவித்தார். அமல் என்ற நபரின் கண்களும், கைகளும் கட்டப்பட்ட நிலையில் அவரிடமிருந்து வாக்குமூலம் பெறப்பட்டுள்ளது.

அமைச்சர் மேர்வின் சில்வாவின் செயலாளர்களில் ஒருவரான அமல் ரொட்ரிகோ, வெள்ளை வேனில் கடத்தப்பட்டதை அடுத்து ஜனாதிபதியிடம் ஓடிச் சென்ற அமைச்சர் மேர்வின் சில்வா தமது சகாவை மீட்டுத் தருமாறு கோரியுள்ளார்.

இதனையடுத்து பாதுகாப்புச் செயலாளரை தொலைபேசியில் தொடர்புகொண்ட ஜனாதிபதி, அமல் என்ற நபரைக் கைதுசெய்திருந்தால் உடனடியாக விடுவிக்குமாறு உத்தரவிட்டுள்ளார்.

எனினும், மறுமுனையில் பேசிய பாதுகாப்புச் செயலாளர் கோதாபய,

”இவனிடமிருந்து விசித்திர தகவல்கள் சில கிடைத்துள்ளன. ஒளிப்பதிவும் இருக்கிறது. வேண்டுமாயின் நான் அதனை எடுத்து வருகிறேன். அதனைப் பார்த்துவிட்டு என்ன செய்ய வேண்டுமெனக் கூறுங்கள்.” என தெரிவித்துள்ளார்.

இதன்பின்னர் சுமார் 6 மணி நேரத்திற்குள் ஒளிப்பதிவு சி.டியுடன் கோதாபய ராஜபக்‌ஷ ஜனாதிபதியைச் சந்தித்துள்ளார்.

சில நபர்களுடன் மீடியா அறைக்குச் சென்று  இந்த ஒளிப்பதிவை ஜனாதிபதி பார்வையிட ஆரம்பித்துள்ளார்.

கைகளும், கண்களும் கட்டப்பட்டிருந்த நபர் தூரத்தில் காண்பிக்கப்பட்டார். பின்னர் அவரது முகத்தை திரை முழுவதும் கொண்டுவர அவர் பேச ஆரம்பித்தார்.

”நான் அமல் ரொட்ரிகோ. அமைச்சர் மேர்வின் சில்வாவின் இணைப்புச் செயலாளர். களனி பிரதேசத்திலேயே நான் வசித்து வருகிறேன். ஶ்ரீலங்கா சுதந்திரக் கட்சிக்கே நான் அதிகம் வேலைசெய்திருக்கிறேன். மகிந்த சாரின் வெற்றிக்கும் பாரிய பங்களிப்பு செய்துள்ளேன்.” என நீண்ட வாக்குமூலமொன்றை வழங்கியுள்ளார்.

தொடர்ந்து ஒளிப்பாகிய வாக்குமூலத்தின் சிறிது நேரத்தில்

”ஏன் எனக்கு இவ்வாறு செய்கிறீர்கள். அமைச்சர் சொல்வதை எல்லாம் நான் செய்தேன். ‘ஜனாதிபதிக்கு அந்த…… இளம் நடிகை வேண்டுமாம்’ என எனக்கு அமைச்சர் கூறினார். 50 ஆயிரம் ரூபா செலவில் நான் அந்த நடிகை அழைத்துவந்து ஜனாதிபதிக்கு கொடுத்தேன். இவ்வாறு எல்லாம் செய்த எனக்கு ஏன் இப்படி செய்கிறீர்கள்” என அமல் ரொட்ரிகோவின் வாக்குமூலம் ஒளிபரப்பாகிக் கொண்டிருந்த போது, ”இதனை நிறுத்து” எனக் கத்திக் கொண்டு, ஆத்திரமடைந்த மகிந்த ராஜபக்‌ஷ அந்த அறையிலிருந்து வெளியேறினார்.

இதனையடுத்து கோதாபய ராஜபக்‌ஷ அந்த ஒளிப்பதிவு சி.டியுடன் அங்கிருந்து வெளியேறியதாக அலரிமாளிகைத் தரப்புத் தகவல்கள் தெரிவித்தன.

3 லட்சம் வாக்குகளோடு திண்டாடும் கொலைக்களங்கள்! தமிழர்கள் என்ன செய்வார்கள் ?

தமிழர்கள் மீதான இலங்கையின் போர்குற்றங்கள் மற்றும் மானிடத்துக்கு எதிரான குற்றங்களை சர்வதேச அரங்கில் அம்பலப்படுத்திய ஆவணப்படமாகவுள்ள பிரித்தானியாவின் சனல்-4 தொலைக்காட்சியின் இலங்கையின் கொலைக்களங்கள் ஆவணப்படம் Bafta TV Awards 2012 விருதுக்கான போட்டிக்களத்தில் உள்ளது. தொலைக்காட்சி மற்றும் திரைத்துறை ஆகியவற்றிக்கான Bafta TV Awards ( The British Academy of Film and Television Arts) இவ்விருதானது பிரித்தானியாவின் முக்கிய விருதாக கவனிக்கப்படுகின்றது.

இந்த விருதுக்கு 4 ஆவணப்படங்கள் பரிந்துரை செய்யப்பட்டுள்ளபோதும், கொலைக்களங்களுக்கு கிடைக்கப்பெற்ற வாக்குகளை விட அல்ஜசீரா தொலைக்காட்சி ஒன்றின் ஆவணப்படத்துக்கான வாக்குகள் அதிகரித்திச் சென்றுள்ளது. இதனால், இலங்கையின் கொலைக்களங்கள் ஆவணப்படும் 2ம் நிலைக்கு தள்ளப்பட்டுள்ளது. எனவே தமிழர்கள் அனைவரும் உடனடியாகச் செயல்பட்டு தமது வாக்குகளை, இலங்கையின் கொலைக்களங்களுக்கு செலுத்தி அதனை உடனடியாக முன்னிலைப் படுத்தவேண்டும். இதுவே நாம் அதன் தயாரிப்பாளர்களுக்குச் செய்யும் நன்றிக்கடனாக அமையும். கீள் காணும் இணைப்பின் ஊடாகச் சென்று உங்கள் வாக்குகளைப் பதிவுசெய்யுங்கள். http://www.radiotimes.com/news/2012-04-23/bafta-tv-awards-2012-nominees-current-affairs---which-should-win#pd_a_6166811

தமிழ் தேசியக் கூட்டமைப்பிற்கு நல்ல படிப்பினை- சிறிதரன்!

மேதினக் கூட்டத்தில் ஐக்கிய தேசிய கட்சி துரோகம் செய்து விட்டதாகவும் தமிழ் தேசியக் கூட்டமைப்பினருக்கு இது நல்ல படிப்பினை என்றும் தமிழ் தேசியக் கூட்டமைப்பு நாடாளுமன்ற உறுப்பினர் எஸ்.சிறிதரன் கனடா வானொலி ஒன்றுக்கு வழங்கிய செவ்வியில் தெரிவித்துள்ளார்.

பேரினவாத கட்சியுடன் சேர்ந்தால் என்ன நடக்கும் என்பதற்கு யாழ்ப்பாணத்தில் நடந்த மேதினக் கூட்டம் நல்ல பாடங்களைக் கற்று தந்துள்ளதாகவும் அவர் தெரிவித்தார். ஐக்கிய தேசியக் கட்சியுடன் தமிழ் தேசியக் கூட்டமைப்பு நடத்திய மேதின கூட்டம் வரலாற்றில் மிகப்பெரிய தவறு என்றும் தலைமை எடுத்த முடிவுக்கு கட்டுப்பட்டு தானும் அந்த மேதின கூட்டத்தில் ஒரு பார்வையாளராக கலந்து கொண்டேன் என்றும் சிறிதரன் தெரிவித்தார்.

யாழ்ப்பாணத்தில் நடைபெற்ற மே தினக் கூட்டத்தில் மாவை சேனாதிராசாவும், இரா.சம்பந்தனும் உரையாற்றியிருந்தனர். அதேசமயம் இந்தக் கூட்டத்தை யாழ்ப்பாணத்தில் நடத்துவதற்கு மிகவும் முயற்சிகள் எடுத்திருந்த மனோ கணேசன் இந்தக் கூட்டத்தில் பேச அனுமதிக்கப்படவில்லை என்றும், விஜயகலா மகேஸ்வரன், யோகராஜன் போன்றவர்களுக்கு முக்கியத்துவம் வழங்கப்பட்டதாகவும் சிறிதரன் எம்.பி கூறினார்.

இது ஐக்கிய தேசிய கட்சியின் வரலாற்று ரீதியான துரோகத்தின் ஒரு கட்டமாகவே பார்க்க முடிகிறது என்றும் – நாங்கள் நல்ல பாடங்களை மேதினத்தில் கற்றிருக்கிறோம் என்றும் சிறிதரன் கூறினார். இந்த மேதினக் கூட்டத்தை விஜயகலாவும் ஐக்கிய தேசிய கட்சியின் பிரதேச பொறுப்பாளர்களுமே ஒழுங்கு செய்ததாக ரணில் விக்கிரமசிங்கவும் அங்கு குறிப்பிட்டதாகவும் அவர் கூட்டிக்காட்டினார்.

இரு தேசங்கள் ஒருநாடு- த.தே.ம.மு வின் மேதினப்பிரகடனம்!

தமிழ் தேசிய மக்கள் முன்னணி மற்றும் அகில இலங்கைத் தமிழ்க் காங்கிரஸ் ஆகியன இணைந்து ஏற்பாடு செய்த மேதினக் கூட்டம்  பிற்பகல் 3.45 மணிக்கு ஆரம்பமாகி மாலை 7.00 மணிவரை கரவெட்டி சாமியன் அரசடி ஞானவைரவா் ஆலய முன்றலில் இடம்பெற்றது.

சாமியன் அரசடி சந்தியில் கூடிய மக்கள் அங்கிருந்து ஞானவைரவா் ஆலயத்திற்கு ஊர்வலமாகச் ஞானவைரவா் ஆலய முன்றலில் சென்றடைந்தது. அங்கு ஓய்வுபெற்ற காணிப்பதிவாளா் செல்வரட்ணம் தலைமையில் மேதினக்கூட்டம் இடம்பெற்றது. இந்நிகழ்வில் நூற்றுக்கணக்கான மக்கள் கலந்துகொண்டிருந்தனா்.

அங்கு நெல்லியடி விவசாய அமைப்புக்களின் தலைவா் தம்பையா கனகராஐா, இளம் சட்டத்தரணியும், தமிழ் தேசிய மக்கள் முன்னணியின் தேசிய அமைப்பாளா் விஸ்வலிங்கம் மணிவண்ணன், அகில இலங்கை தமிழ் காங்கிரஸ் தலைவா் இ.எ.ஆனந்தராஐா, பருத்தித்துறை நகரசபையின் முன்னாள் தலைவா் வின்சன்ற் டீ போல், முன்னாள் பாராளுமன்ற உறுப்பினரும், தமிழ் தேசிய மக்கள் முன்னணியின் உபதலைவருமான திருமதி பத்மினி சிதம்பரநாதன், இளம் சட்டத்தரணி கனகரட்ணம் சுகாஸ், தமிழ் தேசிய மக்கள் முன்னணியின் பொதுச் செயலாளரும் முன்னாள் பாராளுமன்ற உறுப்பினருமாகிய செல்வராஐா கஜேந்திரன், ஆகியோர் உரையாற்றினா்.

தமிழ் தேசிய மக்கள் முன்னணியின் தலைவா் கஜேந்திரகுமார் பொன்னம்பலம் அவா்கள் வெளிநாட்டில் இருந்த காரணத்தினால் தொலைபேசியுடாக பெறப்பட்ட அவரது உரை ஒலிபரப்புச் செய்யப்பட்டது.

நிகழ்வு ஆராம்பமாவதற்கு முன்னா், கூட்டம் நடைபெறவிருந்த இடத்திற்கு பெரும் எண்ணிக்கையில் சிவில் உடையில் சென்ற புலனாய்வுத்துறையினரது செயற்பாடுகளால் அங்கு பெரும் பதற்றமும் அச்சமான சூழலும் பரவிக்கொண்டது. அதனால் அங்கு ஏற்பாட்டு வேலைகளில் ஈடுபட்டிருந்தவா்கள் பலா்  அச்சம் காரணமாக விலகிச் சென்றுவிட்டனா். நிகழ்வு நடைபெற்றுக் கொண்டிருந்தபோது புலனாய்வுப் பிரிவினா் வீடியோ மூலம் அதனைப் பதிவு செய்துகொண்டிருந்தனா். அத்துடன் ஒலி அமைப்பாளரிடம் , கூட்டத்தில் உரையாற்றுபவா்களது உரைகள் அனைத்தையும் பதிவு செய்து தரவேண்டுமென வற்யுறுத்தி பதிவு செய்திருந்தனா்.

பலத்த கெடுபிடிகளுக்கு மத்தியில் தமிழ் மக்களுக்கான அரசியல் தீா்வானது இரண்டு தேசங்கள் ஒரு நாடு என்ற அடிப்படையில் அமைய வேண்டுமென்ற பிரகடனம் மேற்கொள்ளப்பட்டுள்ளது.

ஹிலாரி கிளிண்டனுக்கு தொலைநகல் அனுப்பும் போராட்டம்!

முள்ளிவாய்க்கால் படுகொலைகளின் மூன்றாம் ஆண்டு நிறைவை முன்னிட்டு, முள்ளிவாய்க்கால் படுகொலைகளை இனப்படுகொலையாக அங்கீகரித்தும், வன்னி மக்களுக்கு அனுதாபமும் ஆதரவும் தெரிவித்தும் அறிக்கை ஒன்றை வெளியிட வேண்டும் என்று கோரி அமெரிக்க இராஜாங்கச் செயலர் ஹிலாரி கிளின்ரன்னுக்கு தொலைநகல் அனுப்பும் போராட்டம் ஒன்று புலம்பெயர் தமிழர்களால் முன்னெடுக்கப்பட்டு வருகிறது.

மே 18 நினைவு நாள் அமெரிக்க ஒருங்கிணைப்புக் குழுவின் சார்பில் இந்த தொலைநகல் அனுப்பும் போராட்டம் ஆரம்பிக்கப்பட்டுள்ளதாக அதன் இணைப்பாளர் சுபா சுந்தரலிங்கம் தெரிவித்துள்ளார்.

ருவாண்டா படுகொலைகளின் 19வது நினைவு நாளை முன்னிட்டு அண்மையில் ஹிலாரி கிளின்ரன், அங்குள்ள மக்களுக்கு ஆதரவும் அனுதாபமும் தெரிவித்து அறிக்கை ஒன்றை வெளியிட்டிருந்தார்.

அதன் அடிப்படையிலேயே முள்ளிவாய்க்கால் படுகொலைகள் குறித்தும் அறிக்கை ஒன்றை வெளியிட வேண்டும் என்று கோரிக்கை விடுக்கப்பட்டுள்ளது.

இந்தத் தொலைநகலை ஹிலாரி கிளின்ரனின் தொலைபேசி இலக்கங்களுக்கும் அதன் பிரதியை வெள்ளை மாளிகைக்கும், சாத்தியமிருந்தால், புலம்பெயர் தமிழர்கள் தாம் வதியும் நாட்டின் அரச தலைமைக்கும் அனுப்புமாறும் வேண்டுகோள் விடுக்கப்பட்டுள்ளது.

கீழ் உள்ள கடிதத்தை தொலைநகலில் அனுப்புமாறு கோரப்பட்டுள்ளது.

ஹிலாரி கிளின்ரனின் தொலைநகல் இலக்கங்கள் 1-202-647-1579 begin_of_the_skype_highlighting            1-202-647-1579      end_of_the_skype_highlighting அல்லது 1-202-647-2283 begin_of_the_skype_highlighting            1-202-647-2283      end_of_the_skype_highlighting, வெள்ளை மாளிகைக்கான பிரதி அனுப்ப வேண்டிய தொலைநகல் இலக்கம் 1-202-456-2461 begin_of_the_skype_highlighting            1-202-456-2461      end_of_the_skype_highlighting.

தொலைநகல் கடிதத்தின் மாதிரிப் பிரதி

 Commemoration of 3rd Anniversary of the May 2009 Mass Murders and Human Rights Excesses Committed by Sri Lankan Government

U.S. Secretary of State Honorable Hillary Rodham Clinton
Department of State, Washington, DC.
Madam Secretary,

On May 18, 2012 the Tamils of Sri Lanka and of the Diaspora will once again solemnly observe the anniversary of the atrocities perpetrated by the Sri Lankan armed forces directed by the Sri Lankan Government.

While three long years have already elapsed since those unspeakable crimes occurred, no meaningful relief is yet in sight for the remaining Vanni Tamils or their dear departed. More than ever, it is now clear that the Government of Sri Lanka possesses neither the will nor the urgency to undertake an inquiry of the necessary magnitude. It is also clear that in the absence of any willingness on the part of the international community to move forward on this issue, there cannot be any credible investigation to find out the truth or to hold the perpetrators to account. There is no reason to hope that the cause of justice or international peace will be served well under such circumstances.

In view of the likelihood that there never will be another credible attempt to ascertain the number of casualties during the Mullivaikkaal atrocities of May 2009, the Tamils of Diaspora hold the figure of 146,679 people disappearing without a trace in the final eight months of war, as extracted by the Bishop of Mannar Dr. Rayappu Joseph from the official records of the Government and those of the UN, as an agreeable estimate of the number of deaths in Vanni in those days. For the confirmation that this number of casualties occurred due to a war directed against the Tamil Population of Vanni on racial and political grounds, we have referenced the Report of the United Nations Secretary General’s Panel of Experts Para. 251, Page 69. Therefore Tamils of the Diaspora conclude and declare that what occurred during the period leading up to and directly following May18, 2009 is an act of genocide, and a crime against humanity.

Madam, Secretary of State, even in this unenviable situation, the Tamils of Sri Lanka and of the Diaspora sincerely recognize your personal efforts to obtain justice for us and are grateful for that effort culminating in the UNHRC resolution A/HRC/19/L.2. The Tamils of Sri Lanka and of the Diaspora also note with appreciation your recently issued message of solidarity with the Rwandan people on the eve of their 19thanniversary of the Rwandan genocide.

Under these circumstances, Madam Secretary, it is my earnest personal request that you please consider issuing a message to mark the sacrifices of the Tamils in Sri Lanka on May 18, 2009 and expressing your hope, as you have always insisted upon, for a genuine reconciliation through executing the obligations of accountability that such grave crimes entail.

Thanking you sincerely in advance for a positive response, Madam.

தமிழ் உணர்வு பீறிட்டு கிளம்புகிறது கருணாநிதிக்கு"பழ,கருப்பையா சீற்றம் !

இலங்கையில் தமிழீழம் தனித்ததொரு நாடாக அமைய மத்திய அரசு ஆதரவு தர வேண்டும் என்று திடீரென்று இன உணர்வு பீறிட்டுக் கிளம்பப் பெற்ற முன்னாள் முதல்வர் கருணாநிதி கூறியுள்ளார்! குதிரை ஓடிவிட்ட பிறகு லாயத்தைப் பூட்டுவதற்குப் பூட்டைத் தேடுகிறார் கருணாநிதி!

மூன்றாண்டுகளுக்கு முன்வரை போராடுவதற்கு ஒரு வலுவான போராளிகள் கூட்டம் இருந்தது. அப்போது பேசியிருக்க வேண்டும் இதை! அப்போது சகோதர யுத்தம் பற்றிப் பேசிக் கொண்டிருந்தவர்; தமிழீழம் சாத்தியமில்லை என்று பேசிக் கொண்டிருந்தவர்; இப்போது "ஈழம் எங்கள் தாகம்' என்று புறப்பட்டு விட்டார்! அதை ஐ.நா.வுக்குக் கொண்டு செல்ல மத்திய அரசுக்கு விண்ணப்பம் போடுகிறார் கருணாநிதி! ஈழத்தை இந்த அளவுக்குச் சின்னாபின்னப்படுத்தியதே தானும் மத்திய அரசும்தான் என்பதை மூன்றாண்டுகளில் மக்கள் மறந்திருப்பார்கள் என்று கருதிக் கொண்டு! யாருடைய தயவும் இல்லாமல் ஈழம் பல ஆண்டுகள் ஓர் "அறிவிக்கப்படாத' சுதந்திர நாடாகவே இருந்தது. வரி வசூல் நடந்தது; காவல் நிலையங்கள் செயல்பட்டன; நீதிமன்றங்கள் இயங்கின; சாலைகள் போடப்பட்டன! ஐ.நா. அவையில் அது ஓர் உறுப்பு நாடாக இல்லை என்பதைத் தவிர வேறு எந்த நிலையிலும் அது குறைவுடையதாக இல்லை. சிங்கள தேசியம் வாலைச் சுருட்டிக் கொண்டிருந்தது! பெரும்பான்மையான மக்களைச் சிறுபான்மை மக்கள் ஒரு கோட்டுக்கு இந்தப்புறம் வராதவாறு நிறுத்தி வைத்திருந்த வியப்பு உலக வரலாற்றில் முதன் முதலாக அரங்கேறியது! இவற்றையெல்லாம் பொறுத்துக் கொள்ள முடியாத சிங்கள இனவாதம் ஒரு நேரத்திற்காகக் காத்திருந்தது. ஒரு பெரிய வரலாற்று வேடிக்கை என்னவென்றால், கருணாநிதி அரசும் மன்மோகன் அரசும் சிறுபான்மை அரசுகள்; ஒன்றை ஒன்று முட்டுக் கொடுத்துக் கொண்டு வாழ வேண்டிய நிலையில் இருந்தவை! காங்கிரஸ் எப்போதுமே பெரிய அண்ணன்தான்! கருணாநிதி எப்போதுமே வாலைக் காலுக்குள் வைத்துக் கொண்டு தில்லி பீடத்திற்குப் பவ்வியமாக வாழ்ந்து பழக்கப்பட்டவர்தான்! தமிழ் ரத்தத்தை மண்ணில் தெறிக்கச் செய்கிற மன்மோகன் அரசின் கூட்டணியில் தி.மு.க. இருக்காது என்று கருணாநிதி எகிறி இருந்தால், மத்திய அரசு கவிழும் நிலையும், அதன் எதிர்விளைவாகக் கருணாநிதி அரசு தமிழ்நாட்டில் கவிழும் நிலையும் ஏற்பட்டிருக்கும்! ஆனால் ஈழத்தில் போர் நின்றிருக்கும்! ஈழம் "அறிவிக்கப்படாத' சுதந்திர நாடாகவே நீடித்திருக்கும்! சுதந்திர நாடாக இருந்த ஈழத்தைச் சுடுகாடாக்கிவிட்டு, "மீண்டும் தமிழீழம் மலரும்' என்று எழுதுவதற்கு எவ்வளவு நெஞ்சழுத்தம் வேண்டும்? இனி எதிலிருந்து தமிழீழத்தை மலரச் செய்வது? சாம்பலிலிருந்தா? சொல்லிப் பார்ப்பதற்குக் கூடக் கருணாநிதிக்குக் கூச்சமாக இல்லையா? எந்த விடுதலை இயக்கமும் தன் இலக்கை இன்றோ, என்றோ அடையாமல் முற்றுப் பெறுவதென்பதே இல்லை! ஆனால் அதைச் சொல்லுகின்ற தகுதி அதை அழிப்பதற்குத் துணை போனவர்க்கு உண்டா என்பதே கேள்வி! சீனத்தில் டெங்சியாபிங் முதலாளித்துவக் கொள்கைக்கு மாறினார்; அது குற்றமில்லை. ஆனால், பாட்டாளி வர்க்கச் சர்வாதிகார ஆட்சியின் பெயரால், செங்கொடியின் பெயரால், அரிவாள் சுத்தியலின் பெயரால், வர்க்கமற்ற சமூகக் கொள்கையின் பெயரால், வர்க்க பேதமுள்ள சமுதாயத்தை உருவாக்கிக் கொண்டு, அதற்கு நேர்மாறான அடையாளத்திற்குள் ஒளிந்து கொள்ள நினைத்தாரே, அதுதான் குற்றம்! டெங்சியாபிங் தியானன்மென் சதுக்கத்தில் திரண்டிருந்த பல லட்சம் சொந்த உடன்பிறப்புகள் மீது, பகை நாடுகளில் பயன்படுத்த வேண்டிய டாங்கிப் படையை ஏவி ஈவு இரக்கமின்றிச் சுட்டுக் கொன்றொழித்தாரே; எதற்கு? குடியாட்சி வேண்டுமென்று கேட்டதற்காகத்தானே? டெங்சியாபிங்கின் முதலாளித்துவக் கொள்கைகளைக் குடியாட்சியின் வழியாக நிறைவேற்ற முடியாதா? இவ்வளவு படுபாதகக் கொலைகள் ஏன்? இன்னும் சொன்னால் முதலாளித்துவம் தன்னுடைய வசதிக்காகத் தோற்றுவித்துக் கொண்ட அமைப்புத்தானே ஜனநாயகம்! சீனத்தில் இன்னமும் மாவோ வாழ்கிறார்; ஆனால் மாவோவின் கொள்கைகள் மட்டும் சாகடிக்கப்பட்டுவிட்டன. மாவோ தோற்றுவித்த கட்சியும், மாவோவின் புகழும், அதற்கு நேர்மாறான கொள்கை மாற்றம் சீனாவில் நிகழ்ந்த போதே அழிந்திருக்க வேண்டும்! அதுதான் இயற்கை! ஆனால், மாவோவின் கொள்கைகளை அழித்தபோது, மாவோ தோற்றுவித்த பொதுவுடைமைக் கட்சி கொதித்தெழவில்லை! பொறுத்துக் கொண்டது! ஆனால், மாவோ உண்டாக்கிய கட்சி அமைப்பை, அதன் வழி நிறுவப்பட்ட ஆட்சி முறையைப் பல லட்சம் மாணவர்கள் அழித்து விடுவார்களோ என்னும் அச்சுறுத்தல் ஏற்பட்டபோது, டெங்சியாபிங்கிலிருந்து கட்சியின் கிளைக் கழகச் செயலாளர் வரை கொதித்தெழுந்தனர். ஆட்சியைத் தக்க வைத்துக் கொள்ள மாவோ வேண்டும்; அவர் நிறுவிய கட்சி வேண்டும்; அவர் பிடித்த செங்கொடி வேண்டும்! அடையாளங்கள்தாம் முக்கியம்; மக்கள் மாற்றங்களை ஊடுருவி உணர மாட்டார்கள்! மேலே இருந்து கீழே வரை உள்ள அதிகாரப் பங்கீட்டைக் குலைக்காத வரை, எந்தக் கட்சியும் எந்தக் கொள்கைக் கைகழுவல்களையும் பொறுத்துக் கொள்கிறது! பொதுவுடைமைக் கோட்பாட்டைக் காப்பாற்றப் பாட்டாளி வர்க்கச் சர்வாதிகார ஆட்சி முறையால்தான் முடியும் என்று மார்க்ஸ் திண்ணமாக நம்பினார்! ஆனால், முதலாளித்துவத்தைக் காப்பாற்றவும் பாட்டாளி வர்க்கச் சர்வாதிகாரத்தால்தான் முடியும் என்று டெங்சியாபிங் மெய்ப்பித்ததை அறிந்தால் மார்க்ஸ் மயக்கமடைந்து விடுவார்! இது காலத்தின் கேலிதானே! ஈழத்தை அழிப்பதற்குத் துணை நின்றார் தலைவர் என்றபோதே தமிழினத்தின் மேம்பாட்டுக்காக அண்ணாவால் உருவாக்கப்பட்ட கட்சி கொதித்தெழுந்திருக்க வேண்டாவா? நடக்கவில்லையே! ஏன்? மேலே இருந்து கீழே வரை, முதல்வரிலிருந்து ஊராட்சித் தலைவர் வரை, ஒரு மாநிலத்தில் ஏறத்தாழ ஒரு லட்சம் பேர் அதிகாரத்தைப் பகிர்ந்து கொள்கிறார்கள்! ஒரு குறிப்பிட்ட கொள்கைக்காக அதிகாரத்தை உதறுவது என்பது தலைவருக்கும், தலைவரின் வெவ்வேறு குடும்பங்களுக்கு மட்டுமல்ல; கடைசிப் படிக்கட்டு அதிகாரத்திலிருப்பவனுக்கும் இயலாதது! இது போன்றவற்றைத் தெளிவாகப் புரிந்து கொண்டிருப்பவர் கருணாநிதி! அந்தக் கட்சியிலேயே அண்ணாவோடு உரசிப் பழகி ஊற்றம் பெற்ற அன்பழகனே, கருணாநிதி ஈழத்தைப் பதவிக்காகக் கைகழுவியபோது, "என்னால் இது முடியாது' என்று அமைச்சர் பதவியை உதறி விட்டு வெளியேறவில்லையே! இனம் அழிகின்றபோதும் ஒரே கட்சியில் மாறாமல் இருப்பது ஒரு சிறப்பா? கொள்கையை விற்று விட்டுக் கேவலம் "கட்சிக் கற்புப்' பாராட்டுகிற அரசியல்வாதிகள் இருக்கும் நாட்டில் பெய்கின்ற மழையும் நின்று விடாதா? எல்லாருக்குமே அடையாளங்களில்தான் எல்லாம் என்றாகி விட்டது! அண்ணா தோற்றுவித்த கழகம், அண்ணா தந்த கொடி, அண்ணா தந்த சின்னம், டி.எம். நாயரிலிருந்து தொடர்ச்சியுடைய ஒரு கட்சி என்று சொல்லும்போதும், திராவிட இயக்க நூற்றாண்டு விழாக் கொண்டாடும்போதும் ஒவ்வொரு அடிமட்டத் தொண்டனின் மனத்திலும் ஒரு பெருமிதம் உண்டாகிறது! ஈழம் சுடுகாடாகத் துணைபோனது அந்தப் பெருமிதத்தில் மறைந்து விடாதா? கருணாநிதியைத் தவிர அந்தக் கட்சியை வேறு யாராலும் காப்பாற்ற முடியாது! சிறு பிள்ளைகள் கீழே போட்டு உடைத்து விடுவார்கள் என்று நினைக்கிறார்களே, இது எத்துணை பெரிய சிறுபிள்ளைத்தனம்? பழைய பாட்டை ரீ-மிக்ஸ் செய்து பாட வேண்டியதுதானே! மீண்டும் தமிழீழம் என்னும்போது, "எப்படி?' என்னும் கேள்வி எழும்! ஐ.நா. மூலம் தமிழ் மக்களிடம் பொது வாக்கெடுப்பு நடத்தித் தமிழீழ விடுதலையைப் பெற வேண்டியதுதானே என்று முழங்கினால், "தலைவர் கொள்கையை எப்போது மறந்தார்' என்று தொண்டன் புளகாங்கிதம் அடைய மாட்டானா? சூடான் நாட்டிலிருந்து தெற்குச் சூடான் என்னும் தனிநாடு 2011}இல் ஐ.நா. வாக்கெடுப்பின் மூலம் உருவாகவில்லையா? அதுபோல் தமிழீழத்தை உருவாக்கலாம் என்று கருணாநிதி மெய்விளக்கச் சான்றுகளோடு சொல்லும்போது, உடன்பிறப்புகளுக்கு மெய் புல்லரிக்காதா? 2006}லேயே செர்பியாவிலிருந்து கொசோவா என்னும் தனிநாடு இதே அடிப்படையில் பிரிந்திருக்கும்போது, இப்போது சொல்வதை அப்போதே சொல்லி, 2009}இல் நடந்த நான்காம் ஈழப் போரைத் தவிர்த்திருக்கலாமே கருணாநிதி! ஈழத்தில் 45,000 பெண்கள் விதவைகளாகி இருக்கமாட்டார்களே! அவ்வளவு எளிதா சுதந்திரம்? ""அக்கா அக்கா என்று நீ அழைத்தாய்; அக்கா வந்து கொடுக்கச் சுக்கா மிளகா சுதந்திரம் கிளியே'' என்றார் பாரதிதாசன்! கருணாநிதியின் நோக்கம் கொள்கை மாறவில்லை என்பதுபோல் காட்டிக் கொஞ்சம் தமிழ்ச் சொரணை உள்ளவர்களை நம்ப வைப்பது! கசாப்புக் கடைக்காரன் ராஜபட்சவைப் போர்க் குற்றவாளியாக்க ஐ.நா. வாக்கெடுப்பால் முடிந்ததா? வாக்கெடுப்பின் மூலம் விடுதலை பெறுவாராம் கருணாநிதி! கேப்பையிலே நெய் வடிகிறது என்கிறார் கருணாநிதி! ராஜபட்ச போர்க் குற்றவாளியா இல்லையா என்று விசாரிக்க ராஜபட்ச அரசின் அனுமதி வேண்டும் என்று தீர்மானத்தைத் திருத்தி நீர்த்துப் போகச் செய்து விட்டுத்தானே அமெரிக்கத் தீர்மானத்திற்கு ஆதரவாக இந்தியா வாக்களித்தது! எது எப்படியானால் என்ன? "மகாத்மா காந்திக்கு ஜே!' என்று காங்கிரஸ் புறப்படும்! "திராவிட இயக்க நூற்றாண்டு விழா' என்று கருணாநிதி புறப்படுவார்! காந்தி, அண்ணாவின் கொள்கைகளா முக்கியம்? காந்தி, அண்ணாவின் பெயர்கள்தாமே முக்கியம்! அடையாளங்களில்தானே அரசியல் நடக்கிறது! -தினமணி-

ஈழம் மலர மாநாடு கூட்டுகிறார் கருணாநிதி!

திராவிட முன்னேற்ற கழகத்தின் தலைவர் முத்துவேல் கருணாநிதியின் தலைமையில் தனி ஈழ மாநாடு நாளை சென்னையில் ஆரம்பமாகின்றது. 

தமிழ் ஈழ ஒன்றினைந்த அமைப்பு என்ற பெயரில் 1985 ஆம் ஆண்டு கருணாநிதியினால் அமைக்கப்பட்ட அமைப்பே இவ்வாறு நாளை கூடவுள்ளது. சென்னை அறிவாளயத்தில் அமைந்துள்ள திராவிட முன்னேற்ற கழகத்தின் தலைமையகத்தில் இந்த ஒன்று கூடல் இடம்பெறவுள்ளது. 

திராவிட முன்னேற்ற கழகத்தின் பொதுச் செயலாளர் அம்பாசகம், கே வீரமணி, முன்னாள் அமைச்சர் ஜெகதீஸ்வரன், தமிழர் பேரவையின் தலைவர் கே வீரபாண்டி ஆகிய தனி ஈழகொள்ளையாளர்கள் இதில் பங்குகொள்ளவுள்ளனர். 

இலங்கையில் தமிழ் ஈழம் அமையப்பெற வேண்டும் என்று முத்துவேல் கருணாநிதி கடந்த தினத்தில் அறிவித்தல் விடுத்திருந்த நிலையிலேயே நாளைய தினம் இந்த ஒன்று கூடல் ஏற்பாடு செய்யப்பட்டுள்ளது. 

இந்த நிலையில் நேற்றைய தினம் மீண்டும் அவர் வெளியிட்ட அறிக்கை ஒன்றில் தனி ஈழம் அமைய அனைவரும் சாத்வீக போராட்டம் மோற்கொள்ளவேண்டும் என்று குறிப்பிட்டிருந்தார். 

அதற்காக மகாத்மா காத்தி, அன்னை தெரேசா அதுபோல் இலங்கையில் இருந்த தமிழ் தலைவரான தந்தை செல்வா ஆகியோரின் கொள்கையை பின்பற்றுமாறும் அவர் கோரிக்கை விடுத்திருந்தார். 

யுத்தம் ஒரு தற்காலிக பின்னடைவே என்று குறிப்பிட்டுள்ள அவர், இலங்கையில் உள்ள தமிழ் தலைவர்கள் அனைவரும் ஒன்றுபட்டு செயற்பட்டிருந்தால் தற்போது ஈழம் மலர்ந்திருக்கும் என்றும் குறிப்பிட்டிருந்தார்.

பிரித்தானியாவை விட்டு வெளியேறுகிறார் பிரசன்ன சில்வா!

பிரித்தானியாவில் உள்ள சிறிலங்கா தூதரகத்தில் பாதுகாப்பு ஆலோசகராகப் பணியாற்றும் – போர்க்குற்றம் சாட்டப்படும் இராணுவ அதிகாரியான மேஜர் ஜெனரல் பிரசன்ன சில்வா இந்தவாரம் கொழும்பு திரும்பவுள்ளார்.

மேஜர் ஜெனரல் பிரசன்ன சில்வா இந்தவாரம் கொழும்பு திரும்புவார் என்றும் இனிமேல் அவர் பிரித்தானியாவில் பணியாற்றமாட்டார் என்றும் சிறிலங்கா வெளிவிவகார அமைச்சின் பேச்சாளர் சரத் திசநாயக்க, உறுதிப்படுத்தியுள்ளார்.
இவரது இடத்துக்கு யாரை நியமிப்பது என்று இன்னமும் முடிவு செய்யப்படவில்லை என்றும் அவர் குறிப்பிட்டுள்ளார்.
மேஜர் ஜெனரல் பிரசன்ன சில்வாவுக்கு வரும் காலத்தில் வேறு எங்காவது இராஜதந்திரப் பதவி ஏதும் வழங்கப்படுமா என்ற கேள்விக்கும் அவர் பதிலளிக்க மறுத்து விட்டார்.
இவரது பணிக்காலம் முடிவடைந்த நிலையிலேயே சிறிலங்காவுக்குத் திரும்புவதாகவும் சரத் திசநாயக்க கூறியுள்ளார்.
இறுதிக்கட்டப் போரில் சிறிலங்கா இராணுவத்தின் 59வது டிவிசனுக்குத் தலைதாங்கிய மேஜர் ஜெனரல் பிரசன்ன சில்வா போர்க்குற்றவாளி என்றும் அவருக்கான இராஜதந்திர விலக்குரிமையை நீக்க வேண்டும் என்றும் பிரித்தானிய தமிழர் பேரவை பிரித்தானிய வெளிவிவகார அமைச்சரிடம் கோரியிருந்தது.
அத்துடன் பிரித்தானிய நாடாளுமன்றத்திலும், மேஜர் ஜெனரல் பிரசன்ன சில்வா தப்பிச் செல்ல இடமளிக்கக் கூடாது என்று குரல் எழுப்பப்பட்டதும் குறிப்பிடத்தக்கது.

கிளஸ்டர் குண்டு பயன்படுத்தப்பட்டது உண்மை-மருத்துவர் சாட்சியம்!

போரில் தாம் ஒருபோதும் கிளஸ்டர் குண்டுகளைப் பயன்படுத்தவில்லை என்று சிறிலங்கா படைத்தரப்பு மறுத்துள்ள நிலையில், கிளஸ்டர் குண்டினால் பாதிக்கப்பட்ட ஒருவரை நேரில் கண்ட மருத்துவப் பணியாளர் ஒருவரின் சாட்சியத்தை ஏபி செய்தி நிறுவனம் இன்று வெளியிட்டுள்ளது.
சிறிலங்காவில் போரின் போது, வெடிக்காத கிளஸ்டர் குண்டினால் காயமடைந்த ஒருவரைத் தான் கண்டதாக அந்த மருத்துவப் பணியாளர் ஏபி செய்தி நிறுவனத்திடம் கூறியுள்ளார்.
சிறிலங்காவில் போரின் இறுதிகட்டத்தில், கிளஸ்டர் குண்டு பயன்படுத்தப்பட்டதற்கான ஆதாரங்கள் கிடைத்துள்ளதாக ஐ.நாவின் வெடிபொருள் நிபுணர் அலன் போஸ்டனின் அறிக்கையை ஏபி செய்தி நிறுவனம் நேற்று வெளியிட்டிருந்தது.
இதனை சிறிலங்கா இராணுவப் பேச்சாளர் அடிப்படையற்றது என்று நிராகரித்துள்ள நிலையிலேயே, கிளஸ்டர் குண்டினால் பாதிக்கப்பட்டவரை நேரில் கண்டவரின் சாட்சியத்தை வெளியிட்டுள்ளது.
சிறிலங்கா அரசாங்கத்தினால் தனக்கு ஆபத்து நேரிடலாம் என்பதால் தனது பெயரை வெளியிட விரும்பாத அந்த மருத்துவப் பணியாளர் மேலும் கூறியுள்ளதாவது -
“போரின் இறுதி மாதங்களில் வெடிக்காத கிளஸ்டர் குண்டு ஒன்றினால் காயமடைந்த ஒருவரைப் பார்த்தேன்.
அவரது காலைக் கிழித்துக் கொண்டு நுழைந்த அந்த கிளஸ்டர் குண்டின் பாகம், வெடிக்காத நிலையில் புதைந்து போயிருந்தது.
பெப்ரவரி மாதத் தொடக்கத்தில் புதுக்குடியிருப்பு மருத்துவமனைச் சுற்றாடலில் தாம் கிளஸ்டர் குண்டின் சிதறல்களைக் கண்டுபிடித்ததாக ஐ.நாவின் உள்ளூர் பணியாளர்கள் என்னிடம் கூறியிருந்தனர்.
புதுக்குடியிருப்பு மருத்துவமனையில் இருந்த நோயாளர்கள் கிளஸ்டர் குண்டுகளால் காயமடைந்ததாக கூறியதை அடுத்து அந்த மருத்துவமனை புதுமாத்தளனுக்கு தற்காலிகமாக மாற்றப்பட்டது.
வித்தியாசமான வெடிப்புச்சத்தம் கேட்டது. பாரிய குண்டுச்சத்தத்தை அடுத்து சிறிய குண்டுவெடிப்புகள் இடம்பெற்றன.
காயங்கள் பலமானதாக இருந்ததால் மருத்துவ அதிகாரிகளால் சான்றுகளைக் கண்டுபிடிக்க முடியவில்லை.
அதன் பின்னர் மார்ச் அல்லது ஏப்ரல் தொடக்கத்தில் ஒருவர் தனது காலின் கீழ்ப் பகுதியில் காயமடைந்த நிலையில் வந்தார்.
அவரது காயத்தை மருத்துவ அதிகாரிகள் சுத்தம் செய்த போது, கிளஸ்டர் குண்டின் சிறியதொரு வெடிக்காத பாகம் உள்ளிருந்ததை கண்டுபிடித்தனர்.
இதனால், குண்டு இருந்த அவரது முழங்காலுக்கு கீழான பகுதியை மருத்துவ அதிகாரிகள் வெட்டி அகற்றினர்.
அவரது காலுக்குள் குண்டு இருந்தது.
அதனை செயலிழக்க வைப்பது பாதுகாப்பற்றது என்பதால், அவரது கால் அகற்றப்பட்டு வீசப்பட்டது.“ என்றும் அந்த மருத்துவப் பணியாளர் குறிப்பிட்டுள்ளார்.
இது தொடர்பாக ஏபி பெற்றுக் கொண்ட ஒரு ஒளிப்படத்தில், ஒருவரது முழங்காலுக்குக் கீழ் உலோக உருளை ஒன்று புதைந்துள்ளதை காணமுடிகிறது.
இதை தொழில்நுட்ப வல்லுனர்களிடம் காண்பித்தபோது, அது ஒரு கிளஸ்டர் குண்டு தானா இல்லையா என்பதை கூறமுடியவில்லை என்று தெரிவித்துள்ளதாகவும் ஏபி குறிப்பிட்டுள்ளது.
அதேவேளை, தமிழ்ப் புலிகளுக்கு எதிராக சிறிலங்கா அரசபடைகள் மேற்கொண்ட போரின் போது, பல ஆயிரக்கணக்கான மக்கள் காயமடைந்தனர் என்றும் இவர்களில் பலர் வெள்ளை பொஸ்பரஸ் குண்டினால் ஏற்பட்டிருக்கக் கூடிய எரிகாயங்களுக்கு உள்ளாகியதாகவும் ஏபி தகவல் வெளியிட்டுள்ளது.
இது தொடர்பாக கருத்து வெளியிட்ட அந்த மருத்துவப் பணியாளர், “வெள்ளைப் பொஸ்பரசினால் ஏற்பட்ட காயங்களுடன் நோயாளர்கள் மருத்துவமனைக்கு வந்தனர்.
குண்டுவெடிப்பு நடந்த பகுதிக்கருகே சென்று பார்த்தபோது அந்த இடம் கருகிப் போயிருந்தது“ என்றும் தெரிவித்துள்ளார்.
வெள்ளை பொஸ்பரஸ் குண்டுகளை பயன்படுத்துவதை அனைத்துலக சட்டங்கள் தடை செய்யவில்லை.
ஆனால் பொதுமக்கள் அதிகம் வாழும் பகுதிகளில் இவை பயன்படுத்தப்படுவது மனிதஉரிமை அமைப்புகள் போர்க்குற்றம் என்று கூறுவதாகவும் ஏபி செய்தி நிறுவனம் குறிப்பிட்டுள்ளது.

ஐ.தே.க இரு குழுக்களிடையே நேற்று கடும் மோதல்!

மத்துகம – அகலவத்தை பிரதேசத்தில் நேற்று ஏற்பாடு செய்யப்பட்டிருந்த ஐக்கிய தேசிய கட்சியின் பொதுக் கூட்டமொன்றில் இருதரப்புக்கு இடையில் மோதல் சம்பவம் ஒன்று இடம்பெற்றுள்ளது. 

எதிர்வரும் முதலாம் திகதி கொழும்பில் நடத்தப்படவுள்ள முன்னாள் ஜனாதிபதி ரணசிங்க பிரேமதாசவின் சிரார்த்த தினத்தை முன்னிட்டு இந்த சந்திப்பு ஏற்பாடு செய்யப்பட்டிருந்தது. 

மாகாண சபை உறுப்பினர்களான சிறிலால் லக்திலக்க, மைத்திரி குணரத்ன ஆகியோரின் தலைமையில் குறித்த நிகழ்வு நடத்தப்பட்டது. இதனிடையே, நாடாளுமன்ற உறுப்பினர் பாலித்த தேவப்பெரும அங்கு சென்ற நிலையில், முறுகல் நிலை ஏற்பட்டுள்ளது. 

மத்துகம அமைப்பாளராக செயற்படும் தமது அனுமதியின்றி குறித்த பிரதேசத்தில் நிகழ்வுகளை ஏற்பாடு செய்தமைக்கு அவர் எதிர்ப்பு வெளியிட்டுள்ளார். 

இதன்போது, தேவப் பெருமவுடன் வந்த குழுவுக்கும், மற்றைய தரப்பினருக்கும் இடையில் மோதல் ஒன்றும் இடம்பெற்றுள்ளது.

மே தினப் பேரணியில் கையெழுத்து வேட்டை!

மத்திய லண்டனில் நடைபெறும் மே 1 ம் திகதி சர்வதேச தொழிலாளர் தின ஊர்வலத்தில் அனைத்து தமிழ் மக்கள் கலந்து கொண்டு ஈழத்தமிழினத்திற்கு எதிராக சிறிலங்காஅரசினால் மேற்கொள்ளப்பட்ட இன அழிப்பை பிரித்தானிய வாழ் அனைத்து இன சமூக மக்களுக்கும் எடுத்துச் சொல்வோம்.

தமிழினம் ஓர் தனித்துவமான இறையாண்மை உள்ள இனம் என்பதை சர்வதேசத்திற்கு எடுத்துக்காட்டுவதற்கும், பிரித்தானிய பாராளுமன்றத்தினால் உருவாக்கப்பட்டுள்ள சர்வதேச சுயாதீன விசாரணை தொடர்பான இணையத்தள மனுவில் கையொப்பங்கள் பெறுவதற்கான ஏற்பாடுகளும் பிரத்தானிய தமிழர் பேரவையினால் மேற்கொண்டுள்ளது. இப் பேரணியில் அனைத்து தமிழ் மக்களையும் அணிதிரண்டு வருமாறு கேட்டுக் கொள்வதோடு இணைய தள மனுவில் கையெழுத்துப் பெறுவதற்கு உதவ விரும்புவோர் முற்கூட்டியே தொடர்பு கொள்ளுமாறும், கொண்டுசெல்லும் இணையத்தள வசதிகள் உள்ள மடிக் கணணி(Laptop) உள்ளவர்கள் இவ் இணையவழி கையொப்பமிடலுக்கு உதவுமாறும் கேட்டுக்கொள்கின்றோம். காலம்: 1 May 2012 10:30 செவ்வாய் கிழமை. நடை பெறும் இடம். Clerkenwell Green EC1 (nearest tube � Farringdon) தொடர்புகளுக்கு: begin_of_the_skype_highlighting            020 8808 0465      end_of_the_skype_highlighting 078 2544 8753 begin_of_the_skype_highlighting            078 2544 8753

ஐ.நா.வருகையையொட்டி அகற்றப்படும் காவலரண்கள்!

ஐக்கிய நாடுகள் சபையின் சர்வதேச விவகாரங்களைக் கையாளும் விசேட இராஜதந்திரிகளை உள்ளடக்கிய உயர்மட்டக் குழுவொன்று அவசரப் பயணம் ஒன்றை மேற்கொண்டு அடுத்த மாத நடுப்பகுதியில் இலங்கை வருகின்றது என்றும் இதனை ஒட்டி வன்னியில் உள்ள படை அரண்கள் அகற்றப்பட்டு மறைவான இடங்களில் அமைக்கப்பட்டு வருவதாகவும் தெரியவருகின்றது.ஐ.நா. மனித உரிமைகள் சபையில் நிறைவேற்றப்பட்ட தீர்மானத்துக்கமைய இலங்கை அரசு செயற்பட வேண்டும் என சர்வதேச சமூகம் தொடர்ச்சியாக வலியுறுத்திவரும் நிலையிலேயே, ஐ.நா.மனித உரிமைகள் குழு அவசர பயணமொன்றை மேற்கொண்டு கொழும்பு வரவுள்ளது.

ஐ.நா. சபையின் மனித உரிமைகள் சபையின் ஆணையாளர் நவநீதம்பிள்ளையின் பணிப்புரைக்கமைய இலங்கை வரும் இந்த இராஜதந்திரிகள் குழு, இங்கு முக்கிய சந்திப்புக்கள் பலவற்றையும் நடத்தவுள்ளது என்று அறியமுடிகின்றது.

இதன்படி, இலங்கையின் அரசியல் கட்சிகளின் முக்கியஸ்தர்கள், மனித உரிமை ஆர்வலர்கள் உட்பட முக்கிய பல அதிகாரிகளைச் சந்தித்து இந்த உயர்மட்டக்குழு கலந்துரையாடும்.

 இலங்கை அரசின் வெளிவிவகார நடவடிக்கைகளைக் கையாளும் முக்கியஸ்தர்களையும் ஐ.நா. குழு சந்தித்துப்  பேச்சு நடத்தும் என தகவல்கள் வெளியாகியுள்ளபோதும், அந்தச் சந்திப்புக்கான நிகழ்ச்சி நிரல் இன்னும் தயாராகவில்லை என இராஜதந்திர வட்டாரங்களிலிருந்து அறியமுடிகின்றது.

ஐ.நா.மனித உரிமைகள் சபையில் தீர்மானம் நிறைவேற்றப்பட்ட பின்னர் இலங்கை அரசு நாட்டில் முன்னெடுத்து வரும் நல்லிணக்க நடவடிக்கைகள் உட்பட முக்கிய பல விடயங்கள் குறித்து ஐ.நா. அதிகாரிகள் ஆராய்வார்கள் என்றும் அறிய முடிகிறது.

இலங்கைப் பயணத்தை முடித்துகொண்டு திரும்பும் ழுகு தனது ஆய்வறிக்கையை நவநீதம்பிள்ளை அம்மையாரிடம் கையளிக்கும் என கொழும்பிலுள்ள இராஜதந்திரியொருவர் நேற்று மாலை தெரிவித்தார்.

அதேவேளை, ஐ.நா.மனித உரிமைகள் ஆணையாளர் நவநீதம்பிள்ளை இவ்வருட இறுதியில் இலங்கைக்கு பயணம் மேற்கொள்ளவுள்ளார். அந்தப் பயணத்துக்கான முன்னேற்பாடுகள் குறித்தும் இந்தக் குழு ஆராயும் என அறியமுடிகிறது.

வன்னியில் வீதி ஓரங்களில் அமைக்கப்பட்டிருந்த படை அரண்கள் அகற்றப்பட்டு அவற்றிற்கு நேராக மறைவான காட்டுப் பகுதிகளில் மீளவும் அமைக்கப்பட்டுவருவதாக வன்னியில் இருந்து உறுதிப்படுத்தப்பட்ட தகவல்கள் தெரிவிக்கின்றன.

சிறிலங்கா படைகள் வீசிய கிளஸ்டர் குண்டுகள் – ஐ.நாவிடம் ஆதாரங்கள்!

சிறிலங்காவில் உள்நாட்டுப் போரின் போது சிறிலங்காப் படையினர் கிளஸ்டர் குண்டுகளைப் பயன்படுத்தியுள்ளதற்கான ஆதாரங்கள் கிடைத்துள்ளதாக ஐ.நா கண்ணிவெடி அகற்றும் நிபுணர் ஒருவர் தகவல் வெளியிட்டுள்ளார்.
சிறிலங்காவின் உள்நாட்டுப் போரில் கிளஸ்டர் குண்டுகள் பயன்படுத்தப்பட்டுள்ளது முதல்முறையாக உறுதிப்படுத்தப்பட்டுள்ளதால், போரின்போது இடம்பெற்ற போர்க்குற்றங்கள் குறித்த அனைத்துலக விசாரணை அழுத்தங்கள் அதிகரிக்கும் என்று அனைத்துலக ஊடகம் ஒன்று செய்தி வெளியிட்டுள்ளது.
ஐ.நா அபிவிருத்தித் திட்டத்தின், கண்ணிவெடி அகற்றும் நடவடிக்கைத் திட்ட தொழில்நுட்ப ஆலோசகர் அலன் போஸ்ரன் என்ற நிபுணரே, இந்தத் தகவலை வெளியிட்டுள்ளார்.
இவர், புதுக்குடியிருப்பில் கிளஸ்டர் குண்டின் வெடிக்காத பகுதிகள் கண்டுபிடிக்கப்பட்டுள்ளதாக, மின்னஞ்சல் மூலம் அனைத்துலக ஊடகம் ஒன்றுக்கு அறிவித்துள்ளார்.
“கடந்த மாதம் புதுக்குடியிருப்பில் வீடு ஒன்றில் சேகரித்து வைக்கப்பட்டிருந்த உலோகங்களைப் பிரிக்க முற்பட்ட பையன் ஒருவர் அது வெடித்ததில் உயிரிழந்தான். அவனது சகோதரி படுகாயமடைந்தார்.
இதுதொடர்பாக நிழற்படங்களை விசாரணைக் குழுவினர் ஆராய்ந்த போது, கிளஸ்டர் குண்டின் வெடிக்காத சிறிய பகுதிகளை சேகரித்து வீட்டில் வைத்திருந்த போதே, அந்தக் குண்டுவெடிப்பு இடம்பெற்றதை கண்டறிய முடிந்தது.
சிறிலங்காவில் வெடிக்காத நிலையில் கிளஸ்டர் குண்டின் பாகங்கள் கண்டுபிடிக்கப்பட்டுள்ளது இதுவே முதல்தடவை.
இதுபற்றி சிறிலங்கா இராணுவத்தின் கண்ணிவெடி அகற்றும் பிரிவுக்கும் தகவல் வழங்கப்பட்டுள்ளது“ என்றும் அவர் மேலும் கூறியுள்ளார்.
அதேவேளை சிறிலங்கா அரசின் பாதுகாப்பு விவகார பேச்சாளர் லக்ஸ்மன் ஹுலுகல்ல, சிறிலங்காப் படைகள் போரின்போது கிளஸ்டர் குண்டுகளைப் பயன்படுத்தவில்லை என்று தெரிவித்துள்ளார்.
இதுகுறித்து ஐ.நாவிடம் இருந்தும் உடனடியாக எந்தக் கருத்தும் வரவில்லை.
2009 பெப்ரவரி மாதம், சிறிலங்கா அரசினால் போர்தவிர்ப்பு வலயமாக அறிவிக்கப்பட்ட மருத்துவமனைப் பகுதியில் கிளஸ்டர் குண்டுகள் பயன்படுத்தப்பட்டிருக்கலாம் என்று ஐ.நா முதல்முறையாக தகவல் வெளியிட்டிருந்தது.
எனினும் சிறிலங்கா அரசாங்கம் அதை நிராகரித்தது.
அதேவேளை ஐ.நா நிபுணர் குழுவின் அறிக்கையில், போர் தவிர்ப்பு வலயத்தில் சிறிலங்காப் படையினர் கிளஸ்டர் குண்டுகளை பயன்படுத்தியதாக உறுதிப்படுத்தப்படாத தகவல்கள் தெரிவிப்பதாக கூறப்பட்டிருந்தது.
சில காயங்கள் கிளஸ்டர் குண்டினால் ஏற்பட்டவை போன்றிருப்பதாகவும் இதுபற்றி மேலதிக விசாரணைகள் நடத்தப்பட வேண்டும் என்றும் ஐ.நா நிபுணர் குழு கூறியிருந்தது.
தற்போது கிளஸ்டர் குண்டுகள் பயன்படுத்தப்பட்டதற்கான ஆதாரங்கள் ஐ.நாவிடம் சிக்கியுள்ளதால், சிறிலங்கா மீதான அனைத்துலக போரக்குற்ற விசாரணை அழுத்தங்கள் மேலும் அதிகரிக்கும் என்று எதிர்பார்க்கப்படுகிறது.

சிங்களம் என்றும் ஏறி மிதிக்குமே தவிர கெளரவப்படுத்தாது!

கொழும்பு7 இல் உள்ள கலாயோகி ஆனந்த குமாரசாமி மாவத்தையின் அரைவாசி பகுதி நெலும் பொக்குண மாவத்தையெனப் பெயர் மாற்றம் செய்யப்பட்டதற்கு எதிர்ப்புத் தெரிவித்தும் பழையபடி அந்த வீதிக்கு கலாயோகி ஆனந்த குமாரசாமியின் பெயரே சூட்டப்பட வேண்டுமெனவும் கோரி மேல் மாகாண சபையில் செவ்வாய்க்கிழமை கொண்டவரப்பட்ட பிரேரணை 24 மேலதிக வாக்குகளால் தோற்கடிக்கப்பட்டது.ஐக்கிய தேசியக் கட்சி உறுப்பினர் முஜிபுர் ரகுமான் இந்தப் பிரேரணையைக் கொண்டு வந்திருந்தார். எனினும் ஆளும் ஐக்கிய மக்கள் சுதந்திர முன்னணி இந்தப் பிரேரணையைத் தோற்கடித்தது.

முதலில் இந்தப் பிரேரணை மீது விவாதம் நடைபெற்றது. பிரேரணையை சமர்ப்பித்த முஜிபுர் ரகுமான் அங்கு உரையாற்றுகையில்;

இலங்கையின் பெயரை உலகளவில் கொண்டு சென்றவர் கலாயோகி ஆனந்த குமாரசுவாமி. இதனைக் கருத்திற் கொண்டே லிபட்டி பிளாஸா சுற்றுவட்டம் முதல் ஹோட்டன் பிளேஸ் சுற்றுவட்டம் வரையான கிறீன் பாத் வீதிக்கு அவரது பெயர் சூட்டப்பட்டது.

இப்பாதையில் தேசிய நூலகம், கலாபவனம் மற்றும் மகாவலி கேந்திர நிலையம் என கலையம்சம் பொருந்திய கட்டிடங்கள் அமைந்துள்ள நிலையிலேயே அவரது பெயர் சூட்டப்பட்டது.

இப்போது இப்பாதைக்கு நெலும்பொக்குண மாவத்தை எனப் பெயர் மாற்றியதன் மூலம்  அவரை அகௌரவப்படுத்தியுள்ளனர். தெற்காசிய கலைகளை, பௌத்த கலாசாரங்களை உலகுக்கு தெரியப்படுத்திய சுவாமி ஆனந்த குமாரசுவாமியின் பெயரை மீண்டும் அவ்வீதிக்கு இடுவதற்கு மாகாண சபை உத்தரவிட வேண்டுமெனத் தெரிவித்தார்.

இதன் பின்னர் ஆளும் கட்சி பிரதம கொறடா ரேணுகா பெரேரா பேசுகையில்;

முஜிபுர் ரகுமான் இடதுசாரிக் கட்சியிலிருந்து ஐக்கிய தேசியக் கட்சிக்கு வந்தவர். அவர் ஏன் இனவாதியாக மாறினாரெனத் தெரியவில்லை. நாங்கள் பாதையின் பெயரை மாற்றவில்லை. அந்த நீண்ட வீதியின் ஒரு பகுதியை மட்டுமே நெலும் பொக்கிண மாவத்தையென மாற்றியுள்ளோம். சீனா இந்தக் கலைக்கூடத்தை பல கோடி ரூபா செலவளித்து கட்டியதைக் கௌரவப்படுத்துவதற்கே பாதைக்கு நெலும் பொக்குணவென பெயரிடப்பட்டதாகவும் தெரிவித்தார்.

இதன்போது ஜனநாயக மக்கள் முன்னணியின் சபையின் குழுத்தலைவர் குமரகுருபரன் இங்கு பேசுகையில்;

சபையில் கலாயோகி ஆனந்த குமாரசாமியின் பெயரை உச்சரித்த போது, இனவாதியென உறுப்பினர்களிடையே வாக்குவாதம் இடம்பெற்றது. இது மிகவும் கவலையளிக்கின்றது. அன்று கலாயோகி ஆனந்த குமாரசாமியை கௌரவப்படுத்தி அரசாங்கம் முத்திரை வெளியிட்டது. அத்துடன் தெற்காசிய கலைகளை உலகுக்கு எடுத்துக்காட்டியதற்காக அந்த வீதிக்கு அவரது பெயரைச் சூட்டிப் பெருமைப்படுத்தியது. தற்போது அவ்வீதியின் அரைவாசிக்கு நெலும் பொக்குண என பெயர் மாற்றியதன் மூலம் பாதையில் அரைவாசியைப் பறித்தெடுத்துள்ளனர். இது அவரை அகௌரவப்படுத்தும் செயலாகுமென்றார்.

இதையடுத்து நடைபெற்ற வாக்கெடுப்பில் பிரேரணைக்கு ஆதரவாக 12 வாக்குகளும் எதிராக 36 வாக்குகளும் கிடைத்ததால் பிரேரணை 24 மேலதிக வாக்குகளால் தோற்கடிக்கப்பட்டது.

படைபலம் கொண்டு தமிழ் மக்கள் அடக்கப்படுகின்றனர்!

போருக்குப் பின்னரும் இந்த அரசு தமிழ் மக்களை பெரும் படை பலத்துடன் அடக்கி  வருகின்றது. இதனைத் தடுத்து நிறுத்த அனைவரும் ஒன்று திரண்டு போராட வேண்டிய  கட்டாய தேவையாகும் என நவசமசமாஜக் கட்சியின் பொதுச் செயலாளர் கலாநிதி விக்ரமபாகு கருணாரட்ன தெரிவித்துள்ளார். மே தினக் கூட்டம் தொடர்பாக அவர் விடுத்துள்ள அறிக்கையில் ;

எதிர்வரும் மே தினக் கூட்டம் நவசமசமாஜக் கட்சி ஒன்றில் கொழும்பில் தனியாக நடத்தும் அல்லது வேறு இடதுசாரி அரசியல் , தொழில் சங்க அமைப்புகளுடன் கை கோர்த்து நடத்தும்.

யாழ்ப்பாணத்தில் நடத்தப்படவுள்ள இணைந்த  எதிரணிக் கட்சிகளின் மே தினக் கூட்டத்திலும் நவசம சமாஜக்கட்சி பங்குகொள்ளும் இதன் காரணமாக சில அரசியல் வட்டாரங்களில் இருந்து விமர்சனங்களும் கண்டனங்களும் வெளிப்படுத்தப்பட்டுள்ளதை ஊடகங்களின் மூலம் அறிய முடிகின்றது.

தமிழ்த் தேசியக் கூட்டமைப்பின் தலைமையில் யாழ்ப்பாணத்தில்  நடத்தப்படவுள்ள மே தினக் கூட்டத்தில் ஐக்கிய தேசியக் கட்சி மற்றும் பல கட்சிகள் பங்கு கொள்ள இருக்கின்றன. மேற்படி  பிரதான இரு கட்சிகளினதும் கொள்கைகளுக்கும் நவசம சமாஜக்கட்சியினதும் கொள்கைகளுக்கும் பாரிய வேறுபாடு உள்ளது.

இது யாவருக்கும் தெரிந்த உண்மை நிலையாகும். குறிப்பாக தமிழ்த் தேசியப் பிரச்சினையை பொறுத்த வரை தமிழ் மக்களினது சுயநிர்ணய உ ரிமை அவர்களின் தாயகம் ஆகியவற்றை பொறுத்த வரை நவசம சமாஜக் கட்சி அவற்றை அங்கீகரிப்பதுடன் அதற்காக கடந்த 35 ஆண்டுகளுக்கு மேலாக போராடியும் வருகின்றது.

இதே நேரம் இன்றைய கால கட்டத்தில் போருக்கு பின்னரான காலப் பகுதியில் மகிந்த ராஜபக்ஷ அரசாங்கம் தமிழ் மக்களை பெரியளவில் படைபலத்துடன் ஒடுக்கி வருகின்றது. எனவே இத்தகைய கொடிய ஒடுக்கு முறை செயற்பாட்டுக்கு எதிராக  அனைத்து எதிர் சக்திகளையும் ஒன்றிணைத்து போராட்டங்களை  முன்னெடுக்க வேண்டியது  காலத்தின் தேவையாகும். இந்த அடிப்படையிலேயே   யாழ்ப்பாணத்தில் மே தினத்தை நடத்துவது தொடர்பாக நவசம சமாஜக் கட்சி  எண்ணுகின்றது.

மாறாக மேற்படி இரண்டு கட்சிகளுடனும் வேறு எந்த வகையான விலை போதல் செயற்பாடுகளுக்கும் நவசமசமாஜக்  கட்சி ஒரு போதும் வளைந்து கொடுக்க மாட்டாது. அங்ஙனம் எவரும் எண்ணுவார்களாயின் அவர்களின் அரசியல் ஞானம் பெரிதாக வளர்ச்சி பெறவில்லை என்றே நவசம சமாஜக் கட்சி கருதுகின்றது.

போராட்டங்களின் ஊடாகவே இந்த ஆட்சியை பலவீனப்படுத்த முடியும். அதனையே நவசம சமாஜக் கட்சி மேற்கொண்டு வருகின்றது. யாழ்ப்பாணத்தில் நடத்தப்பட இருக்கின்ற  மே தினத்தை ஒரு போராட்ட வடிவமாகவே நவசம சமாஜக் கட்சி  பார்க்கின்றது. எத்தகைய போராட்ட செயற்பாடுகளும் இன்றி வெறும்  விமர்சனங்களை முன்வைப்பதாலும் ஆட்சியாளர்களே பயன்பெறுவர். கடந்த 60 வருடங்களுக்கு மேலாக வைரம் பாய்ந்து உறுதியாக இருக்கும் தமிழ்த் தேசிய உணர்வு கரைந்து போய் விடுமென யாரும் நினைத்தால் அது சொல்கின்றவரின் பலவீனத்தின் வெளிப்பாடு என்றே அடையாளம் காண முடியும்.

நீண்ட வரலாற்றைக் கொண்ட தமிழ் மக்களின் விடுதலைப் போராட்டத்தை பலவீனப்படுத்த யாரும் அருகில் நெருங்க முடியாது இன்றைய கால கட்டத்தில் போராட்ட வடிவங்கள்  ஊடாகவே தமிழ் மக்களின் விடுதலைப் பேராட்டத்தை முன்கொண்டு செல்ல  முடியும் இதுவே நவசம சமாஜக் கட்சியின் நம்பிக்கையாகும் எனவும் தெரிவித்துள்ளார்.

முற்போக்கு சோசலிச கட்சிக்குள்ளும் பிளவு!

ஜே.வி.பியிலிருந்து விலகிச்சென்ற குழுவொன்றினால் ஆரம்பிக்கப்பட்ட முற்போக்கு  சோசலிச கட்சிக்குள்ளும் பிளவு ஏற்பட்டுள்ளதாக தகவல்கள் வெளியாகியுள்ளன. திமுத்து பண்டார அபேயகோனின் தலைமையிலான ஒரு குழுவும், சேனாதீர குணதிலக்க எனப்படும் மீபான மஹாத்தயா என்பவரின் தலைமையிலும் இரு குழுக்கள் தோற்றியுள்ளதைத் தொடர்ந்து இவர்களுக்குள் முரண்பாடுகள் ஏற்பட்டுள்ளதாக தெரிவிக்கப்படுகிறது.
இதனிடையே, முற்போக்கு சோசலிச கட்சியில் அங்கம் வகிக்கும் மக்கள் போராட்ட இயக்கத்தின் மத்திய செயற்குழு உறுப்பினர் கெலும் அமரசிங்கவும் தமது பொறுப்பிலிருந்து விலகியுள்ளார். அவர் தற்போது, கட்சியுடன் உள்ளக ரீதியான விவாதத்தில் ஈடுபட்டு வருவதாக கட்சித் தரப்பு செய்திகள் தெரிவிக்கின்றன.