திரு,நடேசன் அவர்களை புலிகளே சுட்டனராம்!கனகரத்தினத்தின் துரோகத்தனம்.

புலிகளே ப.நடேசனையும் புலித்தேவனையும் சுட்டதாக தமிழ் தேசிய கூட்டமைப்பின் முந் நாள் நாடாளுமன்ற உறுப்பினர் கனகரட்னம் அவர்கள் தெரிவித்துள்ளார். வெள்ளைக் கொடியோடு சென்று சரணடைந்த புலிகளின் அரசியல் துறைப் பொறுப்பாளர்களை இலங்கை இராணுவம், பல சித்திரவதைகளுக்கு பின்னர் சுட்டுக்கொண்ற ஆதாரங்கள் வெளியாகியுள்ள நிலையிலும், அரசியல்துறைப் பொறுப்பாளர் ப.நடேசன் அவர்கள் தனது மகனைத் தொடர்புகொண்டு, தான் சரணடையச் செல்வதாகவும், இன்னும் 30 நிமிடங்களில் நான் திரும்பவும் உன்னைத் தொடர்புகொள்ளவில்லை என்றால் எனக்கு உயிராபத்து நேர்ந்ததாக கருதலாம் என்றும் சொல்லியிருந்தார் என்பது பலரும் அறிந்த விடையம்.
ஐ.நா அதிகாரிகள், ரைம்ஸ் ஒன்லைன் மெரியா கெல்வின் போன்ற முக்கிய புள்ளிகளோடு பேசி அவர்கள், அதனை இலங்கை அரசுக்கு தெரியப்படுத்திய பின்னரே புலிகளின் அரசியல் தலைவர்கள் சரணடையச் சென்றனர். ஆனால் முந் நாள் எம்.பி கனகரட்னம் அவர்கள் புலிகளே நடேசனைக் கொண்றதாகப் பிதற்றியுள்ளார். இறுதி நேரங்களில் இராணுவத்திடம் யார் சரணடையச் சென்றாலும் அவர்களைச் சுட்டுத்தள்ளுமாறு தேசிய தலைவர் கட்டளையிட்டதாக அவர் மேலும் தெரிவித்துள்ளார். சுமார் 600 பேர்வரை இவ்வாறு கொல்லப்பட்டதாக அவர் மேலும் குறிப்பிட்டுள்ளார். இத் தகவல்களை இவர் இவ்வளவு நாளும் வைத்திருந்து, ஐ.நா அறிக்கை வெளிவரும்போது ஏன் தெரிவிக்கவேண்டும் என்ற சந்தேகங்கள் எழுகின்றது.
அத்தோடு தேசிய தலைவர் அவர்களின் அனுமதியோடே, புலிகளின் அரசியல் மற்றும் மருத்துவப் பிரிவினர் சரணடைய எத்தனித்தனர் என்பது யாவரும் அறிந்தவிடையம். இந்தவேளையில், கனகரடனம் அவர்கள் இவ்வாறு கருத்துத் தெரிவித்திருப்பது தமிழ் மக்களை குழிதோண்டிப் புதைக்கும் ஒரு ஈனச் செயலாக அமைந்திருக்கிறது. போரின்போது, ஒரு தமிழன் கூட இலங்கை இராணுவத்தால் கொல்லப்படவில்லை என இவர் ஆங்கில இணையம் ஒன்றிக்கு நேர்காணல் வழங்கியுள்ளார். ஐ.நா உட்பட, போரை நேடடியாக தான் செயற்க்கைக் கோள் உதவியோடு பார்த்ததாககச் சொல்லும் பல அமைப்புகள், அங்கே அப்பட்டமாக மனித உரிமை மீறல் மற்றும் போர்குற்றங்கள் இடம்பெற்றுள்ளதாகத் தெரிவித்துள்ளது.
ஆனால் கனகரட்னமோ அவ்வாறு எதுவும் நடக்கவில்லை எனக் கூறுகிறார். தமிழராகிய இவர் முந் நாள் எம்.பி என்பதும், தமிழ் மக்களால் தேர்ந்தெடுக்கப்பட்டவர் என்ற ரீதியில் மட்டுமல்லாது முள்ளிவாய்க்காலிலும் இறுதிவரை நின்றவர் என்ற ரீதியில் அவர் தற்போது தெரிவித்துள்ள கருத்துகள் பல பாதிப்புகளைத் தோற்றுவிக்கலாம். இவர் அரசாங்கத்தின் பிடியில் இருந்து, இவ்வாறான அறிக்கைகளை வெளியிடுகிறாரா இல்லை சுதந்திரமாக வேறு ஒரு நாட்டில் இருந்து இவ்வாறு கருத்து தெரிவித்துள்ளாரா எனத் தெரியவில்லை. மக்கள் யாரவது இது குறித்து அறிந்தால் தெரியப்படுத்தவும். சர்வதேசத்தின் மத்தியில் சிக்கலில் மாட்டியிருக்கும் இலங்கையைக் காப்பாற அபாண்டமான பொய்களைக் கட்டவிழ்த்து விட்டுள்ளார் கனகரட்னம் அவர்கள்.
பல்லாயிரக் கணக்கில் கொல்லப்பட்ட மக்களின் ரத்தத்துக்கு மேல், ஆயிரம் ஆயிரம் போராளிகள் விடுதலைக்காக குருதி சிந்திய மண்ணிற்குமேல் நின்று பொய் கூறும் இவரைப் போன்றோர் தமிழையும், தமிழ் தாயையும், தாய் நாட்டையும் காட்டிக்கொடுக்கும் கயவர் ஆவர் ! தமிழீழ சரித்திரத்தில் இவர்கள் எப்போதுமே மன்னிக்கப்பட மாட்டார்கள் என்பது உறுதி!
நன்றி:அதிர்வு.கொம்

பாதுகாப்பு பேரவையில் நிபுணர் குழு அறிக்கை!

ஐக்கிய நாடுகளின் நிபுணர் குழு அறிக்கை அந்த அமைப்பின் பாதுகாப்புப் பேரவையில் விவாதிக்கப்பட உள்ளதாக இன்னர் சிற்றி பிரஸ் தகவல் வெளியிட்டுள்ளது.
ஐக்கிய நாடுகளின் சிரேஸ்ட அரசியல் விவகார அதிகாரி லியன் பெஸ்கோவை மேற்கோள் காட்டி இந்தத் தகவல் வெளியிடப்பட்டுள்ளது. இலங்கை கட்டார் மற்றும் எகிப்து விவகாரங்கள் குறித்து பாதுகாப்புப் பேரவையில் விவாதம் நடத்தப்பட உள்ளதாகக் குறிப்பிடப்படுகிறது.
2009ம் ஆண்டில் கொஸ்டரிக்கா மற்றும் மெக்ஸிக்கோ ஆகிய நாடுகள் இலங்கைக்கு எதிராக பாதுகாப்புப் பேரவையில் தீர்மானம் நிறைவேற்ற முயற்சித்த போது சீனா மற்றும் ரஸ்யா ஆகிய நாடுகள் அதற்கு எதிர்ப்பை வெளியிட்டிருந்தன.
எவ்வாறெனினும், 2011ம் ஆண்டில் ஐக்கிய நாடுகளின் பாதுகாப்பு பேரவையில் இலங்கை விவகாரம் விவாதிக்கப்படுவதற்கான சாத்தியங்கள் அதிகமாகக் காணப்படுவதாகக் குறிப்பிடப்படுகிறது.

தமிழீழ மக்களுக்காய் தற்கொடை புரிந்த தமிழக இளைஞர்!

இலங்கைத் தமிழர்களுக்கு நடக்கும் அநீதிகளைப் பொறுத்துக் கொள்ள இயலாமல் தமிழ்நாட்டு வாலிபரொருவர் தீக்குளித்து தற்கொலை செய்து கொண்டுள்ளார்.தமிழ்நாட்டின் நெல்லை மாவட்டத்திலுள்ள சீகம்பட்டி பிரதேசத்தைச் சோ்ந்த 25 வயது வாலிபரான கிருஷ்ணமூர்த்தி எனும் பொறியியலாளர் ஒருவரே அவ்வாறு தற்கொலை செய்து கொண்டுள்ளார்.
தற்கொலை செய்து கொள்வதற்கு முன் அவர் எழுதி வைத்துள்ள கடிதத்தில் ஈழத் தமிழ் மக்களுக்குத் தொடர்ச்சியாக நடக்கும் அநீதிகளைப் பொறுத்துக்கொள்ள முடியாமல் தற்கொலை செய்து கொள்ள முடிவெடுத்துள்ளதாக குறிப்பிட்டுள்ளார்.
அதன் பின் அவர் தன் உடம்பில் பெற்றோலை ஊற்றி தீமூட்டிக் கொண்டு வீதி வழியாக ஓடிச் சென்ற போது அவரது பெற்றோர் பின்னாலேயே ஒடிச் சென்று தீயை அணைக்க முயன்றுள்ளனர். முடியாமற் போன பின்பு தீக்காயங்களுடன் அவரை மருத்துவமனைக்கு எடுத்துச் சென்றுள்ளனர்.
ஆயினும் சிகிச்சை பலனின்றி கிருஷ்ணமூர்த்தி பரிதாபகரமாக மரணத்தைத் தழுவிக் கொண்டுள்ளார்.

கொலைகாரனிடமே விசாரணை பொறுப்பா?செந்தமிழன் சீமான் சீற்றம்!

ஐ.நா.நிபுணர் குழு, ஐ.நா. பொதுச் செயலர் பான் கி மூனிடம் அளித்துள்ள பரிந்துரைகள் குறித்து நாம் தமிழர் இயக்கத்தின் தலைமை ஒருங்கிணைப்பாளர் சீமான் விடுத்துள்ள அறிக்கை: இலங்கையில் நடந்த உள்நாட்டுப் போரில் ஸ்ரீலங்கா அரசுப் படைகள் நிகழ்த்திய போர்க் குற்றங்கள், வன்னி முள்வேளி முகாம்களில் நடந்த மனித உரிமை மீறல்கள் ஆகியவற்றின் மீது பன்னாட்டு சட்டங்களின் கீழ் ஸ்ரீலங்கா அரசே விசாரிக்க வேண்டும் என்றும், அதனை கண்காணிக்க பன்னாட்டுக் குழு ஒன்றை நியமிக்க வேண்டும் என்றும் ஐ.நா. நிபுணர் குழு அளித்து பரிந்துரை நியாயமற்றது, முறையற்றது. மார்சுகி தாருஸ்மான் தலைவராகவும், யாஷ்மின் சூக்கா, ஸ்டீவன் ராட்னர் ஆகியோரை உறுப்பினர்களாகவும் கொண்ட ஐ.நா.நிபுணர் குழு, பொதுச் செயலர் பான் கி மூனிடம் அளித்துள்ள அறிக்கை, உலகத் தமிழினத்தை அதிர்ச்சியடையச் செய்துள்ளது. தமிழர்களுக்கு எதிராக திட்டமிடப்பட்ட இனப் படுகொலைப் போரை நடத்திய ஸ்ரீலங்கா அரசிடமே விசாரணை பொறுப்பை ஒப்படைப்பது, கொலைகாரனிடமே வழக்கு விசாரணையை ஒப்படைப்பதற்கு நிகரானது. தமிழர்களுக்கு எதிரான அந்தப் போரில் மிகப் பெரிய அளவிற்கு போர்க் குற்றங்கள் நிகழ்ந்துள்ளன என்றும், மக்கள் பாதுகாப்பு வலயத்தில் தஞ்சமடைந்த மக்கள் மீது கனரக ஆயுதங்களைப் பயன்படுத்தி தொடர்ந்து தாக்குதல் நடத்தப்பட்டுள்ளதற்கான நம்பத்தகுந்த ஆதாரங்கள் உள்ளதெனவும், போர்ப் பகுதியில் சிக்கியிருந்த மக்களுக்கு உணவு, மருந்துப் பொருட்கள் செல்வது திட்டமிட்டு தடுக்கப்பட்டுள்ளது என்பதையும் ஒப்புக்கொண்டுள்ள நிபுணர் குழு, இதற்கெல்லாம் மூளையாக செயல்பட்ட ஸ்ரீலங்கா அரசிடம் விசாரணைப் பொறுப்பை எந்த அடிப்படையில் ஒப்படைக்குமாறு கூறுகிறது? ஸ்ரீலங்கா அரசு செய்த மிகப் பெரிய போர்க் குற்றம், தங்களோடு இருந்த மக்களைக் காப்பாற்றிக் கரைசேர்க்க, துப்பாக்கிகளை மெளனிக்கின்றோம் என்று அறிவித்துவிட்டு, வெள்ளைக் கொடிகளுடன் சரணடைய வந்த புலிகளின் அரசியல் பிரிவுத் தலைவர் நடேசன், அமைதி செயலகத் தலைவர் புலித்தேவன் உள்ளிட்ட 300 பேரை சித்ரவதை செய்து படுகொலை செய்ததும், அதன் பிறகு, மே 18ஆம் தேதி ஒரே நாளில் முள்ளி வாய்க்காலிலும், வட்டுவாகலிலும் காயமுற்று உயிருக்குப் போராடிக் கொண்டிருந்த பல்லாயிரக்கணக்கான மக்களை கொன்று குவித்ததும்தான். சரணடைய வந்த புலிகளின் அமைப்பினரை கொன்றதற்கும், இறுதிக் கட்டப்போரில் 50 ஆயிரத்திற்கும் மேலான மக்களை கொன்று குவித்ததற்கும் உத்தரவிட்டது ஸ்ரீலங்கா அரசுதானே? ஸ்ரீலங்கா அரசின் பாதுகாப்புச் செயலராக உள்ள அதிபர் ராஜபட்சவின் தம்பி கோத்தபய ராஜபட்சா அல்லவா? உலகம் அறிந்த இந்த உண்மைக்கும் பிறகும் விசாரணை பொறுப்பை ஸ்ரீலங்கா அரசிடம் வழங்கு என்று பரிந்துரைப்பது அங்கு நடந்த உண்மைகளை வெளிக்கொணரவா? அல்லது தமிழினப் படுகொலையை புதைக்கவா? ஸ்ரீலங்கா அரசிற்கு எதிராக ஆதாரப்பூர்வமான குற்றச்சாற்றுகளை பட்டியலிட்டுள்ள நிபுணர் குழு, தமிழீழ விடுதலைப் புலிகளுக்கு எதிரான அடிப்படையற்ற குற்றச்சாற்றுகளையும் பட்டியலிட்டுள்ளது வருத்தத்திற்குரியது. தங்களோடு இருந்த மக்களை கேடயமாக விடுதலைப் புலிகள் பயன்படுத்தினார்கள் என்ற குற்றச்சாற்றை நிபுணர் குழு வைத்துள்ளது. தமிழினத்தையே அழித்தொழிக்கும் திட்டத்தோடு செயலாற்றிவரும் சிங்கள பெளத்த இனவாத அரசின் ராணுவத்தை, தமிழர்களை கேடயமாகக் கொண்டு எவ்வாறு தடுத்திட முடியும்? கொத்துக் கொத்தாக தமிழர்களைக் கொன்று குவித்துவரும் ஸ்ரீலங்கா அரச படைகளுக்கு அப்படிப்பட்ட மனிதாபிமானம் உண்டென்று ஐ.நா.நிபுணர் குழு நம்புயுள்ளது வியப்பைத் தருகிறது. உலகெங்கிலும் வாழும் தமிழர்களின் ஒரே கோரிக்கை, இலங்கையின் பூர்வீகக் குடிகளாக தமிழ் மக்களை திட்டமிட்டு அழித்தொழித்த ஸ்ரீலங்கா அரசை பன்னாட்டு நீதிமன்றத்தில் நிறுத்த வேண்டும், அதற்கு சுதந்திரமான பன்னாட்டு விசாரணைக்கு ஐ.நா. உத்தரவிட வேண்டும் என்பதே. ஆனால் ஐ.நா. அதனைச் செய்யுமா என்ற சந்தேகம் நிபுணர் குழு பரிந்துரையால் ஏற்பட்டுள்ளது. இலங்கை இனப் பிரச்சனை தொடர்பில், அங்கு நடந்த தமிழின அழிப்பிற்குக் காரணமான ஸ்ரீலங்கா அரசு தண்டிக்கப்பட வேண்டும், அதற்கு சுதந்திரமான பன்னாட்டு விசாரணை இன்றியமையாதது. இரண்டாவது, ஈழத் தமிழினத்தின் தேச, அரசியல் விடுதலையை உறுதிசெய்ய பன்னாட்டு கண்காணிப்பின் கீழ் வாக்கெடு்ப்பு நடத்த வேண்டும். இவை இரண்டையும் ஐ.நா. செய்யத் தவறுமானால், அது ஸ்ரீலங்கா அரசு நடத்திய இனப் படுகொலையை மறைக்க முயற்சிக்கிறது என்ற குற்றச்சாற்றி்ற்கு ஆளாகும். அப்படியொரு நிலை ஏற்பட்டால் ஐ.நா.விற்கு எதிராக உலகத் தமிழினம் பொங்கி எழும். இவ்வாறு சீமான் தனது அறிக்கையில் குறிப்பிட்டுள்ளார்.

வன்னியில் ஒரு இலட்சம் பேரை காணவில்லை!

கடந்த 2009 ஆம் ஆண்டு வன்னியில் நடைபெற்ற போரின் பின்னர் அங்கிருந்த தமிழ் மக்களில் 100,000 பேர் காணாமல்போயுள்ளதாக பிரித்தானியாவை தளமாகக் கொண்ட சனல்போர் செய்தி நிறுவனம் கடந்த சனிக்கிழமை (16) தெரிவித்துள்ளது. சிறீலங்கா அரசின் நிர்வாக அலுவலகங்களின் மக்கள் தொகை படிவங்களின் பிரகாரம் 2008 ஆம் ஆண்டு அங்கு 430,000 தமிழ் மக்கள் வாழந்ததற்கான ஆதாரங்கள் உள்ளன. ஆனால் ஐக்கிய நாடுகள் சபையின் தகவல்களின் படி போர் நிறைவுபெற்ற பின்னர் அங்கிருந்த 290,000 மக்களே வவுனியாவுக்கு வந்துள்ளனர். 60 விகிதமான மக்கள் தமது இடத்திற்கு திரும்பியுள்ளனர். வன்னியில் இடம்பெற்ற போரில் கொல்லப்பட்ட தமிழ் மக்களின் எண்ணிக்கை அதிர்ச்சி தரும்வண்ணம் மிகவும் உயர்வானது என ஐ.நாவின் கொழும்புக்கான முன்னாள் பிரதிநிதி கோடன் வைஸ் கூட தெரிவித்திருந்தார். 20,000 தொடக்கம் 40,000 மக்கள் வரை கொல்லப்பட்டிருக்கலாம் என நான் நம்புகிறேன். ஆனால் அது அதனை விட அதிகமாகவும் இருக்கலாம் என அவர் மேலும் தெரிவித்துள்ளதாக அதில் மேலும் தெரிவிக்கப்பட்டுள்ளது.

தமிழீழம் மட்டுமே தமிழ் மக்களுக்கான தீர்வு!

ஐக்கிய நாடுகள் சபை அமைத்துள்ள போர்க்குற்ற ஆலோசனைக்குழுவின் அறிக்கையில் பரிந்துரை செய்யப்பட்டுள்ள விடயங்கள் எதனையும் சிறீலங்கா அரசு நிறைவேற்றப்போவதில்லை. அதனை சிறீலங்கா அரசு உடனடியாகவே நிராகரித்தும் உள்ளது. எனவே சிறீலங்கா அரசின் இனஅழிப்பில் இருந்து தமிழ் மக்கள் காப்பாற்றப்பட வேண்டுமாயின் அதற்கு ஒரே தீர்வு தமிழீழம் தான் என அமெரிக்காவின் இல்னொய்ஸ் சட்டக்கல்லூரியின் பேராசிரியர் பிரான்சிஸ் பொய்ல்ட் தெரிவித்துள்ளார். தமிழ்நெற் இணையத்தளத்திற்கு கருத்து தெரிவிக்கும்போது அவர் மேலும் தெரிவித்துள்ளதாவது: தமிழ் மக்களுக்கான தனியான நாடு உருவாகுவதை அனைத்துலக சமூகம் அங்கீகரிக்க வேண்டும். வன்னியில் மேற்கொள்ளப்பட்ட இனஅழிப்புக்கள் தற்போதும் தொடர்கின்றது. ஐ.நாவின் அறிக்கையில் உள்ள பரிந்துரை ஒன்றின் இரண்டாவது சரத்தில் காணப்படும் “சிறீலங்காவில் நடைபெற்ற போர்க்குற்றங்கள் தொடர்பில் சிறீலங்கா அரசு மேற்கொள்ளும் விசாரணைகளை அவதானிப்பதற்கு ஐ.நா ஒரு அனைத்துலக கண்காணிப்பாளர்களின் குழுவை அமைக்கவேண்டும்” என்ற கருத்திற்கு தமிழ் மக்கள் தமது ஆதரவுகளை வழங்கவேண்டும். ஜெனீவாவில் உள்ள ஐ.நாவின் மனித உரிமைகள் ஆணைக்குழு அண்மையில் லிபியா தொடர்பில் உருவாக்கிய தீர்மானத்தை போன்றதொரு தீர்மானம் சிறீலங்கா மீது கொண்டுவரப்பட வேண்டும். ஆனால் அதனை மேற்கொள்ளும் நிலையில் சபை இல்லை. 2009 ஆம் ஆண்டு ஐ.நாவின் மனித உரிமைகள் ஆணைக்குழுவில் முன்வைக்கப்பட்ட தீர்மானம் மீண்டும் பரிசீலனை செய்யப்பட வேண்டும். ஐ.நாவின் சார்பில் பான் கீ மூன் அனைத்துலக கண்காணிப்பாளர்களை அமைக்கலாம். அறிக்கையில் காணப்படும் ஏனைய பரிந்துரைகளை சிறீலங்கா அரசு ஒருபோதும் நிறைவேற்றப்போவதில்லை. எனவே இந்த நிலையில், சிறீலங்காவில் காணப்படும் நீண்டகால இனப்பிரச்சனைக்கு தமிழீழம் மட்டுமே தீர்வாக முடியும். அனைத்துலக சமூகம் அதனை அங்கீகரிக்க வேண்டும் என அவர் மேலும் தெரிவித்துள்ளார்.

யாழில் அதிகரித்துள்ள காணாமல் போதல் சம்பவங்கள்!

யாழ்ப்பாணத்தில் காணாமல் போதல் சம்பவங்கள் தொடர்பான முறைப்பாடுகளின் எண்ணிக்கை உயர்வடைந்துள்ளதாக தகவல்கள் வெளியாகி உள்ளன. கடந்த மார்ச் மாதத்தில் மட்டும் 50 மேற்பட்ட காணாமல் போதல் சம்பவங்கள் தொடர்பில் முறைப்பாடு செய்யப்பட்டுள்ளதாகத் தெரிவிக்கப்படுகிறது. காணாமல் போதல் சம்பவங்கள் பற்றிய தகவல்கள் கிடைக்கப் பெற்றுள்ளதாக காவல்துறையினர் ஒப்புக் கொண்ட போதிலும், முறைப்பாடுகளின் எண்ணிக்கை தொடர்பில் கருத்துக்களை வெளியிட மறுத்துள்ளதாகக் குறிப்பிடப்படுகிறது. யுத்தம் இடம்பெற்ற காலத்தில் காணாமல் போனவர்கள் பற்றிய முறைப்பாடுகளும் செய்யப்பட்டு வருவதாகத் தெரிவிக்கப்படுகிறது. 2005 – 2007ம் ஆண்டு காலப்பகுதியில் இடம்பெற்ற காணாமல் போதல் சம்பவங்கள் தொடர்பில் அதிகளவான முறைப்பாடுகள் செய்யப்பட்டுள்ளன. கடந்த காலங்களில் காணாமல் போதல் சம்பவங்கள் தொடர்பில் முறைப்பாடு செய்யக் கூடிய இடமில்லாமையினால் இந்த முறைப்பாடுகள் தற்போது செய்யப்பட்டு வருவதாகத் தெரிவிக்கப்படுகிறது. கடந்த மார்ச் மாதத்தில் யாழ்ப்பாண நகரில் ஐந்து பேரைக் காணவில்லை என முறைப்பாடு செய்யப்பட்டுள்ளதாக காவல்துறை வட்டாரத் தகவல்கள் தெரிவிக்கின்றன. யுத்த காலத்தில் இடம்பெற்ற காணாமல் போதல் சம்பவங்கள் குறித்து அதிக முறைப்பாடுகள் செய்யப்பட்டுள்ளதாகவும் இவர்களை கண்டு பிடிப்பதில் பல்வேறு நடைமுறைச் சிக்கல்கள் காணப்படுவதாகவும் காவல்துறை ஊடகப் பேச்சாளர் பிரசாந்த ஜயகொடி தெரிவித்துள்ளார்.

ரஷ்யா,சீனாவிடம் அடைக்கலம் கோரும் கோத்தபாய!

தனது உறுப்பு நாடான இலங்கையைப் பாதுகாக்க ஐ.நா. சபை தவறும் பட்சத்தில் ரஷ்யா சீனா போன்ற நாடுகளிடம் அடைக்கலம் கோர வேண்டிய நிலைமை ஏற்படலாம் என கோதபாய ராஜபக்ஷ தெரிவித்துள்ளார்.ஒரு சில நாடுகளின் மறைமுக நோக்கங்களை நிறைவேற்றிக் கொள்ளும் நோக்கில் தனது அங்கத்துவ நாடொன்றுக்கு எதிராக ஐக்கிய நாடுகள் அமைப்பு இவ்வாறான அறிக்கைகளை வெளியிட முனைப்பு காட்டினால், சீனா, ர'ஷ்யா போன்ற நாடுகளிடம் பாதுகாப்பு கோர வேண்டிய சூழ்நிலை உருவாகும் என அவர் தெரிவித்துள்ளார். ஐக்கிய நாடுகளின் நிபுணர் குழு அறிக்கை மறைமுக நோக்கத்தை அடிப்படையாகக் கொண்டு வெளியிடப்பட்டுள்ளதாக அவர் சுட்டிக்காட்டியுள்ளார். ஐக்கிய நாடுகள் அமைப்பு சில நாடுகளினால் தமக்குத் தேவையான முறையில் பலாத்காரமாக கட்டுப்படுத்தப்பட்டு வருவதாகவே எண்ணத் தோன்றுகின்றது. தனது அங்கத்துவ நாடொன்று என்ற வகையில் இலங்கைக்கு பாதுகாப்பு அளிக்க வேண்டியது ஐக்கிய நாடுகளின் கடமையாகும். தவிரவும் ஐக்கிய நாடுகளின் நிபுணர் குழு அறிக்கை தமிழீழ விடுதலைப் புலிகளின் நடவடிக்கைகளுக்கு வெள்ளையடிக்கும் நோக்கில் வெளியிடப்பட்டுள்ளது. தமிழீழ விடுதலைப் புலிகள் ஓர் பயங்கரவாத அமைப்பு என்பதனை ஐக்கிய நாடுகள் அமைப்பு புரிந்துகொள்ளத் தவறியுள்ளது. விமானப்படை, கடற்படை மற்றும் தரைப் படைகளைக் கொண்டமைந்ததாக வலுவான படைக்கட்டமைப்பை தமிழீழ விடுதலைப் புலிகள் கொண்டிருந்தனர். ஆனால் அவையெல்லாம் கவனத்திற்கொள்ளப்படாமல் சில மேற்குலக நாடுகளின் அழுத்தம் காரணமாக ஐக்கிய நாடுகளின் நிபுணர் குழு அறிக்கை தவறான தகவல் மூலங்களைக் கொண்டு தயாரிக்கப்பட்டுள்ளது. யுத்த வலயத்திற்குள் நேரடி அனுபவத்தைக் கொண்டிருந்த உலக உணவுத் திட்டம், சர்வதேச செஞ்சிலுவைச் சங்கம் போன்ற முன்னணி தொண்டு நிறுவனங்களின் கருத்துக்களுக்கு நிபுணர் குழு முக்கியத்துவம் அளிக்கத் தவறியுள்ளது. இலங்கையின் முக்கிய அரசியல்வாதிகள், பொதுமக்கள், அரசாங்க சொத்துக்களை இல்லாதொழிப்பதற்காக தமிழீழ விடுதலைப் புலிகள் ஏராளம் தற்கொலைக் குண்டுத் தாக்குதல்களை நடத்தியுள்ளனர். இராணுவத்தினருடனான இறுதிக்கட்டப் போரில் தமிழீழ விடுதலைப் புலிகள் அப்பாவி பொதுமக்களை மனித கேடயமாக பயன்படுத்தியதுடன், பொதுமக்கள் மீது துப்பாக்கிப் பிரயோகம் நடத்தினர். இறுதிக் கட்ட யுத்தத்தின் போது தமிழீழ விடுதலைப் புலிகளின் 30,000 பேர் வரையில் கொல்லப்பட்டிருக்கலாம் என களத் தகவல்கள் மூலம் உறுதி செய்யப்பட்டுள்ளது. தமிழீழ விடுதலைப் புலிகளின் சார்பில் யுத்தத்தில் ஈடுபட்டு கொல்லப்பட்டவர்களில் பெரும்பாலானவர்கள் காணாமல் போனதாக தெரிவிக்கப்படுவோரின் பட்டியலில் உள்ளடக்கப்பட்டுள்ளனர். வைத்தியசாலை உள்ளிட்ட பொதுமக்கள் கூடும் இடங்கள் மற்றும் கட்டடங்கள் மீது எறிகணைத் தாக்குதல் நடத்தப்பட்டதாக சுமத்தப்படும் குற்றச்சாட்டுக்களில் சிறிதளவேனும் உண்மையில்லை என்றும் பாதுகாப்புச் செயலாளர் கோத்தாபய ராஜபக்ஷ மேலும் தெரிவித்துள்ளார்.

குமுறுகிறார் இனவாத அமைச்சர் திஸ்ச வித்தாரண!

தமிழீழ விடுதலைப் புலிகளின் ஆதரவாளர்கள் பரப்பி வரும் வதந்திகளை ஆதாரமாகக் கொண்டே ஐ.நா.நிபுணர் குழு அறிக்கை தயாரிக்கப்பட்டுள்ளதாக ஸ்ரீலங்கா இனவாத அரசின் சிரேஷ்ட அமைச்சரான திஸ்ஸ வித்தாரண தெரிவித்துள்ளார். யுத்தக் குற்றம் புரிந்ததாகக் கூறி சர்வதேச நீதிமன்றிற்கு இலங்கையை அழைத்துச் செல்வதே ஐநா நிபுணர் குழு அறிக்கையின் ஒரு நோக்கமெனவும் இந்த சிங்கள அமைச்சர் குற்றம் சுமத்தியுள்ளார். இதனால் குறித்த அறிக்கையை தாம் முற்றாக புறக்கணிப்பதாக அவர் மேலும் குறிப்பிட்டார்.

நல்லிணக்க ஆணைக்குழுவை நிராகரித்த நிபுணர் குழு!

உண்மையைக் கண்டறியும் ஆணைக்குழுவின் விசாரணைகளை ஐக்கிய நாடுகளின் நிபுணர் குழு நிராகரித்துள்ளதாக கொழும்பிலிருந்து வெளிவரும் தி ஐலண்ட் ஊடகம் சுட்டிக்காட்டியுள்ளது. மனித உரிமை மீறல் மற்றும் யுத்தக் குற்றச் செயல்கள் தொடர்பில் சர்வதேச ரீதியாக ஏற்றுக் கொள்ளக் கூடிய வகையிலான விசாரணைப் பொறிமுறை ஒன்று ஏற்படுத்தப்பட வேண்டுமென நிபுணர்கள் குழு தெரிவித்துள்ளதாகக் குறிப்பிடப்பட்டுள்ளது. தமிழீழ விடுதலைப் புலிகள் மற்றும் அரசாங்கப் படையினர் ஆகிய இரண்டு தரப்பினராலும் மேற்கொள்ளப்பட்ட குற்றச் செயல்கள் தொடர்பில் விசாரணை நடத்தப்பட வேண்டுமென வலியுறுத்தப்பட்டுள்ளது. 2009ம் ஆண்டு பெப்ரவரி மாதம் புலிகள் அப்பாவி பொதுமக்களை மனித கேடயமாக பயன்படுத்தியதாகவும், மக்கள் மீது தாக்குதல் நடத்தியதாகவும் குற்றம் சுமத்தப்பட்டுள்ளது. அரசாங்கப்படையினர் வைத்தியசாலைகள் மீது தாக்குதல் நடத்தியதுடன், சரணடைந்த புலிகளை தாக்கியதாகவும் அறிக்கையில் சுட்டிக்காட்டப்பட்டுள்ளதாகத் தெரிவிக்கப்படுகிறது. அப்பாவி பொதுமக்களுக்கு மனிதாபிமான உதவிகள் கிடைப்பதற்கு அரசாங்கம் தடை ஏற்படுத்தியதாக குற்றம் சுமத்தப்பட்டுள்ளது. எவ்வாறெனினும், இந்தக் குற்றச்சாட்டுக்களில் எவ்வித உண்மையும் கிடையாது என அரசாங்கத்தின் சிரேஸ்ட அதிகாரியொருவர் தெரிவித்துள்ளார்.

ஐ.நா.அறிக்கையை ஆராயும் இராஜதந்திரிகள்!

ஐ.நாவின் அறிக்கை தொடர்பில் ஆய்வுகளை மேற்கொள்வதில் பெரும் எண்ணிக்கையான இராஜதந்திரிகள் ஈடுபட்டுள்ளதாக கொழும்பு தகவல்கள் தெரிவித்துள்ளன. ஐக்கிய நாடுகள் சபை அமைத்துள்ள போர்க்குற்ற ஆலோசனைக்குழு தனது அறிக்கையை கடந்த செவ்வாய்க்கிழமை (12) செயலாளர் நாயகத்திடம் கையளித்தபோதும் அது பொதுமக்களின் பார்வைக்கு வெளியிடப்படவில்லை. எனினும் சிறீலங்கா அரசுக்கு அது அனுப்பிவைக்கப்பட்டுள்ளது. இந்த அறிக்கையை நிராகரிப்பதாக சிறீலங்கா அரசு உடனடியாக தெரிவித்தபோதும், அது தற்போது அறிக்கையை ஆய்வு செய்வதில் உள்ளூர் மற்றும் அயல்நாடுகளின் இராஜதந்திரிகளின் உதவிகளை நாடியுள்ளது. ஐ.நாவின் அறிக்கையில் சிறீலங்காவில் மேற்கொள்ளப்பட்ட மனித உரிமை மீறல்கள் குறித்து ஐக்கிய நாடுகள் சபையின் செயலாளர் நாயகம் சில நடவடிக்கைகளை மேற்கொள்ளவேண்டும் என்ற பரிந்துரைகள் காணப்படுவதாக இராஜதந்திர வட்டாரங்கள் தெரிவித்துள்ளன. இதனிடையே, ஐ.நா தனது ஆலோசனைக்குழுவை அமைத்தபோது சிறீலங்கா அரசு கொழும்பில் உள்ள ஐ.நா தூதரகத்திற்கு முன்பாக மேற்கொண்ட வன்முறைகளை போன்றதொரு வன்முறைகள் மீண்டும் இடம்பெறலாம் என ஐ.நா அதிகாரிகள் அச்சம் கொண்டுள்ளதாகவும் தெரிவிக்கப்படுகின்றது.

பான் கீ மூன் சர்வதேச விசாரணைக்குழுவை அமைக்க வேண்டும்!

சிறீலங்காவில் இடம்பெற்ற போர்க்குற்றங்கள் தொடர்பான ஆலோசனைகளை வழங்குவதற்காக ஐக்கிய நாடுகள் சபை அமைத்துள்ள குழு தனது அறிக்கையை சமர்ப்பித்துள்ள நிலையில், சிறீலங்காவில் இடம்பெற்ற போக்குற்றங்கள் தொடர்பில் விசாரணைகளை மேற்கொள்வதற்கு ஐ.நா செயலாளர் நாயகம் ஒரு விசாரணைக்குழுவை அமைக்கவேண்டும் என அனைத்துலக நெருக்கடிகளுக்கான அமைப்பின் மூத்த ஆய்வாளர் அலன் கீனன் தெரிவித்துள்ளார். இது தொடர்பில் அவர் மேலும் தெரிவித்துள்ளதாவது: ஐ.நாவின் ஆலோசனைக்குழு சமர்ப்பித்துள்ள அறிக்கை தொடர்பில் பதிலை வழங்குவதற்கான அழுத்தம் ஐ.நா மீது பிரயோகிக்கப்படுகின்றது. ஐக்கிய நாடுகள் சபை அது தொடர்பில் தனது நிலைப்பாட்டை அறிவிக்கும் என நம்புகிறோம். சிறீலங்கா அரசு அமைத்துள்ள விசாரணை குழு போதுமானது அல்ல. எனவே அனைத்துலக விசாரணைக்குழு ஒன்றை அமைப்பது அவசியமானது. சிறீலங்காவில் மேற்கொள்ளப்பட்ட மனித உரிமை மீறல்கள் தொடர்பில் விசாரணைக்குழு ஒன்றை அமைக்கும் சாத்தியம் ஐ.நாவின் பாதுகாப்புச் சபைக்கோ அல்லது மனித உரிமைகள் ஆணைக்குழுவுக்கோ கிடையாது. ஏனெனில் சிறீலங்காவுக்கு ஆதரவுகளை வழங்கிவரும் சீனா மற்றும் ரஸ்யா போன்றவை வீட்டோ அதிகாரம் கொண்டவை. எனவே ஐக்கிய நாடுகள் சபையின் செயலாளர் நாயகம் தனது அதிகாரத்திற்கு உட்பட்டதாக ஒரு விசாரணைக்குழுவை அமைக்கவேண்டும். அந்த குழுவானது மேலதிக விசாரணைகளை நடத்தும் அதிகாரம் கொண்டதாகும் என அவர் மேலும் தெரிவித்துள்ளார்.

பொதுமக்கள் மீது தாக்குதல் நடத்தப்பட்டமைக்கு செய்மதி சான்றுகள் உண்டு!

இலங்கை வன்னியில் இடம்பெற்ற இறுதியுத்தத்தின் போது இலங்கைப்படையினர் வன்னியில் பொதுமக்கள் இலக்குகள் மீது தாக்குதல் நடத்தியமைக்கு மற்றும் ஒரு சான்று கிடைத்துள்ளது. தெ கிரிஸ்டியன் சயன்ஸ் மொனிடர்ஸ் என்ற இணையத்தளம் இந்த தகவலை வெளியிட்டுள்ளது.எனினும் இந்த செய்மதி படங்களின் மூலம் பொதுமக்களின் சடலங்களை தெளிவாக காட்டமுடியவில்லை என்று குறிப்பிடப்பட்டுள்ளது. அமெரிக்க வாசிங்டனில் அமைந்துள்ள AAAS எனப்படும் American Association for the Advancement of science நிறுவனத்தின் புவியியல் ஆய்வாளரான புரொம்லி என்பவர், இலங்கையின் இறுதி யுத்தத்தின் போது செய்மதிகளின் மூலம் யுத்த நிலவரங்களை சேகரித்துள்ளார். சுமார் 15 மணித்தியாலங்களாக இந்த தகவல்கள் மூலம் வன்னியில் ஏற்கனவே பொதுமக்கள் ஒன்றுகூடிய இடங்கள், தமிழீழ விடுதலைப்புலிகளின் மயானங்கள, பொதுக்கட்டிடங்கள் என்பவற்றின் மீது இலங்கைப் படையினர் தாக்குதல் நடததியமையை அவதானிக்க முடிகிறது. இந்தநிலையில் செய்மதி படங்களின் மூலம் இலங்கைப் படையினர் பொதுமக்கள் பாதுகாப்பு வலயங்களின் மீதே தாக்குதல் நடத்தியதாக நம்புவதாக புரொம்லி குறிப்பிட்டுள்ளார். இதேவேளை தமது படையினர் பொதுமக்கள் மீது தாக்குதல்களை நடத்தவில்லை என்று இலங்கை அரசாங்கம் மறுப்பு வெளியிட்டு வருகிறது. எனினும் புதிய தொழில்நுட்பங்களின் மூலம் இதனை ஒப்புவிக்க முடியும் என்று தெ கிரிஸ்டியன் சயன்ஸ் மொனிடர்ஸ் என்ற இணையத்தளம் குறிப்பிட்டுள்ளது.

சர்வதேச மட்டத்தில் ஸ்ரீலங்காவிற்கு எதிரான அழுத்தங்கள் அதிகரிப்பு!

இலங்கையின் இறுதிப் போரின் போது இடம்பெற்ற மனித உரிமை மீறல்கள் மற்றும் போர்க் குற்றங்கள் தொடர்பில் சர்வதேச நீதி விசாரணைகள் நடத்தப்பட வேண்டும் என சர்வதேச மட்டத்தில் அழுத்தங்கள் அதிகரித்து வருகின்றன.
ஐக்கிய நாடுகள் சபையின் நிபுணர்கள் குழுவின், இலங்கை தொடர்பான அறிக்கையை பொதுச்செயலர் பான் கீ மூன் ஆராய்ந்து வரும் பின்னணியில் சர்வதேச அழுத்தம் அதிகரித்துள்ளன என்பதை இராஜதந்திரிகள் உறுதிப்படுத்தி உள்ளனர். இலங்கையில் இடம்பெற்ற சம்பவங்கள் தொடர்பில் ஆலோசனைகளை வழங்கவென பான் கீ மூன் நியமித்த மூவர் கொண்ட நிபுணர் குழு நேற்றுமுன் தினம் தனது அறிக்கையை கையளித்தது.
மேற்கொண்டு என்ன நடவடிக்கையை எடுப்பது என்பதை முடிவு செய்வதற்காக அந்த அறிக்கையை ஐ.நா. பொதுச் செயலாளர் கவனமாக ஆராய்ந்து வருகிறார். அந்த அறிக்கையில் இலங்கை அரசுக்கு எதிரான, பாதகமான அம்சங்களே அதிகம் காணப்படுகின்றன என உள்ளகத் தகவல்கள் கூறுகின்றன.
இரு தரப்பினரும் போர்க் குற்றங்களில் ஈடுபட்டனர் என்பதை ஐ.நா. நிபுணர் குழுவில் அங்கம் வகித்தவர்கள் ஏற்றுக் கொண்டுள்ளனர் என ஐ.நா. ராஜதந்திரி ஒருவர் தெரிவித்துள்ளார்
எனவே அவற்றுக்குப் பொறுப்புக் கூறும் நடவடிக்கைகளை இலங்கை எடுக்க வேண்டும் எனவும் தவறும் பட்சத்தில் அனைத்துலக விசாரணையை ஐ.நா. முன்னெடுக்க வேண்டும் எனவும் நிபுணர் குழு அறிக்கையில் கட்டாயம் குறிப்பிடப்பட்டிருக்கும் என எதிர்பார்க்கலாம் என அந்த ராஜதந்திரி மேலும் தெரிவித்துள்ளார்.
அதேபோன்று, தனது பெயரை வெளியிடக்கூடாது என்ற நிபந்தனையுடன் பேசிய ஐ.நாவுக்கான ஆசிய வதிவிடப் பிரதிநிதி ஒருவர், 'இலங்கை நிகழ்வுகள் தொடர்பில் சர்வதேச விசாரணை நடத்தப்பட வேண்டும் என மிகப் பெரியளவில் அழுத்தம் கொடுக்கப்படுகிறது. அத்தகைய ஒரு விசாரணைக்கு நிபுணர் குழு கோரிக்கை விடுக்கவில்லை என்றால்தான் ஆச்சரியப்படவேண்டும்'' எனவும் அவர் கூறியுள்ளார்.

போரின் இறுதி மாதங்களில் 83,130 தமிழர்கள் கொல்லப்பட்டுள்ளனர்!

சிறீலங்காவில் இடம்பெற்ற போரின் இறுதி மாதங்களில் 70,000 தமிழ் மக்கள் படுகொலை செய்யப்பட்டதுடன், சிறீலங்கா அரசின் தடை முகாம்களில் இருந்த 13,130 பேர் காணாமல்போயுள்ளதாக அமெரிக்காவின் நியூயோர்க் நகரில் உள்ள சிராகோஸ் பல்கலைக்கழகத்தில் நடைபெற்ற கருத்துப்பட்டறையில் தெரிவிக்கப்பட்டுள்ளது.
கடந்த 12 ஆம் நாள் நடைபெற்ற இந்த கருத்துபட்டடறையில் அமெரிக்காவை தளமாகக் கொண்ட அமைதி முயற்சிக்கான தமிழர் அமைப்பின் பணிப்பாளர் கலாநிதி கருண்யன் அருள்நாதன் ஆற்றிய உரையிலோயே இந்த தகவல்கள் வெளியிடப்பட்டுள்ளன.
2009 ஆம் ஆண்டு ஏப்ரல் மாதம் 8,000 தமிழ் மக்களும், மே மாதம் 9 ஆம் நாளில் இருந்து 19 ஆம் நாள் வரையிலும் 25,000 தமிழ் மக்களுக்கு கொல்லப்பட்டுள்ளதாகவும் அதில் தெரிவிக்கப்பட்டுள்ளது.

இன அழிப்புக்கு உலக வங்கியும் உதவுகிறது!

வடக்கு – கிழக்கு மாகாணங்களில் சிறீலங்கா அரசு மேற்கொண்டுவரும் இன அழிப்புக்கு உலகவங்கியும் உதவிகளை வழங்கிவருவதாக தெரிவிக்கப்படுகின்றது. கிழக்கு மாகாணத்தை மேற்கு பகுதியுடன் இணைக்கும் வீதிகளின் அபிவிருத்தி மூலம் சிறீலங்கா அரசு மேற்கொண்டுவரும் இனஅழிப்பு நடவடிக்கைகள் மேலும் தீவிரமாகலாம் என தமிழ் மக்கள் அச்சமடைந்துள்ள நிலையில் உலக வங்கி அதற்கான உதவிகளை வழங்கியுள்ளது. கிழக்கு மாகாணத்தை மேற்கு பகுதியுடன் இணைக்கும் வீதிகளின் அபிவிருத்திக்கு உலக வங்கி 100 மில்லியன் டொலர்களை நேற்று (12) வழங்கியுள்ளது. கிழக்கு பகுதி மக்களை மேற்கு பகுதி மக்களுடன் இணைப்பது சிறீலங்கா அரசின் அபிவிருத்தித்திட்டத்திற்கு அனுகூலமானது என உலக வங்கியின் கொழும்புக்கான பிரதிநிதி டயறிரோ கயே தெரிவித்துள்ளார். அபிவிருத்தி என்றபோர்வையில் சிறீலங்கா அரசு மேற்கொண்டுவரும் இனஅழிப்புக்கான உதவிகளை உலக வங்கி மேற்கொண்டுவருவதற்கு எதிராக உலகவங்கியில் அங்கம் வகிக்கும் நாடுகளுக்கு எதிரான போராட்டங்களை தமிழ் மக்கள் முன்னெடுக்கவேண்டும் என மட்டக்களப்பு மக்கள் தெரிவித்துள்ளனர்.

நடந்த கொடூரங்களுக்கு என்ன செய்யப்போகிறோம்?

முள்ளிவாய்க்கால் யுத்தத்தின்போது தமிழீழ விடுதலைப் புலிகளின் அரசியல்துறைப் பொறுப்பாளர், ப.நடேசன் மற்றும் சமாதான செயலகப் பணிப்பாளர் புலித்தேவன் உட்பட தமிழீழ விடுதலைப புலிகளின் முக்கிய உறுப்பினர்கள் இராணுவத்திடம் சரணடைவதாக ஐ.நா அதிகாரிகள் மூலம் இலங்கை அரசுக்கு அறிவிக்கப்பட்டது. இவர்களின் பாதுகாப்பு ஏற்பாடுகளைக் கவனிப்பதாகவும் இவர்கள் சரணடையலாம் எனவும், சரணடைவதற்கு ஏதுவான சூழ் நிலையை தாம் தோற்றுவித்ததாகவும், ஏற்பாட்டாளராக இருந்த இந்திய, நோர்வே மற்றும் ஐ.நா அதிகாரி விஜய் நம்பியார் ஆகியோர் தெரிவித்ததை அடுத்தே அரசியல்துறைப் பொறுப்பாளர் ப.நடேசன் உட்பட தமிழீழ விடுதலைப் புலிகளின் முக்கிய உறுப்பினர்கள் சரணடைந்தனர்.
சரணடந்தவர்களுக்கு நடந்ததோ வேறு அனைவரும் கைது செய்யப்பட்டார்கள் சிலர் பாலியல் துன்புறுத்தல்களுக்கு ஆளாக்கப்பட்டார்கள். ப.நடேசன் அவர்களின் மனைவி கொலை செய்யப்பட்டதாகவும், பின்னர் ப.நடேசன் புலித்தேவன் உட்பட இன்னும் சில போராளிகளையும் கட்டிவைத்து மனித குலத்திற்கே விரோதமான முறையில் கற்பனை செய்து பார்க்கவே முடியாத அளவிற்கு இராணுவத்தினர் கூட்டுச் சித்திரவதைகளை மேற்கொண்டனர் கடும் சித்திரவதைகளின் போது அவர்களின் அடிவயிற்றிலும் உடலின் முக்கிய பகுதிகளிலும் நெருப்பால் அல்லது சுடு கருவிகளால் சுடப்பட்டுள்ளதையும் அவர்களின் உடல் முழுவதும் காணக்கூடியதாக உள்ளது. சித்திரவதைகளின் வேதனைகளைத் தாங்கமுடியாமல் சித்திரவதையின் போதே இவர்கள் இறந்திருக்க வேண்டும் அல்லது பின்னரே கொலை செய்யப்பட்டுள்ளனர். இந்திய அரசின் துணையுடனே இந்தப் படுகொலைகள் நடந்துள்ளதாகவும் ஊகங்கள் எழுந்துள்ளது குறிப்பிடத்தக்கது.
அது போக இவை அனைத்தையும் பார்த்துவிட்டு நாம் என்ன செய்யப்போகிறோம்.????

நிபுணர் குழு அறிக்கை மகிந்தவிற்கும் அனுப்பி வைப்பு!

இலங்கையின் போர்க்குற்றங்கள் மற்றும் மனித உரிமை மீறல்கள் தொடர்பாக நிபுணர் குழு வழங்கியுள்ள அறிக்கையை ஆராய்ந்ததன் பின்னர் அடுத்து என்ன செய்வதென்று சில தினங்களில் தீர்மானிக்கப்படும் என ஐ.நா செயலாளர் நாயகம் பன் கீ மூன் தெரிவித்துள்ளார்.
இலங்கையின் இறுதிக்கட்ட யுத்தத்தின்போது மேற்கொள்ளப்பட்டதாகத் தெரிவிக்கப்பட்ட போர்க்குற்றங்கள் மற்றும் மனித உரிமை மீறல்கள் தொடர்பாக பொறுப்பு கூறுதல் தொடர்பாக ஐநா செயலாளர் நாயகத்திற்கு ஆலோசனை வழங்குவதற்காக அவரால் கடந்த வருடம் மே மாதம் நியமிக்கப்பட்ட மூன்றுபேர் கொண்ட நிபுணர்கள் குழு தனது பணியை செப்டம்பர் மாதம் ஆரம்பித்திருந்தது.
ஸ்ரீலங்கா அரசின் கடும் எதிர்ப்புகள், அதிருப்திக்கு மத்தியில் இந்தக்குழு இலங்கைக்கு செல்லாமலே தனது ஆய்வுகளை மேற்கொண்டு செவ்வாயன்று தனது அறிக்கையை ஐநா செயலாளர் நாயகம் பன் கீ மூனிடம் கையளித்துள்ளது. இதன் ஒரு பிரதி ஸ்ரீலங்கா அரசுக்கும் அனுப்பி வைக்கப்பட்டுள்ளது,
ஐநா சபையின் தலைமை அலுவலகத்தில் நிபுணர்கள் குழுவிடமிருந்து அறிக்கையைப் பெற்றுக்கொண்ட செயலாளர் நாயகம் பன் கீ மூன், நிபுணர்களின் பணிக்காகத் தமது நன்றியைத் தெரிவித்ததுடன், அறிக்கையை மிகவும் கவனமாக ஆராய்ந்ததன் பின்னர் அடுத்த கட்ட நடவடிக்கை குறித்து சில தினங்களில் முடிவெடுக்கப்படும் என கூறியுள்ளார்.
இறுதிக்கட்ட யுத்தத்தின் போது இடம்பெற்ற சம்பவங்கள் தொடர்பாக வகைகூறுதல் மற்றும் பொறுப்பு கூறுதல் தொடர்பாக கைக்கொள்ளப்பட வேண்டிய வழிமுறைகள் பற்றி ஆராய்வதற்கும், இந்த வழிமுறைகளைச் செயற்படுத்துதல் தொடர்பில் கவனத்தில் எடுக்கப்பட வேண்டிய சர்வதேச மட்டத்திலான நடைமுறைகள், அது தொடர்பிலான வேறு அனுபவ முன்மாதிரிகள் தொடர்பான சிபாரிசுகளைத் தெரிவிப்பதற்குமாக மூவர் அடங்கிய இந்த நிபுணர் குழு நியமிக்கப்பட்டிருந்தது.
இந்தோநேசியாவைச் சேர்ந்த மர்சுக்கி தருஸ்மன் தலைமையில் தென்னாபிரிக்காவைச் சேர்ந்த யஸ்மின் சூக்கா, அமெரிக்காவைச் சேர்ந்த ஸ்டீவன் ரட்னர் ஆகியோர் கடந்த வருடம் மே மாதம் இந்தக் குழுவில் நியமிக்கப்பட்டிருந்தனர்.
முப்பது வருடங்களாகத் தொடர்ந்த இலங்கையின் இன முரண்பாட்டுப்போரில் ஆயிரக்கணக்கான மக்கள் கொல்லப்பட்டு லட்சக்கணக்கான மக்கள் இடம்பெயர்ந்த பின்னணியில் கடந்த 2009 ஆம் அண்டு மே மாதம் விடுதலைப்புலிகளைத் தோற்கடித்து வெற்றியடைந்ததாக ஸ்ரீலங்கா அரசாங்கம் அறிவித்திருந்தது.
இறுதிக்கட்ட யுத்தத்தின்போது, போர்க்குற்றங்களிலும், மனித உரிமை மீறல்களிலும் ஈடுபட்டிருந்ததாக ஸ்ரீலங்கா அரசாங்கத்தின் மீதும் விடுதலைப்புலிகள் மீதும் குற்றம் சுமத்தப்பட்டிருந்தது.
யுத்தம் முடிவடைந்ததும் இலங்கைக்கு விஜயம் செய்த ஐநாவின் செயலாளர் நாயகம் பன் கீ மூன் யுத்தம் நடைபெற்ற பகுதிக்கு மேலாகப் பறந்து சென்று பார்வையிடுவதற்கு மட்டுமே அனுமதிக்கப்பட்டிருந்தார்.
இந்த விஜயத்தின்போது ஐநா செயலாளர் நாயகத்திற்கும் மகிந்த ராஜபக்சவிற்கும் இடையில் நடைபெற்ற சந்திப்பின் பின்னர் விடுக்கப்பட்ட இணை அறிக்கையின் தொடர்ச்சியாகவே நிபுணர்குழு நியமிக்கப்பட்டது என்பது குறிப்பிடத்தக்கது.
எனினும் யுத்தம் முடிவடைந்த பின்னர், இறுதிக்கட்ட யுத்தமோதல்கள் இடம்பெற்ற பிரதேசங்களுக்கு ஐநா அதிகாரிகள், சர்வதேச செஞ்சிலுவைச் சங்கப் பிரதிநிதிகள், மற்றும் மனித உரிமைகள் அமைப்புப் பிரதிநிதிகள் ஆகியோர் சுதந்திரமாகச் சென்று பார்வையிடுவதற்கும் ஆய்வுகளை மேற்கொள்வதற்கும் ஸ்ரீலங்கா அரசாங்கம் தொடர்ந்து அனுமதி மறுத்து வருகின்றது.
இந்த நிலையில் இறுதிக்கட்ட யுத்தத்தின் போது நடைபெற்ற சம்பவங்கள் தொடர்பில் ஸ்ரீலங்கா அரசு வகையும் பொறுப்பும் கூறுவதற்கு எடுக்கப்பட வேண்டிய நடவடிக்கைகள் தொடர்பாக ஐநா செயலாளர் நாயகத்திற்கு ஆலோசனை வழங்குவதற்காகவே இந்த நிபுணர் குழு நியமிக்கப்பட்டது என்று ஐநா அறிவித்துள்ளது,
இந்தக் குழுவினர் இலங்கை சென்று நிலைமைகள் தொடர்பாக ஆராய்வதற்குரிய சந்தர்ப்பத்தை ஸ்ரீலங்கா அரசு வழங்காத நிலையில், அங்கு செல்லாமலே தனது ஆய்வுகளை நடத்தி அறிக்கை சமர்ப்பிக்கப்பட்டுள்ளதாகவும் ஐநா கூறியுள்ளது.

தமிழ் விவசாயிகளை விரட்டிய சிங்களத்துறவி!

திருமலை மாவட்டத்தில் உள்ள படுகாடு பகுதியில் நெல் பயிர்ச்செய்கையில் ஈடுபட்ட தமிழ் விவசாயிகள் மீது பௌத்ததுறவி தலைமையிலான சிங்கள காடையர்கள் அச்சுறுத்தல்களை மேற்கொண்டு,அவர்களை அங்கிருந்து விரட்டியுள்ளதாக தெரிவிக்கப்படுகின்றது. 1963 ஆம் ஆண்டில் இருந்து அந்த பகுதியில் தாம் நெற்செய்கையில் ஈடுபட்டுவருவதாக தமிழ் விவசாயிகள் தெரிவித்துள்ளனர். அடுத்த நெற்செய்கைக்கு தமிழ் விவசாயிகள் தமது நிலங்களை தயார் செய்துகொண்டிருக்கையில் அங்கு நுளைந்த சிங்கள கடையர்களும், பௌத்த துறவியும், தமிழர்களை அங்கிருந்து உடனடியாக வெளியேறுமாறு அச்சுறுத்தியுள்ளனர். வெளியேறமறுத்தால் படுகொலைசெய்யப்படுவீர்கள் எனவும் தமிழ் விவசாயிகளை அவர்கள் எச்சரித்துள்ளனர். இது தொடர்பில் சேருவல சிறீலங்கா காவல்நிலையத்தில் முறைப்பாடு மேற்கொள்ளப்பட்டபோதும், அவர்கள் நடவடிக்கை எதனையும் மேற்கொள்ளவில்லை என தெரிவிக்கப்படுகின்றது.

புலித்தேவன்,நடேசன் மீது தீ வைத்து சித்திரவதை புரிந்த சிங்களக்காடைகள்!

2009 மே மாதம் இறுதி யுத்தத்தின்போது புலிகளின் அரசியல்துறைப் பொறுப்பாளர், ப.நடேசன் மற்றும் புலித்தேவன் ஆகியோர் இராணுவத்திடம் சரணடைந்திருந்தனர்.இவர்கள் சரணடையலாம் எனவும், சரணடைவதற்கு ஏதுவான சூழ் நிலையை தாம் தோற்றுவித்ததாகவும், ஏற்பாட்டாளராக இருந்த இந்திய, நோர்வே மற்றும் ஐ.நா அதிகாரி விஜய் நம்பியார் ஆகியோர் தெரிவித்ததை அடுத்தே அரசியல்துறைப் பொறுப்பாளர் ப.நடேசன் அவர்கள் சரணடைந்தார். ஆனால் அவரையும் புலித்தேவனையும், கட்டிவைத்து இராணுவத்தினர் மனிதர்கள் நினைத்துப்பார்க்க முடியாத அளவு சித்திரவதைகளை மேற்கொண்ட பின்னரே கொலைசெய்துள்ளனர் என அறியப்படுகிறது. முதலில் ப.நடேசன் அவர்களின் மனைவி கொலைசெய்யப்பட்டதாகவும், பின்னர் கடும் சித்திரவதைகளின் பின்னர் அவர்களின் அடிவயிற்றில் நெருப்பால் சுட்டுள்ளதாகவும் ஊர்ஜிதமற்ற செய்திகள் தெரிவிக்கின்றன. குறிப்பாக சமாதானச் செயலகப் பொறுப்பாளர் புலித்தேவன் அவர்களை இராணுவம் கட்டிவைத்து கொடுமைசெய்த காயங்கள் அவர் உடலில் காணப்படுகிறன. இறந்த பின்னர் உடலத்தை எடுத்துச் சென்று புதைக்க இருந்த இடத்தில் நின்ற இராணுவத்தினரால் இப் புகைப்படங்கள் எடுக்கப்பட்டுள்ளதாக அறிகிறது.

மன்னாரில் சிங்களக் குடியேற்றம் வேகமாக நடைபெறுகிறது!

மன்னார் மாவட்டத்தின் தெற்குப் பக்க எல்லைப் பகுதியில் அரசாங்கத்தின் அனுசரணையுடன் பெரும்பான்மை இன மக்கள் மிக வேகமாகக் குடியேற்றப்பட்டு வருகின்றனர். ஆளும் கட்சியில் அங்கம் வகிக்கும் தமிழ், முஸ்லிம் அமைச்சர்கள், பிரதி அமைச்சர்களால் கூடத்தட்டிக் கேட்க முடியாத நிலையில் மரமுந்திரிச் செய்கைக்குப் பெயர்பெற்ற கொண்டாச்சிப் பகுதி உட்பட வளம் நிறைந்த பிரதேசங்கள் படைத்தரப்பினரின் உதவி ஒத்தாசையுடன் அபகரிக்கப்படுகின்றன. வன்னி மாவட்ட நாடாளுமன்ற உறுப்பினரும் தமிழீழ விடுதலை இயக்கத்தின் தலைவருமான செல்வம் அடைக்கலநாதன் இதனை சுட்டிக்காட்டியுள்ளார். தென் எல்லையில் உள்ள கடற்கரைப் பிரதேசத்தில் அப்பிரதேச மக்கள் மீளக்குடியேற அனுமதிக்கப்படாமல், கடற்படைத்தளமாக மாற்றி அமைக்கப்படுவதாகவும் அவர் விடுத்த அறிக்கை ஒன்றில் அம்பலப்படுத்தப்பட்டுள்ளது. நாடாளுமன்ற உறுப்பினரின் அறிக்கையில் மேலும் தெரிவிக்கப்பட்டுள்ளாதாவது: மன்னார் மாவட்டத்தின் தென் எல்லையோரமாக உள்ள பகுதிகள் அரசின் திட்டமிட்ட பெரும்பான்மையின குடியேற்றத்துக்கு உட்படுத்தப்படவுள்ளன என அறிய முடிகின்றது.இப்பகுதிகளை உள்ளடக்கிய முள்ளிக்குளம் கிராமம், கொண்டச்சியிலுள்ள தம்பப்பள்ளி மற்றும் மடு வீதியிலுள்ள பல பகுதிகள் அபகரிக்கப்பட்டு வருகின்றன எனக் கிடைக்கும் தகவல்கள் மூலம் அறிய வருகின்றது.முள்ளிக்குளம் பிரதேசம் யுத்தம் முடிவுக்குக்கொண்டு வரப்பட்ட பின்னர் கடற்படையினரின் கட்டுப்பாட்டுக்குள் கொண்டு வரப்பட்டது. மீள் குடியேற்றம் இதுவரை மறுக்கப்பட்டு இதன் கரையோரப் பிரதேசங்கள் கடற்படைத்தளமாக மாற்றப்பட்டுள்ளன. கொண்டச்சி பிரதேசம் மன்னார் மாவட்டத்தில் மரமுந்திரிகைச் செய்கைக்குப் பெயர் பெற்றது. யுத்தகால நடவடிக்கையின் காரணமாக மரமுந்திரிகைச் செய்கை அங்கு மிகமோசமாக பாதிக்கப்பட்டதுடன் முற்றாக அழிக்கப்பட்டது. தற்போது அப்பகுதியில் புனரமைப்பு என்ற போர்வையில் பெரும்பான்மை இனத்தவர்களை குடியேற்றும் முயற்சிகளே நடைபெறுகின்றன. இவ்வாறுதான் மடுவீதி மற்றும் மடுப்பிரதேசப் பகுதிகளில் பௌத்த விகாரைகள் விஸ்தரிப்பு, பெரும்பான்மைக் குடியிருப்புகள் ஆகியன தொடர்ச்சியாக இடம்பெற்று வருகின்றன. மன்னார் மாவட்டத்தின் தென் எல்லையோரப் பிரதேசங்களில் திட்டமிட்ட வகையில் பெரும்பான்மையின மக்களை குடியேற்றும் அரசின் நடவடிக்கைகள் உடனடியாக நிறுத்தப்படவேண்டும். இல்லையேல் இது பாதகமான விளைவுகளையே எதிர்காலத்தில் உருவாக்கும்.தமிழ் மக்களின் மிகப் பெரும் பாரம் பரிய பிரதேசங்களில் ஒன்றான யாழ். குடாநாட்டில் அதிகாரத்திலுள்ளவர்களின் துணையுடன் பெரும்பான்மையினக் குடியேற்றம் திட்டமிட்ட வகையில் முன்னெடுக்கப்பட்டு வருகின்றது.இவ்வாறே கிழக்கு மாகாணத்தின் பல்வேறு பிரதேசங்களிலும் யுத்தத்துக்கு பிந்திய காலத்தில் தமிழர் தாயகப் பிரதேசங்களை அபகரிக்கும் முயற்சிகள் தொடர்ச்சியாக இடம்பெற்று வருகின்றன. ஆளுங்கட்சியில் அங்கம் வகிக்கும் தமிழ் அமைச்சர்கள், பிரதியமைச்சர்கள் ஆகியோரால் கூட இதனை தட்டிக்கேட்க முடியாத நிலைமையே தொடர்ந்து காணப்படுகின்றது.அதேவேளை, அம்பாறை மாவட்டத்தின் முஸ்ஸிம் மக்களுக்குச் சொந்தமான பெருமளவான நிலப்பரப்புகள் பெரும்பான்மை இனத்தவர்களால் அபகரிக்கப்பட்டுள்ளன. இதனைக்கூட தட்டிக்கேட்க முடியாத நிலையிலேயே ஆளும் கட்சியில் அங்கம் வகிக்கும் முஸ்ஸிம் அரசியல் வாதிகள் உள்ளனர் என்பதனையும் சுட்டிக்காட்டவேண்டும்.பெரும்பான்மை இன மக்களின் திட்டமிட்ட குடியேற்றம் தொடருமானால், மக்கள் போராட்டத்தினூடாக கிளர்ந்தெழுவதை எவராலும் தடுத்து நிறுத்த முடியாது என தெரிவித்துள்ளார்.

ஸ்ரீலங்கா படைகள் ஒழுக்க சீலர்களாம்!சொல்கிறார் படைப்பேச்சாளர்.

இலங்கையில் மனித உரிமைகள் தொடர்ந்து மீறப்படுவதாக அமெரிக்க அரசாங்கத்தின் அறிக்கையொன்று கூறியுள்ளதை ஸ்ரீலங்கா இராணுவம் மறுத்துள்ளது. இவை அர்த்தமில்லாத குற்றச்சாட்டுக்களென ஸ்ரீலங்காவின் இராணுவப் பேச்சாளர் மேஜர் ஜெனரல் உபய மெதவெல டெய்லி மிரருக்கு தெரிவித்தார். பாரதூரமான மனித உரிமை தொடர்பான பிரச்சினைகளுக்கு அரசாங்கமும் அதன் முகவர்களும் தொடர்ந்து பொறுப்பாகவுள்ளனர். சட்டத்திற்கு புறம்பான கொலைகளை இராணுவம் செய்திருப்பினும் இவை இப்போது குறைவடைந்துள்ளன. காணாமல் போவது தொடர்ந்தது. ஆயினும் இப்போது குறைவடைந்துவிட்டதென அந்த அறிக்கை கூறுகின்றது. மனிதாபிமான நடவடிக்கை யுத்த சட்டத்தின்படி நடத்தப்பட்டது. ஆயுதப்படைகள் இவ்வாறான செயற்பாடுகளில் ஈடுபடவில்லையென உபய மெதவல கூறினார். பல சுயாதீனமாக அவதானிகள் சிறுபான்மையினர் பயத்துடன் வாழ்வதாக அந்த அறிக்கையில் தெரிவிக்கப்பட்டது. பொதுமக்கள் – இராணுவ ஒத்துழைப்பு உச்சத்திலுள்ளது. நாம் மக்களோடு சேர்ந்து வேலை செய்கின்றோம். மக்கள் பயப்பட காரணம் எதுவுமில்லை. சுயவேலை வாய்ப்பு திட்டங்களிலும் விவசாய முயற்சிகளிலும் மக்களின் ஒட்டுமொத்தமான பொருளாதார அபிவிருத்தித் திட்டங்களிலும் நாம் மக்களோடு சேர்ந்து வேலை செய்கின்றோமென உபய மெதவல தெரிவித்தார்.

யாழ்,இந்துக்கல்லூரி ஆசிரியையின் மரணம் கொலையா?

யாழ்.நகரில் பிரபல கல்லூரியில் பணியாற்றி வந்த இளம் ஆசிரியையின் மரணத்தில் சந்தேகங்கள் எழுந்துள்ளன. சில்லாலை, சாந்தைப் பகுதியைச் சேர்ந்த 27 வயதான செல்வராஜா அனுஷா என்ற யாழ்.இந்துக் கல்லூரியின் உடற்கல்வி ஆசிரியையின் சடலமே நேற்றுமுன்தினம் வீட்டில் சேலையினால் கழுத்தில் சுருக்கிட்ட நிலையில் மீட்கப்பட்டது. உடலில் நகக் கீறல் காயங்கள் காணப்படும் அதேசமயம், வேறு சில தடயங்களும் இருப்பதால், இவர் கொலை செய்யப்பட்டு தூக்கில் இடப்பட்டாரா? என்ற சந்தேகமும் எழுந்துள்ளது. நேற்று முன்தினம் வெள்ளிக்கிழமை வீட்டிலுள்ள ஏனையோர் கோயிலுக்குச் சென்றுவிட்டனர். மரணமான ஆசிரியை பாடசாலை விட்டு வீட்டுக்குத் திரும்பியுள்ளார். அதன் பின்னரே அந்த அசம்பாவிதம் நடந்துள்ளது. கோயிலுக்குச் சென்றிருந்த இவரது குடும்பத்தவர்கள் திரும்பி வந்துள்ளனர். அப்போது யுவதி வீட்டில் இருக்கிறார் என்பதற்கான எந்த அறிகுறியோ அசுமாத்தமோ இருக்கவில்லை. அதையடுத்து, வீட்டார் உள்ளே சென்று பார்த்தபோது கழுத்தில் சுருக்கிடப்பட்ட நிலையில் அவரின் சடலம் காணப்பட்டது. முழந்தாள் நிலத்தில் பட்டும் படாமலும் மடிந்த நிலையில் சடலம் கிடந்தது. கழுத்தில் போடப்பட்ட சுருக்கு இறுக்கமாக அன்றி இளகிய நிலையில் காணப்பட்ட தாகவும் அவரது உறவினர்கள் தெரிவித்தனர். நேற்றையதினம் மல்லாகம் பதில் நீதிவான் சம்பவ இடத்துக்குச் சென்று விசாரணைகளை மேற்கொண்டார். சடலத்தை யாழ்.போதனா வைத்திய சாலையில் ஒப்படைக்குமாறும் உடற் கூற்றுப் பரிசோதனை நடத்தி சடலத்தை உறவினர்களிடம் ஒப்படைக்குமாறும் உத்தரவிட்டார். யாழ்.போதனா வைத்தியசாலையின் சட்டவைத்திய அதிகாரி எஸ்.சிவஷரூபன் உடற்கூற்றுப் பரிசோதனை நடத்தினார்.உடலில் கீறல் காயங்கள் காணப்படுவதாலும் வேறு சில தடயங்கள் இருப்பதாலும் இந்த யுவதியின் மரணத்தில் சந்தேகம் உள்ளது எனவிசாரணைகளின் பின்னர் தெரிவிக்கப்பட்டது. சடலம் பின்னர் உறவினர்களிடம் ஒப்படைக்கப்பட்டது.

வடபகுதிக்குள் இந்திய கடற்படை!

கடந்த வாரம் வடபகுதி கடலில் மரணமடைந்த தமிழக மீனவரின் சடலத்திற்கு இறுதிச்சடங்குகளை மேற்கொள்ளும் பொருட்டு அவர்களின் ஆறு உறவினர்களை அழைத்துக்கொண்டு இந்திய கடற்படையினர் சிறீலங்காவின் வடபகுதிக்குள் அறிவித்தல்கள் இன்றி நுளைந்தது சிறீலங்கா பாதுகாப்பை அமைச்சகத்தை கடும் சீற்றமடைய வைத்துள்ளது. இது தொடர்பில் மேலும் தெரியவருவதாவது: கடந்த வாரம் தமிழகத்தை சேர்ந்த நான்கு மீனவர்கள் வடபகுதி கடலில் காணாமல்போயிருந்தனர். எனினும் அவர்களின் ஒருவரின் சடலம் புங்குடுதீவு கடற்பகுதியில் கண்டுபிடிக்கப்பட்டது. இறந்த மீனவருக்கு இறுதிச்சடங்குகளை மேற்கொள்ளும் பொருட்டு தமிழகத்தை சேர்ந்த ஆறு உறவினர்கள் இந்திய கடற்படையின் உதவியுடன் நேற்று (09) யாழ்ப்பாணம் வந்துள்ளனர். அவர்கள் வசம் எந்தவிதமான பயண ஆவணங்களும் இருக்கவில்லை. சிறீலங்காவின் குடிவரவுத்திணைக்களத்தின் நடவடிக்கைகளையும் அவர்கள் புறக்கணித்துள்ளனர். யாழ் போதனா வைத்தியசாலைக்கு சென்ற அவர்கள் தமது உறவினரின் சடலத்தையும் பார்வையிட்டுள்ளதுடன், இறுதிச்சடங்குகளையும் மேற்கொண்டுள்ளனர். சிறீலங்காவிற்குள் நுளைவதற்கான அனுமதிகளை தாம் இந்திய கடற்படையினருக்கோ அல்லது, தமிழகத்தை சேர்ந்தவர்களுக்கோ வழங்கவில்லை என சிறீலங்கா குடிவரவுத்திணைக்களத்தின் அதிகாரி சுலநந்தா பெரேரா தெரிவித்துள்ளார். பயணத்திற்கான ஆவணங்கள் இல்லாது அவர்கள் வந்திருந்தால் அது சிறீலங்காவின் சட்டங்களை மீறும் செயல் என அவர் மேலும் தெரிவித்துள்ளார். எனினும் இந்தியாவுக்கு எதிராக சிறீலங்கா அரசு எந்த நடவடிக்கையையும் எடுக்க முன்வரவில்லை. தமிழகத்தில் தேர்தல் நடைபெறுவதற்கு சில தினங்கள் உள்ள நிலையில் இந்த சம்பவம் இடம்பெற்றுள்ளது. மரணமடைந்த தமிழக மீனவரின் உடலில் காயங்கள் உள்ளதாக தெரிவிக்கப்படுகின்றது. அவரின் மீன் பிடி படகுக்கு அண்மையாக பெரிய படகு ஒன்று வந்ததை தான் கண்டதாக அவரின் சகோதரர் தெரிவித்துள்ளார்.

பதவிக்காக ஈ.பி.டி.பி.போன்று வால் பிடிக்கும் அவசியம் எமக்கில்லை!

பதவிக்காக நாங்கள் ஈ.பி.டி.பியினர் போன்று அடிபணிந்து வால் பிடிக்கவும், குடை பிடிக்கவும் வேண்டிய அவசியம் இல்லை. அதற்கான தேவையும் இல்லை. பிச்சை இடுவதைப்போல் ஒரு சிலரை விடுதலை செய்துவிட்டால் அதற்காக நன்றிக்கடன் செலுத்தவேண்டுமா என்று யாழ். மாவட்ட தமிழ்த் தேசியக் கூட்டமைப்பின் உறுப்பினர் சுரேஷ் பிரேமச்சந்திரன் சவால் விடுத்தார். அவசரகாலச்சட்ட நீடிப்பு மீதான பிரேரணை விவாதத்தில் பேசிய அவர் மேலும் கூறுகையில், பிரதமர் மாதாமாதம் அவசரகாலச் சட்டத்தை நீடிப்பதற்கு ஏதாவது ஒரு காரணத்தைக் கண்டுபிடித்து விடுகின்றார். கடந்த மாதம் இந்தியாவில் புலிகள் இயக்கம் மூன்று முகாம்களை நடத்துகின்றது என்று பிரதமர் கூறினார். அதன்பின்னர் இந்தியாவின் எதிர்ப்பினால் வருத்தம் தெரிவித்து அறிக்கை விடவேண்டிய இக்கட்டான நிலைக்குத் தள்ளப்பட்டார். இம்முறை புலிகள் இயக்கம் சர்வதேச வலையமைப்பில் செயல்படுகின்றது. அமெரிக்காவில் இரகசியமாகப் பேச்சுகள் நடத்தினர். மீண்டும் புலிகளுக்கு புத்துயிரூட்ட முனைகின்றனர் என்று கூறுகின்றார். எப்படியோ ஒரு காரணம் கண்டுபிடித்து விடுகின்றார் பிரதமர். குழுக்களின் பிரதித் தலைவர் சந்திரகுமார் வடக்கு, கிழக்கில் எல்லாம் முடிந்துவிட்டது. சுமுகநிலை ஏற்பட்டுள்ளது. கூட்டணியினர்தான் குழப்பம் விளைவிக்கின்றனர் என்றார். அவரிடம் ஒன்று கேட்கின்றேன். யுத்தம் முடிந்து இரண்டு வருடங்கள் முடியப்போகிறது. இந்த நிலையில் எத்தனை பாடசாலைகள், எத்தனை கல்லூரிகள், எத்தனை நூல்நிலையங்கள் மூடப்பட்டுள்ளன என்பதையும் எத்தனை பாடசாலைகள் இயங்குகின்றன என்பதையும் இந்த சந்திரகுமார் அறிவாரா? எமது மக்கள் மீள்குடியமர்த்தப்படவேண்டும். சிறையில் அடைக்கப்பட்டவர்கள் விடுதலை செய்யப்படவேண்டும். பாடசாலைகள் திறக்கப்படவேண்டும். எம் மக்களின் காணிகளும், வீடுகளும் அவர்களிடம் ஒப்படைக்கப்படவேண்டும். எங்களுடைய பிரச்சினைகளை நாங்களே தீர்க்கும் உரிமை வேண்டும் என்றால் அது அரச விரோத செயலாகுமா? இராணுவத் தளபதி மேஜர் மஹிந்த ஹத்துருசிங்க தட்ஸ்தமிழ் இணையத்துக்கு அளித்துள்ள பேட்டி ஒன்றில், மீண்டும் யுத்தத்தை கட்டவிழ்த்து விட சில விஷமிகள் செயல்பட்டு வருகின்றனர். புலம்பெயர் வாழ் தமிழ் அமைப்புகளும், தமிழ்த் தேசியக் கூட்டமைப்பும் பின்னணியில் இயக்குகின்றன. சுரேஷ் பிரேமச்சந்திரனும், மாவை சேனாதிராஜாவும் இராணுவத்துக்கு எதிராகவே குற்றம்சாட்டிப் பேசுகின்றனர் என்று எம்மை மிரட்டுவது போல் கூறி உள்ளார். ஹத்துருசிங்கவின் மிரட்டல்களுக்கு நாம் ஒருபோதும் அஞ்சப்போவதில்லை. நாங்கள் ஜனநாயத்துக்கும், சமாதானத்துக்கும் எதிரானவர்கள் அல்லர். அனுபவமிக்க மூத்த தலைவர் சம்பந்தரின் தலைமையில் கட்டுப்பாடுகளுடன் செயல்படுகின்றோம். புலிகள் ஒழிக்கப்பட்டுவிட்டால் பிரச்சினைகள் தீர்ந்துவிட்டதாக அர்த்தம் அல்ல. இப்பொழுதுதான் பிரச்சினைகள் பல மடங்கு அதிகரித்துள்ளன. இந்தப் பிரச்சினைகளுக்கு ஜனநாயக அடிப்படையில் பேச்சுகள் நடத்தி தீர்வு காணத் தயார் என தமிழ்த் தேசியக் கூட்டணிதான் அரசுக்கு முதன் முதலாக அழைப்பு விடுத்தது? இந்த உண்மை புரியாத தளபதி ஹத்துருசிங்க எங்களைப் பார்த்து அரச விரோதச் செயலுக்குத் துணை போகின்றோம் என்கிறார் என்று கூறினார்.

யோகரட்ணம் யோகி சிங்களப்படைகளால் கைது செய்யப்பட்டது உண்மை!

சிறீலங்காவில் இடம்பெற்ற போரின் இறுதி நாட்களில் கைது செய்யப்பட்ட மற்றும் சரணடைந்து காணாமல்போன விடுதலைப்புலிகள் தொடர்பில் சிறீலங்கா அரசு விசாரணைகளை மேற்கொள்ளவேண்டும் என வொசிங்டனை தளமாகக் கொண்ட மனித உரிமைகள் கண்காணிப்பகம் தெரிவித்துள்ளது. கடந்த 7 ஆம் நாள் வெளியிட்டுள்ள அறிக்கையில் மேலும் தெரிவிக்கப்பட்டுள்ளதாகது: இறுதிக்கட்டப் போரில் விடுதலைப்புலிகளின் அரசியல் பிரிவு தலைவராக முன்னர் பணியாற்றிய யோகரத்தினம் யோகி உட்பட 20 இற்கு மேற்பட்ட விடுதலைப்புலிகள் சரணடைந்ததற்கான ஆதாரங்கள் உண்டு. ஆனால் அவர்கள் தொடர்பில் எந்த தகவல்களும் இல்லை. 2009 ஆம் ஆண்டு மே மாதம் இராணுவத்திடம் சரணடைந்த யோகி பேரூந்து ஒன்றில் ஏற்றிச் செல்லப்பட்டதை மக்கள் கண்டுள்ளனர். ஆனால் அந்த தினத்தை சரியாக தெரிவிக்கமுடியவில்லை. பெரும்பாலானோர் இறுதிக்கட்டச் சமர் நடைபெற்ற இடத்தின் தென்கிழக்கு பகுதியான வட்டுவாகல் பகுதியிலேயே சரணடைந்திருந்தனர். அந்த பகுதியில் சிறிலங்கா இராணுவத்தினரின் 59 ஆவது படையணி நிலைகொண்டிருந்தது. கேணல் ரமேஸ் போரில் கொல்லப்பட்டதாக சிறீலங்கா அரசு தெரிவித்துவருகின்றது. ஆனால் அவர் சிறீலங்கா இராணுவத்தின் தடுப்புக்காவலில் இருந்தது தொடர்பில் எம்மிடம் பல காணொளி ஆதாரங்கள் உள்ளன. ஐக்கிய நாடுகள் சபையின் விசாரணைக்குழு ஒன்று சிறீலங்காவில் அமைக்கப்பட வேண்டும். விடுதலைப்புலிகளின் முக்கிய தலைவர் ஒருவருடன்; அவரின் மனைவியும் பிள்ளைகள் இருவரும் ஒரே பேரூந்தில் ஏற்றிச்செல்லபட்டிருந்தனர். ஆனால் அதன் பின்னர் அவருக்கு என்ன நடைபெற்றது என்பது தெரியாது. ஐ.நாவின் சரத்துக்களின் அடிப்படையில் தீர்க்கப்படாத காணாமல்போனோர் தொடர்பான விடயங்களில் ஐ.நா விசாரணைகளை மேற்கொள்ள முடியும். எனவே சிறீலங்கா அரசின் தடுப்புக்காவலில் இருந்து காணாமல்போனவர்கள் தொடர்பில் சிறீலங்கா அரசு விசாரணைகளை மேற்கொள்ள வேண்டும். ஆனால் சிறீலங்கா அரசு அதனை காத்திரமாக மேற்கொள்வதாக தெரியவில்லை என அதில் மேலும் தெரிவிக்கப்பட்டுள்ளது.

பிளேக்கை சந்திப்பதை தவிர்த்தது ஸ்ரீலங்கா!

அமெரிக்காவின் துணை வெளிவிவகாரச் செயலாளருக்கும் உலகத் தமிழர் பேரவைக்கும் இடையில் கடந்த மாதத்தின் இறுதிப்பகுதியில் இடம்பெற்ற சந்திப்புக்கு எதிர்ப்புத் தெரிவிக்கும் முகமாகவே சிறீலங்கா அரசு றொபேட் ஓ பிளேக்கின் பயணத்தை பிற்போட்டுள்ளதாக சிறீலங்கா வெளிவிவகார அமைச்சக தகவல்கள் தெரிவித்துள்ளன. இது தொடர்பில் மேலும் தெரியவருவதாவது: கடந்த மாதம் 28 ஆம் நாள் உலகத் தமிழர் பேரவையின் உறுப்பினர்களுக்கும், அமெரிக்காவின் துணைவெளிவிவகாரச் செயலாளர் றொபோட் ஓ பிளேக்கிற்கும் இடையில் 75நிமிடங்கள் சந்திப்பு நிகழ்ந்திருந்தது. இந்த சந்திப்பை தொடர்ந்து ஆத்திரமடைந்துள்ள சிறீலங்கா அரசு இன்று (08) சிறீலங்காவுக்கு மேற்கொள்ளவிருந்த பிளேக்கின் பயணத்தை இடைநிறுத்தியுள்ளது. சிறீலங்காவின் வெளிவிவகார அமைச்சர் தற்போது நாட்டில் இல்லாததால், அவர் உள்ள நேரத்தில் பயணம் மேற்கொள்ளுமாறு சிறீலங்கா அரசு பிளேக்கிடம் தெரிவித்துள்ளது. அதேசமயம், உலகத் தமிழர்; பேரவையுடன் பிளேக் மேற்கொண்ட சந்திப்புக்கு கடுமையான எதிர்ப்புக்களை தெரிவிக்குமாறு பீரீஸ் இடம் தெரிவித்துள்ள சிறீலங்கா அரச தலைவர் மகிந்தா ராஜபக்சா தனக்கு பிளேக்கை சந்திக்கவேண்டிய அவசியம் இல்லை எனவும் தெரிவித்துள்ளார். சிறீலங்காவின் மனித உரிமை மீறல்கள் தொடர்பில் பிளேக் அண்மையில் தெரிவித்த கருத்துக்கள் தொடர்பிலும் ஆத்திரமடைந்துள்ள மகிந்தா, பிளேக்கை பீரீஸ் சந்தித்தால் போதும், தான் சந்திக்கப்போவதில்லை என தெரிவித்துள்ளதாக வெளிவிவகார அமைச்சக தகவல்கள் தெரிவித்துள்ளன. இதனிடையே, அண்மையில் சிறீலங்காவுக்கு பயணம் மேற்கொண்ட பிரித்தானியாவின் அமைச்சர் அலிஸ்ரர் பேட்டை சந்திப்பதற்கும் மகிந்தா மறுத்திருந்தது இங்கு குறிப்பிடத்தக்கது.

தளபதி ரமேஸ் அவர்களை விசாரணை செய்யும் புதிய காணொளி!

தமிழீழ விடுதலைப் புலிகளின் படைத்தளபதி கேணல் ரமேஸ் அவர்களை படையினர் விசாரணை செய்த காணொளி நேற்று மனித உரிமை காப்பகத்தினால் வெளியிடப்பட்டுள்ளது. ரமேஸ் அவர்களை இராணுவத்தினர் விசாரணை செய்த காணொளி ஏற்கனவே ஊடகங்களில் வெளிவந்திருந்தமை யாவரும் அறிந்ததே. மீண்டும் சில காணொளிகள் நேற்று மனித உரிமைகள் கண்காணிப்பகத்தினால் வெளிவந்துள்ளது.

தமிழீழ அரசின் அங்கத்தவருக்கு தங்கப்பதக்கமா?ஸ்ரீலங்கா சீறுகிறது.

நியூஸிலாந்தில் வசிக்கும் ஆறுமுகன் தேவராஜாவுக்கு பிரித்தானிய அரசியின் பதக்கம் வழங்கப்படுவதற்கு சிபாரிசு செய்தமை தொடர்பாக நியூஸிலாந்து அரசாங்கத்திடம் ஸ்ரீலங்கா அரசாங்கம் தனது கவலையை தெரிவித்துள்ளது. பதில் வெளிவிவகார அமைச்சர் டிலான் பெரேரா நேற்று நாடாளுமன்றத்தில் இதைத் தெரிவித்தார்.சுதந்திர இறைமையுள்ள 16 நாடுகளுக்கு பிரிட்டனின் இரண்டாம் எலிஸபெத் அரசியார் நாட்டின் தலைவராக விளங்குகிறார். பிரிட்டனில் நடைபெற்ற புதுவருட விருது வழங்கல் நிகழ்வில் 3 தமிழர்களுக்கும் அவர் விருது வழங்கினார். இவர்களில் ஈழத்தமிழர்கள் இருவரும் இந்திய தமிழர் ஒருவரும் அடங்குவர். நியூஸிலாந்தைச் சேர்ந்த ஈழத்தமிழரான 77 வயதான ஆறுமுகன் தேவராஜாவும் அவர்களில் ஒருவர். பருத்தித்துறை ஹாட்லி கல்லூரியின் பழைய மாணவரான அவர், நியூஸிலாந்திலுள்ள தமிழ் சமூகத்திற்கு ஆற்றிய சேவைக்காக கௌரவிக்கப்பட்டுள்ளார். எனினும் நாடு கடந்த தமிழீழ அரசாங்கத்தின் அங்கத்தவரான ஆறுமுகன் தேவராஜாவுக்கு இவ்வாறு விருது வழங்கப்பட்டமை குறித்து அரசாங்கத் தரப்பு நாடாளுமன்ற உறுப்பினரான பேராசிரியர் ரஜீவ விஜேசிங்க இன்று நாடாளுமன்றில் கவலை தெரிவித்து உரையாற்றினார். அவரின் கருத்து பதிலளித்து உரையாற்றிய பதில் வெளிவிவகார அமைச்சர் டிலான் பெரேரா, இவ்விடயம் குறித்து நியூஸிலாந்து அரசாங்கத்திடம் இலங்கை கவலை தெரிவித்துள்ளதாக கூறினார். 'சமூகத்திற்கு ஆற்றிய பங்களிப்புக்காகவே இவ்விருது வழங்கப்பட்டதாகவும் பிரிவிணைவாத திட்டத்தில் சம்பந்தப்பட்டமைக்காக அல்ல எனவும் நியூஸிலாந்து அரசாங்கம் உறுதியளித்துள்ளது.இந்த உத்தரவாதத்தில் நாம் திருப்தியடையவில்லை. நிலைமையை நாம் உன்னிப்பாக அவதானித்து வருகிறோம்' என அவர் தெரிவித்தார்.

அமெரிக்கா ஸ்ரீலங்காவிற்கு இடையில் முறுகல்!

பல தசாப்தங்களாக தொடர்ந்த விடுதலைப் புலிகளுடனான போர் முடிவுக்கு வந்து இரண்டு ஆண்டுகள் ஆகிவிட்ட நிலையில் அமெரிக்காவுக்கும் சிறிலங்காவிற்கும் இடையிலான உறவில் ஒரு முறுகல் நிலைக்கான சமிக்ஞைகள் தொடர்கின்றன. இலங்கையில் மனித உரிமை மற்றும் நல்லிணக்க நிலைவரங்களில் ஒரு உறுதியான முன்னேற்றம் காணப்படாவிட்டால் இரு நாடுகளுக்கும் இடையிலான பாதுகாப்புத்துறை ஒத்துழைப்புக்களில் ஒரு மட்டுப்பாடு தேவைப்படும் என்று அமெரிக்க அரசுத்துறையின் மூத்த அதிகாரி ஒருவர் தெரிவித்துள்ளார். இலங்கையின் மனித உரிமைகள் நிலைவரங்கள் கவலைக்குரியவை என்று அமெரிக்கக் காங்கிரஸ் நாடாளுமன்ற பிரதிநிதிகள் அவையின் வெளிவிவகாரக் குழுவின் முன்பாக விபரித்த அமெரிக்க அரசுத்துறையின் தெற்காசிய விவகாரங்களுக்கான இராஜாங்கச் செயலாளர் றொபேர்ட் ஓ பிளேக் அமெரிக்காவுக்கு அதுகுறித்து மிகுந்த கரிசனை இருப்பதாகக் குறிப்பிட்டுள்ளார். சிறிலங்காவில் சில விடயங்கள் மிகவும் மோசமாக மாறிவருவதாகக் கூறிய அவர் ஜனநாயக நிறுவனங்கள் அங்கு பலவீனமடைந்து செல்வதாகக் குறிப்பிட்டுள்ளார். உள்நாட்டுப் போரை சிறிலங்கா அரசாங்கம் முடிபுக்குக் கொண்டுவந்த விதமானது அந்த அரசாங்கத்துடன் முழுமையாக ஈடுபாட்டுடன் இணைந்து செயற்படுவதில் பெரும் பாதிப்பை ஏற்படுத்தியுள்ளது. பொதுமக்கள் கொல்லப்பட்டமை போன்றவை உட்பட சர்வதேச மனித உரிமைச் சட்டங்கள் அங்கு மீறப்பட்டமை குறித்த குற்றச்சாட்டுக்களுக்கு உரிய பொறுப்பேற்றல் அவசியம். இராணுவத்தினால் ஆக்கிரமிக்கப்பட்ட நிலத்தின் அளவு குறுகியமை, தமிழர்கள் சிலரை பொலிஸ் படையில் சேர்த்தமை போன்றவை உட்பட நல்லிணக்கம் தொடர்பில் சில நல்ல நகர்வுகள் மேற்கொள்ளப்பட்டிருந்தாலும் அது தொடர்பில் இன்னமும் நிறையச் செய்யப்படவேண்டியுள்ளது என்றும் பிளேக் குறிப்பிட்டுள்ளார். அரசாங்கம் பொதுமக்கள் கொல்லப்பட்டதற்கு தாம் பொறுப்பு அல்ல என்று வழமையாகவே மறுத்துவருவதுடன் ஜனாதிபதியினால் அமைக்கப்பட்ட நல்லிணக்க ஆணைக்குழுவின் அறிக்கை வரும்வரை பொறுத்திருக்கமாறு விமர்சகர்களை கேட்டு வருகிறது. தேசிய மட்டத்திலான நல்லிணக்கம் ஒன்றை எட்டுவதற்கு சிறிலங்காவிற்கு அவகாசம் தரப்படவேண்டும் என்று தற்போது லண்டனில் இருக்கும் இலங்கை வெளியுறவு அமைச்சரும் கூறியுள்ளார்.

ஸ்ரீலங்கா கடற்படையினரின் சடலங்கள் கரையொதுங்கின.

கடந்த வாரம் முல்லைத்தீவு கடலில் காணாமல்போன சிறீலங்கா கடற்படையினரின் சடலங்களை வடமராட்சி கிழக்கு கடற்கரைப்பகுதியில் கண்டதாக வடமராட்சி பகுதி மீனவர்கள் இன்று (06) தெரிவித்துள்ளனர். ஆறு தினங்களுக்கு முன்னர் சிறீலங்கா கடற்படையினர் நால்வர் காணாமல்போனதுடன், அவர்களின் படகும் ஆயுதங்களும் உடுத்துறைப் பகுதியில் கரையொதிங்கியிருந்தன. அதேசமயம், தமிழக மீனவர்கள் நால்வர் காணாமல்போயுள்ளதாகவும் தெரிவிக்கப்பட்டுள்ளது. இதனிடையே, கடந்த 48 மணிநேரத்தில் யாழ் குடாநாட்டில் இரு சடலங்கள் கரையொதுங்கியுள்ளதாக தெரிவிக்கப்படுகின்றது. கரையொதிங்கிய ஆண்களின் சடலங்களில் உடைகள் காணப்படவில்லை என தெரிவிக்கப்படுகின்றது. ஒரு சடலம் மாதகல் பகுதியிலும், மற்றைய சடலம் புங்குடுதீவு கடற்கரைப்பகுதியிலும் ஒதுங்கியுள்ளன.

ஸ்ரீலங்கா விட்டுக்கொடுத்ததால் இந்தியா வெற்றி பெற்றது!!

மும்பையில் கடந்த சனிக்கிழமை நடைபெற்ற உலகக் கிண்ண துடுப்பாட்டப் போட்டியின் இறுதி ஆட்டத்தில் இலங்கை அணி இந்தியாவிடம் தோல்வியடைந்தது. தோல்வியுடன் நாடுதிரும்பிய ஸ்ரீலங்கா அணியினருக்கு நேற்று முன்தினம் மாலை மகிந்த ராஜபக்ச அலரி மாளிகையில் விருந்தளித்தபோதே இவ்வாறு கூறியுள்ளார். இந்தியாவிலுள்ள 120 கோடி மக்களின் மகிழ்ச்சிக்காக இலங்கையிலுள்ள 02 கோடி மக்கள் உலகக் கிண்ணத்தை விட்டுக் கொடுத்ததாக அவர் குறிப்பிட்டுள்ளார். எமது நாட்டின் மக்கள் இந்திய நண்பர்களுக்காக உலகக்கிண்ணத்தை விட்டுக்கொடுத்துப் பின்வாங்கினர் என்பதை இந்திய நண்பர்களுக்கு கூறிக்கொள்ள விரும்புகிறேன். இலங்கை அணி பெருந்தன்மையுடன் தோல்வியடைந்ததாக இவ் விருந்தில் கூறிய அவர், இப் போட்டியில் வெற்றிபெறாத போதிலும் இறுதி ஆட்டத்திற்கு இலங்கை தகுதி பெற்றது மிகப் பெரிய விடயம் எனக் கூறியுள்ளார். அலரி மாளிகையில் நேற்று முன்தினம் நடைபெற்ற நிகழ்ச்சியில் இலங்கை ஜனாதிபதியின் மனைவி சிராந்தி ராஜபக்ச துடுப்பாட்ட வீரர்களுக்கு பரிசுகளை வழங்கினார்.

தேசியத்தலைவர் பற்றிய கருத்துக்கள் ஆதாரமற்றவை!

தேர்தல் பரபரப்பில் முக்கியக் கட்சி​கள் எல்லாம் முழு வீச்சில் தமிழக​மெங்கும் சுழன்றுகொண்டு இருக்க, முக்கடலும் சங்கமிக்கும் குமரிக் கடற்கரையில் ம.தி.மு.க. தொண்டர்களும் தமிழ் ஆர்வலர்களும் கடந்த மார்ச் 31-ம் தேதி கனத்த இதயத்துடன் குழுமி நின்றார்கள்.பிரபாகரனின் தாயார் பார்வதி அம்மாளின் அஸ்தி கரைப்பு நடக்க இருந்தது. 'மாலையில்தான் ஊர்வலம் நடக்கும்’ என அறிவித்து இருந்தாலும், காலை நேரத்திலேயே கட்டுக்கடங்காத கூட்டம். பிரபாகரன், வைகோ படங்களைக்கொண்ட அட்டைகளும் ம.தி.மு.க கொடிகளும் அதிகம் தென்பட்டன. ஏனோ பொலிஸ் தலைகள் குறைவாகவே இருந்தன. தமிழர் தேசிய இயக்க தலைவர் பழ.நெடுமாறன், ம.தி.மு.க பொதுச் செயலாளர் வைகோ, ஈழத்துக் கவிஞர் காசி ஆனந்தன் ஆகியோர் வந்து சேர்ந்தனர். அஸ்தி கலசத்தை ஏந்தியபடி ஊர்வலத்துக்குச் செல்லத் தயாரானார் வைகோ. ஆயிரக்கணக்கில் காத்து நின்ற தமிழ் ஆர்வலர்களும் அமைதியாக ஊர்வலத்துக்குத் தயாரானார்கள். அப்போது அங்கு வந்த பொலிஸ் இன்ஸ்பெக்டர், ''நீங்கள் அண்ணா சிலையில் இருந்து ஊர்வலம் செல்வதற்​குத்தான் அனுமதி கொடுக்கப்பட்டு இருக்கிறது. அதனால் ஹோட்டலில் இருந்து ஊர்வலமாக செல்ல அனுமதிக்க முடியாது!'' என்று தடுத்தார். இதனால் ஆத்திரம் அடைந்த கூட்டத்தினர் ஆளாளுக்கு பொலிஸாருடன் வாக்குவாதத்தில் இறங்க, உடனே அனைவரையும் அமைதிப்படுத்திய வைகோ, ''நான் தங்கியிருக்கும் ஹோட்டலில் இருந்து காரில்தான் வெளியே வர வேண்டுமா? ரோட்டில் நடக்கவும் அனுமதி இல்லையா?'' என்று சூடாகக் கேட்டபடி விறுவிறுவென நடந்தார். அவருடன் பழ.நெடுமாறன், காசி ஆனந்தன் ஆகியோரும் இணைந்துகொண்டனர். அமைதியாக சென்றுகொண்டு இருந்த ஊர்வலத்தில் திடீரென ஒருவர், ''தலைவர் பிரபாகரன் வாழ்க!'' எனக் கோஷம் எழுப்பியதும் சூடு பற்றியது. ''வீர வணக்கம்... வீர வணக்கம்... பார்வதி அம்மாளுக்கு வீர வணக்கம்!'' என்ற கோஷமும் விண்ணை முட்டத் தொடங்கியது. உடனே சுதாரித்துக்கொண்ட காவல்துறையினர், கூடுதல் பொலிஸாரை அனுப்பும்படி அதிகாரிகளுக்குத் தகவல் தெரிவித்தனர். சற்று நேரத்தில் ஆயுதப் படை பொலிஸார் வந்து சேர்ந்தனர். கடற்கரை எங்கும் தமிழ் ஆர்வலர்கள் திரண்டு நின்றதால், சுற்றுலா வந்தவர்கள் திணறித்தான் போனார்கள். ஆனாலும், வெளிநாடுகளில் இருந்து வந்தவர்கள், நடப்பதை ஆர்வமாக விசாரித்துக்கொண்டு இருந்தனர். அஸ்தியைக் கரைத்த பின்னர் திரண்டு நின்ற கூட்டத்தினரிடம் பேசிய வைகோ, இந்தக் கடற்கரையின் அலை ஓசை, இதே கடலின் மறு பக்கமான வல்வெட்டித்துறையில் எதிரொலிக்கும். உலகம் இதுவரை கண்டிராத ஆயுதப் போராட்டத்தை நடத்தித் தமிழனின் புகழை இமயம் அளவுக்கு எட்டச் செய்தவர் பிரபாகரன். அவரது தாயார் பார்வதி அம்மாள் அஸ்தியை கடந்த 22-ம் தேதி சென்னை மெரினா கடற்கரையில் கரைத்தோம். இப்போது கன்னியாகுமரி முக்கடல் சங்கமத்தில் கரைத்து இருக்கிறோம். இந்த வீரத் தாயை சிங்கள இராணுவம் இறுதிக் காலத்தில் கூட நிம்மதியாக வாழவிடாமல் அலைக்கழித்தது. அந்தத் துயரத்திலேயே அவரும் இறந்துபோனார். அவரை எரித்த சிதையில் சிங்கள இராணுவம் மூன்று நாய்களைக் கொன்று தூக்கிப் போட்டது. இதைவிட, தமிழனுக்கு என்ன அவமானம் வேண்டும்? விக்கிலீக்ஸ் இணையதளம் வெளியிட்டு இருக்கும் ஒரு செய்தியில், 'பிரபாகரனை போர்க் களத்தில் அழித்ததற்கான எந்த ஓர் ஆதாரமும் இல்லை!’ என்று தெளிவாகக் குறிப்பிட்டு இருக்கிறது. இலங்கைத் தமிழர்களைக் காப்பாற்ற தமிழகத்தில் எந்த அரசியல் கட்சியையும் சாராத இளைஞர்கள், மாணவர்கள் அணி திரள வேண்டும். லட்சக்கணக்கான இளைஞர்கள் தமிழ் ஈழத்தைக் காப்பாற்ற கடல் கடந்து செல்லும் காலம் விரைவில் வரும்!'' என்றார் ஆக்ரோஷமாக. பழ.நெடுமாறன் பேசும்போது, பிரபாகரனின் தாய்க்கு இலங்கை அரசு செய்த கொடுமைகள் சொல்லி மாளாது. அவர் சிகிச்சை பெறுவதற்குக்கூட இந்திய அரசு அனுமதி மறுத்துவிட்டது. இதனை மக்கள் ஒருபோதும் மறக்கவோ... மன்னிக்கவோ மாட்டார்கள்'' என்றார் வேதனையுடன். உணர்ச்சிப் பிழம்பாகப் புறப்பட்ட இளைஞர்கள், கண்ணீருடன் கலைந்து சென்றனர்! நன்றி - ஜூனியர் விகடன்.

இன்றைய சனியினால் விபரீதம் நிகழுமா?

இன்று இரவு பூமிக்கு ஒரு திசையில் சூரியனும்,அதற்கு நேர் எதிர் திசையில் சனி கிரகமும் இருக்கும். இதனால் பூமியில் இருந்து பார்க்கும் போது வானில் சனி கிரகம் மிகவும் நன்றாகத் தெரியும். இன்று மாலை சூரியன் மறைந்த பிறகு கிழக்கு அடி வானத்தில் சனி கிரகத்தை வெறும் கண்ணால் தெளிவாக பார்க்க முடியும். சனி கிரகத்தின் இந்த அற்புத காட்சியை இன்று இரவு முழுவதும் காணலாம். சனி கிரகம், பூமி, சூரியன் ஆகியவை நேர்கோட்டில் நிற்கும்போது, பூகம்பம், கடல் சீற்றம் ஏற்படும் வாய்ப்புகள் உள்ளன என்பது அறிவியியல் வாதம். இம்மூன்றும் நேர்கோட்டில் வரும் நாளுக்கு மூன்று நாட்கள் முன்னும் பின்னுமாக இயற்க்கை சீற்றங்கள் நிகழும் என்பது அவர்கள் வாதம். நேஷனல் ஜியாக்ரபி தொலைக்காட்சியில் இதைப்பற்றிய செய்தி ஒளிபரப்பாகி உள்ளது.

நடுகல் வணக்க நாள்!

உலக வல்லாதிக்க சக்திகளின் உறுதுணையுடனும் ஆசீர்வாதத்துடனும் பெருமெடுப்பில் படைக்கலப் பிரயோகத்தை மேற்கொண்டு தமிழீழ தாயகம் மீது சிங்களம் தொடுத்த கொடிய நில ஆக்கிரமிப்புப் போரை எதிர்கொண்டு களமாடி வீரகாவியமாகிய வீரமறவர்களின் நினைவு நாள் இன்று.முல்லைத்தீவு மாவட்டத்தின் இதயமாக விளங்கும் புதுக்குடியிருப்பு, ஆனந்தபுரம், முள்ளிவாய்க்கால் பகுதிகளில், 2009ம் ஆண்டு காலப்பகுதியில் தமிழீழ அன்னையின் மானம் காக்க நெருப்பு மழையில் களமாடி, எமது வீரத்தளபதிகளும், வீரவேங்கைகளும் விதையாக வீழ்ந்தார்கள். பல்குழல் பீரங்கிக் கணைகளையும், ஆட்லறி எறிகணைகளையும், நச்சுவாயுக் கணைகளையும், எரிகணைகளையும் மழையெனப் பொழிந்து ஆனந்தபுரம் நோக்கி முன்னேறிய சிங்களப் படைகளை தீரமுடன் எதிர்கொண்டு எமது வீரமறவர்கள் களமாடினார்கள். சாவு நிச்சயம் என்று தெரிந்த பொழுதும்கூட எதிரியிடம் மண்டியிடாது, உயிரைத் துச்சமென மதித்துத் தமது இறுதி மூச்சு அடங்கும் வரை அடங்காது வீரப்போர் புரிந்து, அடங்காப்பற்றாக விளங்கும் வன்னி மண்ணில் வீர சுவர்க்கம் எய்தியவர்கள் எமது வீர மறவர்கள். தமிழீழ மண்ணில் பல களங்களைக் கண்டு வீர வரலாறு படைத்தவர்கள் இவர்கள். சங்கத் தமிழரின் வீரத்தை நவயுகத்தில் மீண்டும் பொன்னெழுத்துக்களால் பதிப்பித்தவர்களும் இவர்களே. எங்கள் வீரமறவர்களின் இறுதி மூச்சு தமிழீழ மண்ணில் அடங்கிப் போய்விடவில்லை. நீறுபூத்த நெருப்பாக, குமுறும் எரிமலையாக எமது இதயங்களில் கனன்று கொண்டிருக்கும். எங்கள் வீரத்தளபதிகளினதும், வீரவேங்கைகளினதும் விடுதலைத் தீ, காலநதியின் ஓட்டத்தில் தமிழீழத் தனியரசு என்ற குழந்தையை நிச்சயம் பிரசவிக்கும். எமது வீரத்தளபதிகளும், வீரமறவர்களும் கால்பதித்துக் களமாடி விதையாகி வீழ்ந்த மண்ணில் மீண்டும் சுதந்திரக் காற்று வீசும். அந்த நாளை வென்றெடுப்பதற்காக அடிபணியா வீரமறவர்களின் வழித்தடம் நின்று, அந்நிய சக்திகளிடம் மண்டியிடாது விடுதலைப் பயணத்தில் வீறுநடை போடுவோம். நன்றி. “புலிகளின் தாகம் தமிழீழத் தாயகம்” அனைத்துலகத் தொடர்பகம், தமிழீழ விடுதலைப் புலிகள், தமிழீழம்.

பெற்றி அம்மையாரின் இறுதி வணக்க நிகழ்வுகள் பற்றிய விபரம்!

"தேசத்தின் குரல்" அன்ரன் பாலசிங்கம் அவர்களின் துணைவியார் அடேல் பாலசிங்கம் அவர்களின் தாயார் பெற்றி புளோரன்ஸ் வில்பி (Betty Florence WILBY)அம்மையார் அவர்கள், ஏப்ரல் மாதம் 1ம் திகதி தனது சொந்த இடமான அவுஸ்திரேலியா விக்ரோரிய மானிலத்தின் வரகுலில்(Warragul) தனது 84 வயதில் சாவடைந்துள்ளார் என்பதனை வருத்தத்துடன் அறியத் தருகின்றோம். அடேல் பாலசிங்கம் அவர்களின் தாயார் "பெற்றி" அம்மையாரின் இறுதிவணக்க நிகழ்வு விபரங்களும், கண்ணீர் அஞ்சலியும் அவுஸ்திரேலியா தமிழர் ஒருங்கிணைப்புக்குழுவினால் இத்துடன் இணைத்து அனுப்பப்பட்டுள்ளது. இந்த அறிவிப்பை உங்களின் ஊடகங்கள், நண்பர்கள் ஊடாக அனைத்து தமிழ் உறவுகளிற்கும் தெரியப்படுத்துமாறு அன்புடன் வேண்டிக்கொள்கின்றோம். தமிழின விடுதலைப் போரட்டத்தின் தேசியப்பணிகளில் ஓன்றிப் பயணித்த எம் தேசத்தின் குரல்" அன்ரன் பாலசிங்கம் அவர்களின் மாமியார் பெற்றி" அம்மையார் அவர்களை அனைவரும் நினைவு கூர்ந்து தமது அஞ்சலியைச் செலுத்த, தமிழ் உறவுகளை திரண்டு வருமாறும் கேட்டுக் கொள்கின்றோம். இறுதிவணக்கநிகழ்வுக்குச் செல்லவிரும்புபவர்கள் வாகன வசதி தேவைப்படுமாயின் மெல்பேண் தமிழ்ச் செயற்பாட்டாளர்களை தொடர்புகொள்ளுமாறு கேட்டுக்கொள்கின்றோம். இதற்கான ஓழுங்குகள், தமிழர் ஒருங்கிணைப்புக் குழுவால் செய்யப்பட்டுள்ளது என்பதனை அறியதருகின்றோம். கண்ணீர் அஞ்சலி: "தேசத்தின் குரல்" அன்ரன் பாலசிங்கம் அவர்களின் துணைவியார் அடேல் பாலசிங்கம் அவர்களின் தாயார் பெற்றி புளோரன்ஸ் வில்பி Betty Florence Wilby அம்மையார் அவர்கள், ஏப்ரல் மாதம் முதலாம் திகதி தனது சொந்த இடமான அவுஸ்திரேலியா விக்ரோரிய மானிலத்தின் வரகுலில் சாவடைந்துள்ளார் என்பதனை வருத்தத்துடன் அறியத் தருகின்றோம். "வெள்ளைத் தமிழச்சி" என தமிழ் மக்களால் போற்றப்பட்ட அடேல் பாலசிங்கம் அவர்களின் அன்னையார், தமிழீழ மக்களின் வாழ்வியல் பற்றிய உரிமையில் அதிக கவனமும், தமிழர்களின் விடுதலைப்போராட்டம் பற்றிய ஆழத்தை அறியும் தேடலும் ஒருங்கே கொண்டவர். தமிழர்களால் முன்னெடுக்கப்படும் தேசியப் பணிகளில் ஆர்வத்துடன் இணைந்துகொள்ளும் இவர், மெல்பேணில் நடைபெறும் தமிழர் தேசியநிகழ்வுகளில் பங்குகொள்வதிலும் தவறியதில்லை. பெற்றி அம்மையாரின் இழப்பால் துயருறும் அவரது பிள்ளைகளுக்கும் உறவினர்களுக்கும் எமது ஆறுதலைத் தெரிவித்துக் கொள்கின்றோம். கடந்த வெள்ளிக்கிழமை அதிகாலை சாவடைந்த அன்னையாரின் இறுதி நிகழ்வுகள், அவரது சொந்த இடமான Warragul எனும் இடத்திலுள்ள தேவாலயத்தில் எதிர்வரும் வியாழக்கிழமை 07.04.2011 அன்று நடைபெறவுள்ளது. இறுதிவணக்க நிகழ்வு நடைபெறும் இடம்:Victoria Chapel Cnr of Victoria & Albert Street Warragul VIC 3820 இறுதிவணக்க நிகழ்வு நடைபெறும் நேரம் எதிர்வரும் 07.04.2011 வியாழக்கிழமை காலை 11 மணி. வணக்கமலர்கள் அனுப்பவேண்டிய முகவரி: 20 Bowen Street, Warragul VIC 3820 வணக்க மலர்களை தமிழ் அமைப்புக்கள் ரீதியாக மேற்கண்ட முகவரிக்கு அனுப்பிவைக்குமாறும் கேட்டுக்கொள்கின்றோம். இறுதிவணக்கநிகழ்வுக்குச் செல்லவிரும்புபவர்கள் வாகன வசதி தேவைப்படுமாயின் மெல்பேண் தமிழ்ச் செயற்பாட்டாளர்களை தொடர்புகொள்ளுமாறு கேட்டுக்கொள்கின்றோம். தமிழர் ஒருங்கிணைப்புக்குழு - அவுஸ்திரேலியா.

நடைமுறைக்கு வராத இந்தியாவின் அரியாலை வீட்டுத்திட்டம்!

இந்திய வெளிவிவகார அமைச்சர் எஸ்.எம்.கிருஷ்ணாவினால், அரியாலையில் நாட்டப்பட்ட, 50 ஆயிரம் வீட்டுக்கான அடிக்கல் பிரதேசம் நான்கு மாதங்கள் கடந்துள்ள நிலையில் கால் நடைகளின் ஓய்விடமாகியுள்ளது. அடிக்கல் நாட்டப்பட்ட தினத்தன்று வழங்கப்பட்ட வீடுகளுக்கான மாதிரி வரைபடங்களை அப்பகுதி மக்கள் வீடுகளில் பேணிப்பாதுகாத்தே வருகின்றனர். இதே போன்று போருக்குப் பின்னான வடக்குகிழக்கின் அபிவிருத்தி குறித்து இந்தியா இலங்கைகக்கு வழங்கிய உறுதி மொழிகள் எதுவும் இன்னமும் நடைமுறைப்படுத்தப்படாமலே உள்ளன. வடக்கு கிழக்கிற்கான புகையிரதப் பாதை மறுசீரமைப்பு, காங்சேகன்துறை துறைமுக அபிவிருத்தி, பலாலி விமான நிலைய அபிவிருத்தி, யாழ்.மாநகர சபை அபிவிருத்தி, யாழ்பல்கலைக்கழகத்திற்கான பொறியியல் பீடத்தை அமைப்பதற்கான உதவி எனப் பல உதவிகள் வெறும் பேச்சளவிலேயே தொடர்ந்திருக்கின்றன. 1999இல் நுகுணு பல்கலைக்கழகத்திற்கான பொறியியல் பீடத்தை நிர்மாணித்த போது கட்டிடத் தொகுதிகளுக்கு மாத்திரம் 9000 லட்சம் ரூபாய்கள் செலவழிக்கப்பட்டிருந்தது. ஏறத்தாழ 10 வருடங்களுக்குப் பின்னர் யாழ். பல்கலைக்கழகத்திற்கான பொறியியல் பீடத்தை நிர்மாணிக்க வெறும் 2500 லட்சம் ரூபாய்களையே தர முடியும் என்று கொழும்பிலுள்ள இந்தியத் தூதுவர் தெரிவித்திருருந்தார். அதுவும் இன்னமும் வழங்கப்படவில்லை. வடக்கு கிழக்கு மக்களின் மறுவாழ்வு மற்றும் அபிவிருத்தி தொடர்பில் வழங்கப்பட்ட உறுதி மொழிகளுக்கு அப்பால் ஓரடியேனும் நகராதிருப்;பதையே இவை எடுத்துக் காட்டுகின்றன. போரினால் பாதிக்கப்பட்ட மக்களின் மறுவாழ்வு என்பது வெறும் ஆவுரஞ்சிக் கற்களின் நிலைமையில் தான் இன்னமும் இருக்கிறது என்பதற்கு வேறென்ன உதாரணம் வேண்டும்?

ஸ்ரீலங்கா மீது அமெரிக்கா அழுத்தம் கொடுக்குமா?

கடந்த திங்கட்கிழமை (28) அமெரிக்காவின் வொசிங்டன் நகரில் உலகத்தமிழர் பேரவைக்கும், அமெரிக்க அரசுக்கும் இடையில் இடம்பெற்ற சந்திப்பில் போர் நிறைவடைந்த பின்னரும் அவசரகாலச்சட்டம் நடைமுறைப்படுத்தப்படுவது தொடர்பிலும் ஆராயப்பட்டதாக கொழும்பு வாரஏடு ஒன்று தெரிவித்துள்ளது. அதில் மேலும் தெரிவிக்கப்பட்டுள்ளதாவது: கடந்த வாரத்தில் மிக முக்கிய நிகழ்வாக உலகத்தமிழர் பேரவைக்கும், அமெரிக்க அரசுக்கும் இடையில் இடம்பெற்ற சந்திப்பை கூறலாம். தெற்கு மற்றும் மத்திய ஆசியாவுக்கான அமெரிக்காவின் துணைவெளிவிவகாரச் செயலாளர் றொபேட் ஓ பிளேக், உலகத்தமிழர் பேரவையின் உயர்மட்ட உறுப்பினர்களை சந்தித்திருந்தார். 75 நிமிடங்கள் நீடித்த இந்த சந்திப்பில் உலகத்தமிழர் பேரவை சார்பில் அதன் தலைவர் வண. பிதா சீ.யோ. இம்மானுவெல் அடிகளார்இ அமெரிக்க தமிழ் அரசியல் செயலவை தலைவர் எலியஸ் ஜெயராசாஇ திருமதி கிறேஸ் புஸ்பராணி வில்லியம்ஸ் மற்றும் பேரவையின் பேச்சாளர் சுரேன் சுரேந்திரன் ஆகியோர் கலந்து கொண்டனர். வடக்கு – கிழக்கில் தமிழ் மக்கள் அனுபவிக்கும் துன்பங்கள், போருக்கு பின்னரான நிலை போன்றன தொடர்பில் ஆராயப்பட்டதாக உலகத்தமிழர் பேரவை தனது அறிக்கையில் தெரிவித்துள்ளது. தமிழ் கட்சிகளுடன் சிறீலங்கா அரசு மேற்கொண்டுவரும் பேச்சுக்கள் தொடர்பிலும் அங்கு விவாதிக்கப்பட்டிருந்தது. எனினும் போர் நிறைவடைந்த பின்னரும் அவசரகாலச்சட்டத்தை நடைமுறைப்படுத்திவருவது, அதனால் தமிழ் மக்கள் சந்தித்துவரும் பிரச்சனைகள் தொடர்பிலும் ஆராயப்பட்டுள்ளது. போரின் போதும், அதன் பின்னரும் தமிழ் மக்கள் சந்தித்துவரும் பிரச்சனைகள் தொடர்பான தகவல்கள் அடங்கிய ஆவணங்களையும் உலகத்தமிழர் பேரவை பிளேக்கிடம் சமர்ப்பித்துள்ளது. இந்த சந்திப்பின் பின்னர், சிறீலங்காவுக்கு பயணம் மேற்கொள்ளும் பிளேக் சில விடயங்கள் தொடர்பில் சிறீலங்கா அரசுடன் பேச்சுக்களை மேற்கொள்ளலாம் என எதிர்பார்க்கப்படுகின்றது. ஓபாமா அரசின் மிகவும் காத்திரமான செய்தியை மகிந்தாவிற்கு பிளேக் கொண்டுவரலாம். இந்த மாதம் சிறீலங்கா செல்வதாகவும் பிளேக் தெரிவித்துள்ளார். இரு வாரங்களுக்கு முன்னர் நியூயோர்க்கில் நடைபெற்ற ஆசிய அமைப்பினரின் கூட்டத்தில் பேசிய பிளேக் சிறீலங்கா தொடர்பில் கடும் தொனியில் பேசியிருந்ததாக அதில் மேலும் தெரிவிக்கப்பட்டுள்ளது.

நாடு கடந்த தமிழீழ அரசிலிருந்து தாமாகவே விலகியோர்.

நாடு கடந்த தமிழீழ அரசாங்கத்தின் யாப்பினை ஏற்று உறுதிமொழி எடுத்துக் கொள்ளாத 29 உறுப்பினர்கள், மார்ச் 26, 2011ல் இருந்து தாமாகவே தமது உறுப்புரிமையை இழந்துள்ளனர். அரசவைத்தலைவர் பொன் பாலராஜன் அவர்கள் இது தொடர்பில் குறிப்பிட்ட உறுப்பினர்களுக்கு அறியத்தந்துள்ளதோடு, நாடு கடந்த தமிழீழ அரசாங்கத்தின் உள்ளக விவகார அமைச்சகத்திற்கும் அறியத் தந்துள்ளார். அரசவைத்தலைவர் அறிவித்தலின் பிரகாரம், கீழ்வரும் உறுப்பினர்கள் தங்களது உறுப்புரிமையை இழந்து விட்டார்கள் என்பதனை மக்களுக்குத் அறியத்தருகின்றோம். கனடா: திரு. பாலன் இரட்ணராஜா, திரு. ஈசன் தெய்வேந்திரன் குலசேகரம், திரு. மரியாம்பிள்ளை அஞ்சலோ யோகேந்திரன,; திரு. சுரேஸானந்த் ரட்ணபாலன், திரு. எஸ். திருச்செல்வம், திருமதி. வனிதா ராஜேந்திரம். பிரித்தானியா: திரு. சேனாதிராஜா ஜெயானந்தமூர்த்தி, செல்வி. ஜெயவாணி அச்சுதன், திரு. கார்த்திகேசன் பரமசிவம், திரு. மகேஸ்வரன் சசிதர், திருமதி. வாசுகி சோமஸ்கந்தா. ஜெர்மனி: திருமதி. வித்தியா ஜெயசங்கர், திரு. சந்திரபாலா கணேசரட்ணம், திரு. முகுந்தன் இந்திரலிங்கம், திரு. நடராஜா திருச்செல்வம், திரு. இராசையா தனபாலசுந்தரம், திரு. ரேணுகா லோகேஸ்வரன், திரு. பரமு ஆனந்தசிங்கம். பிரான்சு: திரு. சரவணமுத்து சசிகுமார், திரு. சிவகுரு பாலச்சந்திரன், திரு. தர்மேந்திரன் கிரிசாந். நோர்வே: திருமதி. ஜெயசிறி பாலசுப்பிரமணியம், திரு. சிவானந்தன் முரளி, திரு. சிவகணேசன் தில்லையம்பலம், டென்மார்க்: திரு. பொன்னம்பலம் மகேஸ்வரன், திரு. ரேமன் ராஜீவ், திருமதி. சுகேந்தினி நிர்மலநாதன். ஒஸ்ரெலியா: திரு. சிறீபாலன் சேரன் இத்தாலி: திரு. மயில்வாகனம் பாஸ்கரநாராயணன் மேற்குறிப்பிட்ட உறுப்பினர்கள் மக்கள் பிரதிநிதிகள் எனும் தகுதியுடன் எந்தெவொரு செயற்பாடுகளிலும்; மற்றும் பிரதிநிதித்துவப்படுத்துதலும் அற்றவர்கள் என்பதை இத்தால் மக்களுக்குத் அறியத்தருகின்றோம்;. நன்றி. நாகலிங்கம் பாலச்சந்திரன் உள்ளக விவகார அமைச்சர் நாடு கடந்த தமிழீழ அரசாங்கம்.

ஸ்ரீலங்காவின் தோல்வியை கொண்டாடிய யாழ் மக்கள் மீது தாக்குதல்!

இலங்கைக்கும் இந்தியாவுக்கும் இடையில் நடைபெற்ற உலகக்கிண்ண கிரிக்கெட் இறுதிப் போட்டியில் இந்திய அணி வெற்றி பெற்றதையடுத்து யாழ். குடாநாட்டில் பரவலாக இந்திய அணியின் ரசிகர்கள் வெடிகொளுத்திக் கொண்டாடினர். யாழ்ப்பாணம், வடமராட்சி, தென்மராட்சி என பரவலாக கொண்டாட்டங்கள் இடம் பெற்றன. இதனைப் பொறுத்துக்கொள்ளாத சிலர் வெள்ளைவான் மற்றும் மோட்டார் சைக்கிள்களில் சென்று வெற்றியைக் கொண்டாடியவர்கள் மீது தாக்குதல் நடத்தியுள்ளனர். நேற்றிரவு பரவலாக இச் சம்பவம் இடம் பெற்றுள்ளது. இத் தாக்குதல்காரர்களிடமிருந்து தப்பித்துக்கொள்வதற்காக வெற்றியைக் கொண்டாடியவர்கள் சிதறி யோடி அருகிலிருந்த வீடுகளில் அடைக்கலம் புகுந்து கொண்டதாக எமது பிரதேச செய்தியாளர்கள் தெரிவித்தனர். இதேவேளை அடைக்கலம் கொடுத்த சிலரும் தாக்குதலுக்கு உள்ளானதாக தெரிவிக்கப்பட்டது.

காணாமல் போன படைகள் தொடர்பில் தகவல் இல்லையாம்!

கடந்த செவ்வாய்க்கிழமை (29) முல்லைத்தீவு கடலில் காணாமல்போன சிறீலங்கா கடற்படைச் சிப்பாய்கள் தொடர்பான மர்மம் தொடர்வாதாகவும், அவர்கள் தொடர்பில் எந்த தகவல்களும் இல்லை எனவும் சிறீலங்கா கடற்படை வட்டாரங்கள் தெரிவித்துள்ளன. சாலை பகுதியில் சுற்றுக்காவல் நடவடிக்கைகளில் ஈடுபட்டிருந்த சமயம் சிறீலங்கா கடற்படையினர் நால்வர் காணாமல்போயிருந்தனர். இந்த சம்பவத்தை தொடர்ந்து சிறீலங்கா படையினர் வடமராட்சி கிழக்கு தொடக்கம் முல்லைத்தீவு கரையோரம் வரை பெருமெடுப்பிலான தேடுதல்களை மேற்கொண்டபோதும் அவர்களை கண்டறிய முடியவில்லை. உட்கரையோர சுற்றுக்காவல் படகில் சென்ற அவர்களின் படகும், ஆயுதங்களும் கரை ஒதுங்கியுள்ளன. ஆனால் படகில் இருந்த இயங்திரம் காணாமல்போயுள்ளதாக தெரிவிக்கப்படுகின்றது. அவர்கள் எவ்வாறு காணாமல்போனார்கள் என்பது தொடர்பில் எந்த முடிவுக்கும் வரமுடியவில்லை என சிறீலங்கா காவல்துறையினர் தெரிவித்துள்ளனர். கடற்படையினர் காணாமல்போன பகுதியில் வான்படை விமானங்கள் மற்றும் கடற்படை கப்பல்கள் மூலமும் தேடுதல்கள் மேற்கொள்ளப்பட்டுள்ளதுடன், கடற்படை சிப்பாய்களின் குடும்பத்தினரிடமும் விசாரணைகள் நடத்தப்பட்டுள்ளதாக அவர்கள் மேலும் தெரிவித்துள்ளனர். இதனிடையே, இந்த சம்பவம் தொடர்பில் இந்திய கடற்படையினரிடமும் உதவி கோரப்பட்டுள்ளதாக சிறீலங்கா கடற்படை வட்டாரங்கள் தெரிவித்துள்ளன.

சிறைக்குள் உளறும் சரத் பொன்சேகா.

உலகக் கிண்ண கிரிக்கெட் போட்டியின் இறுதி ஆட்டத்தில் ஸ்ரீலங்கா அணி பெறவுள்ள வெற்றி விடுதலைப் புலிகளுக்கு எதிரான போரில் பெற்ற வெற்றிக்கு ஒப்பானது என்று ஸ்ரீலங்காவின் முன்னாள் படைத்தளபதியும் தமிழின அழிப்பின் முக்கிய பங்காளியுமான சரத் பொன்சேகா கூறியுள்ளார். சிறையில் அடைக்கப்பட்டிருக்கும் சரத் பொன்சேகா,ஸ்ரீலங்கா அணி கிண்ணத்தைக் கைப்பற்றும் என்று உறுதியாக நம்புகிறார் என்றும் தெரிவித்தார். "தற்போதைய சமூக, அரசியல், பொருளாதார, பிரச்சினைகளுக்கு மத்தியிலும் இலங்கை அணியினர் உலகக் கிண்ணத்தை வெல்ல வேண்டுமென நாம் வாழ்த்துகிறோம்'' எனப் பொன்சேகா தெரிவித்துள்ளார்.

ஸ்ரீலங்கா அணிக்காக ஏழுமலையானை தரிசித்த மகிந்த.

ஸ்ரீலங்கா அணி வெற்றி பெற திருமலை ஏழுமலையானை தரிசித்தேன் என, ஸ்ரீலங்கா ஜனாதிபதி மகிந்த ராஜபக்ஷ தெரிவித்துள்ளார். மும்பையில் நடைபெறும் ஸ்ரீலங்கா இந்தியா மோதும் உலகக் கிண்ண கிரிக்கெட் போட்டியின் இறுதி ஆட்டத்தை காண ஸ்ரீலங்கா ஜனாதிபதி மகிந்த ராஜபக்ஷ இந்தியா சென்றுள்ளார். இந்தியா சென்றுள்ள அவர் திருப்பதி சென்றார். திருமலையில் தனது குடும்பதினருடன் தரிசனம் செய்தார். இதன் போது செய்தியாளர்களுக்கு கருத்து வெளியிட்ட அவர், உலகக் கிண்ண கிரிக்கெட் போட்டியில் ஸ்ரீலங்கா அணி வெற்றி பெறவும் ஏழுமலையானை வேண்டினேன். ஆந்திர முதல்வரும், திருப்பதி தேவஸ்தான அதிகாரிகளும் எனக்கு உற்சாக வரவேற்பளித்தனர். எனக்கு தேவையான உதவிகளை செய்த தேவஸ்தான அதிகாரிகளுக்கு நன்றி தெரிவித்துக் கொள்கிறேன் என குறிப்பிட்டுள்ளார். மகிந்த நேற்று மாலை தனது குடும்பத்துடன் திருப்பதி சென்றார். ராஜபக்ஷ கோவிலுக்கு சென்றதும் மத்திய காவற்துறையினர் பாதுகாப்பு வளையம் அமைத்து அவரை அழைத்து சென்றனர். வேத பண்டிதர்கள் அவரை நுழைவு வாயிலில் இருந்து கருவறைக்கு அழைத்து சென்றனர். ராஜபக்ஷ நன்றாக சாமி தரிசனம் செய்வதற்கு வசதியாக சாதாரண பக்தர்கள் தரிசனத்தை தேவஸ்தான அதிகாரிகள் நிறுத்தி வைத்தனர். ராஜபக்ஷ சுமார் 45 நிமிடம் வரை கருவறையில் சாமிதரிசனம் செய்தார். அப்போது ஏழுமலையானுக்கு சிறப்பு பூஜைகள் செய்யப்பட்டன. இதையடுத்து அவர் தனது குடும்பத்தினருடன் கருவறையை சுற்றி வந்தார். தரிசனத்திற்கு பிறகு ராஜபக்ஷவுக்கு வேதபண்டிதர்கள் பட்டு வஸ்திரம் அணிவித்து லட்டுகள் மற்றும் அனைத்து விதமான பிரசாதங்களையும் கொடுத்து ஆசி வழங்கினர். ராஜபக்ஷ ஏழுமலையான் கோவிலில் தனது எடைக்கு எடையாக 55 ஆயிரம் ரூபா நாணயங்களை துலாபாரம் செலுத்தினார். பின்னர் அவர் காரில் அங்குள்ள ஸ்ரீகிருஷ்ணா விருந்தினர் மாளிகைக்கு புறப்பட்டு சென்றார். அங்கு அவரை ஆந்திர முதல்வர் கிரண்குமார் ரெட்டி மரியாதை நிமித்தமாக சந்தித்து பேசினார். பின்னர் அவருக்கு ஏழுமலையான் பத்மாவதி தாயார் உருவ படங்களை பரிசாக வழங்கினார். இருவரும் சுமார் 30 நிமிட நேரம் கலந்துரையாடினர்.

சமாதானம் ஏற்பட்டதாக சொன்னால் தமிழ் மக்கள் சிரிப்பார்கள்!

தமிழ்மக்கள் எதைச் செய்வதென்றாலும் பாதுகாப்பு அமைச்சின் அனுமதியைப் பெறவேண்டியுள்ளது. இதுவே யதார்த்தமாகும். இதனைத் தென்னிலங்கையிலிருந்து வருபவர்கள் புரிந்துகொள்ளவேண்டும் என நல்லூர் பங்குத்தந்தை அருட்பணி ஐ.டி.டிக்சன் தெரிவித்தார். நல்லிணக்கத்துக்கான வடக்கு கிழக்கு சர்வமத ஒன்றியம் ஏற்பாடு செய்திருந்த செய்தியாளர் சந்திப்பு நேற்று பிற்பகல் யாழ். பலநோக்குக் கூட்டுறவுச் சங்கக் கேட்போர் கூடத்தில் இடம்பெற்றது. இதில் கலந்து கொண்டு கருத்துத் தெரிவிக்கும் போதே பங்குத்தந்தை இவ்வாறு தெரிவித்தார். அங்கு அவர் மேலும் தெரிவித்தவை வருமாறு: நல்லிணக்கத்துக்கான சர்வமத ஒன்றியத்தினரே யாழ்ப்பாணத்தில் சமாதான பாதயாத்திரை செய்வதுக்கும் பாதுகாப்பு அமைச்சின் அனுமதி பெற வேண்டியுள்ளது. இந்த நிலையில் தமிழ்மக்களின் நிலைமை எப்படியிருக்கும்? இவ்வாறான பரிதாப நிலையிலேயே தமிழ்மக்களின் அவல வாழ்வு தொடர்கிறது. இயற்கைக் கடன் கழிப்பதற்கும் பாதுகாப்பு அமைச்சின் அனுமதிபெறவேண்டும் என்ற கட்டுப்பாடு கொண்டுவரப்படலாம் இதனை தென்பகுதி மக்கள் புரிந்துகொள்ள வேண்டும். யுத்தம் முடிவடைந்து சமாதானம் ஏற்பட்டுவிட்டது என்று சொன்னால் வட பகுதி மக்கள் சிரிப்பார்கள் ஏன் என்றால் சமாதானத்தின் விளைவை அவர்கள் இன்னமும் அனுபவிக்கவில்லை. சமாதானம் ஏற்பட்டது என்றால் அந்த மக்கள் ஏற்கமாட்டார்கள். என்றார் அவர். அவர் மேலும் கூறுகையில் எமது நாட்டில் ஐந்து மதங்கள் உள்ளன ஐந்தாவது மதம் கிரிக்கெட். அந்த விளையாட்டின் மூலம் அனைத்து இன மக்களும் ஒன்றிணைக்கப்பட்டுள்ளனர். கிரிக்கெட் அணியிலுள்ள சிங்கள வீரர்கள் ஏனைய நாட்டுடன் விளையாடித் தோல்வியடையும் நிலை ஏற்படும் போது தமிழ் மக்கள் அந்தத் தோல்வியை நினைத்துக் கவலைப்படுகிறார் என்றார். இந்தச் செய்தியாளர் சந்திப்பில் கருத்துத் தெரிவித்த கல்முனை ஸ்ரீ சுபத் தாராம மகாவிகாரையைச் சேர்ந்த வணரண்முத்துக்கல சங்கரத்னதேரர் கூறியதாவது: இன, மத, பேதங்களைக் கடந்து ஒரு நாட்டு மக்கள் என்ற உணர்வு எமக்குத் தேவை. வடபகுதி தமிழ்மக்களுக்குரியது. கிழக்குப் பகுதி தமிழ், முஸ்லிம் மக்களுக்குரியது தென் பகுதி சிங்கள மக்களுக்குரிய என நாம் உணர்வோ மானால் நாட்டில் நல்லிணக்கம் ஏற்படாது என்றார். தமிழ்மொழியில் உரை நிகழ்த்திய அவர் மேலும் தெரிவித்தவை வருமாறு: எமது அமைப்பிடம் அதிக பணம் இல்லை. ஆனால் அதிக பாசம் இருக்கிறது. நாட்டில் மதங்களிடையே நல்லிணக்கத்தை ஏற்படுத்த முயன்று வருகிறோம். இன, மத, பேதங்களுக்கு நாம் இடமளிப்பதில்லை. சமாதானம் தொடர்பாக அதிகம் யோசிக்கவேண்டியதில்லை. அது மக்களது மனதில் ஏற்படவேண்டியது என்றார். அனுராதபுரம் சாம விகாரை வண விமல தேரர் கருத்துத் தெரிவிக்கையில், பொம்மைவெளிப் பகுதியில் மீளக் குடியமர்ந்துள்ள மக்களுக்கு உதவுவதற்குத் தீர்மானித்துள்ளோம். அவர்கள் மனிதர்கள் எதிர்நோக்கமுடியாத துன்பங்களை அனுபவித்து வருகின்றனர். எமது அமைப்பு இன, மத வேறுபாடின்றி உதவ உள்ளது. என்றார். ஆரையம்பதி மௌலவி யு.எல்.எம். மக்தி கருத்துத் தெரிவிக்கையில் யுத்தத்தின் பின்னர் பௌதீக ரீதியான அபிவிருத்தி இடம்பெறுகிறது. உடைந்த, நொந்துபோன உள்ளங்களுக்கு ஆறுதல் கூற மதங்களால் மட்டுமே முடியும் என்றார்.

விடுதலைப்போரை ஒடுக்க கூட்டிணைந்த அமெரிக்கா,இந்தியா!

விடுதலைப்புலிகளை பலவீனப்படுத்தும் முயற்சிகளில் அமெரிக்கா மற்றும் இந்திய அரசுகள் இணைந்து இயங்கியது தற்போது அம்பலத்திற்கு வந்துள்ளது. இது தொடர்பில் விக்கிலீக்ஸ் இணையத்தளம் தெரிவித்துள்ளதாவது: விடுதலைப்புலிகளிள் ஆயுத விநியோகத்தையும், நிதி திரட்டல்களையும் முறியடிக்கும் நோக்கத்துடன், 2006 ஆம் ஆண்டு அமெரிக்கா இரண்டு தகவல்கொடுப்போர் குழுக்களை அமைத்திருந்தது. 2006 ஆம் ஆண்டு ஏப்ரல் மாதம் ஜெனரல் சரத் பொன்சேகா மீதான குண்டுத்தாக்குதலை தொடர்ந்து அமெரிக்கா இந்த நடவடிக்கைகளை மேற்கொண்டிருந்தது. விடுதலைப்புலிகளின் ஆயுதக்கொள்வனவுகள், அவர்களின் ஆயுத விநியோக வழிகள், நிதி திரட்டும் நடவடிக்கைகள் தொடர்பில் தகவல்களை வழங்கும் குழுக்களை உடனடியாகவே அமெரிக்கா அமைத்திருந்தது. இந்த குழுவில் இந்தியாவை இணைத்துக்கொள்ள அமெரிக்கா முற்பட்டபோது, அவ்வாறான நடவடிக்கைகளை தாம் ஏற்கனவே மேற்கொண்டுவருவதாக இந்தியா தெரிவித்திருந்தது. இவ்வாறான குழுக்கள் அமைக்கப்படுவது தொடர்பில் 2006 ஆம் ஆண்டு மே மாதம் 3 ஆம் நாள் கொழும்பில் இருந்து அமெரிக்க தூதுவர் ஜெஃப்ரி ஜே லுன்ஸ்ரன்ட் அனுப்பிய தகவல்களில் தெரிவிக்கப்பட்டுள்ளது. அனைத்துலக மட்டத்தில் அமைக்கப்பட்ட இந்த குழுக்களில் அவுஸ்திரேலியா, பெல்ஜியம், கனடா, பிரான்ஸ், ஜேர்மனி, இந்தியா, இந்தோனேசியா, யப்பான், இத்தாலி, மலேசியா, பிலிப்பைன்ஸ், சிங்கப்பூர், சுவிற்சலாந்து, தய்லாந்து, பிரித்தானியா, அமெரிக்கா ஆகிய நாடுகள் இணைந்து பணியாற்றியிருந்தன. இது தொடர்பில் அமெரிக்க தூதரகத்தில் அரசியல் விவகார அதிகாரி, இந்திய அரசின் செயலாளர் அமன்தீப் சிங் கில் அவர்களையும் சந்தித்து கலந்துரையாடியிருந்தார். விடுதலைப்புலிகளின் ஆயுதவிநியோகங்கள் தென்கிழக்கு ஆசிய நாடுகளான மலேசியா மற்றும் தாய்லாந்து வழியாகவே நடைபெற்றுவருவதால் அதனை உன்னிப்பாக அவதானிக்குமாறு அமெரிக்கா தெரிவித்திருந்தது. அமெரிக்காவின் இந்த திட்டத்தை தற்போதைய இந்திய வெளிவிவகாரச் செயலாளர் நிருபாமா ராவும் வரவேற்றிருந்தார் என அது மேலும் தெரிவித்துள்ளது. இதனிடையே, அமெரிக்க – இந்தியாவின் இந்த கூட்டு “தகவல்களை வழங்கும்” குழுக்களில் கணிசமான தமிழர்களும் இணைத்துக்கொள்ளப்பட்டதாக தெரிவிக்கப்படுகின்றது.