பள்ளிக்கு செல்லும் பெண்குழந்தைகள் ஸ்கர்ட் எனப்படும் குட்டைபாவாடை அணியக்கூடாது என்ற பாஜக சட்டமன்ற உறுப்பினரின் கருத்துக்கு கடும் எதிர்ப்பு கிளம்பியுள்ளது.சமீபகாலமாக அதிகரித்துவரும் பெண்களுக்கு எதிரான பாலியல் வன்கொடுமைகளை கட்டுபடுத்துவது குறித்து பலர் கருத்து தெரிவித்துவரும் நிலையில், அவற்றில் பல கருத்துகள் சர்ச்சைக்குள்ளாகி வருகின்றன. இதில் புதிதாக சேர்ந்திருப்பது ஜெய்பூரிலுள்ள அல்வார் தொகுதி சட்டமன்ற உறுப்பினர் பல்வாரி லால் சிங்ஹாலின் கருத்து.
தலைமை செயலாளருக்கு பல்வாரி எழுதிய கடிதத்தில், பள்ளி செல்லும் மாணவியருக்கு குட்டை பாவாடைகளுக்கு பதிலாக சல்வார் கமீஸ் அல்லது பாண்ட் சட்டை ஆகிய உடைகளை சீருடைகளாக வழங்கவேண்டும் என்று பரிந்துரை செய்திருந்தார்.
குட்டை பாவாடை அணிந்த மாணவிகள் சாலையில் செல்லும்போது பல விதமான கிண்டல் கேலிக்கு ஆளாகிறார்கள் எனவும், இந்த சீருடை மாற்றம் அவர்களை கடும் குளிரில் இருந்தும் பாதுகாக்கும் எனவும் கருத்து தெரிவித்துள்ளார்.
இக்கருத்துகளுக்கு கடும் எதிர்ப்பு தெரிவித்த பெண்கள் அமைப்பினர், பல்வாரி லால் சிங்காலின் இல்லத்தை முற்றுகையிட்டு அவருக்கெதிராக முழக்கங்களை எழுப்பினர்.
போராட்டத்தின் முடிவில் சர்ச்சைக்குரிய கருத்து தெரிவித்தமைக்காக போராட்டகாரர்கள் பல்வாரிக்கு ஒரு குட்டை பாவாடையை பரிசாக அளித்தது குறிப்பிடதக்கது.
கருத்துகள் இல்லை:
கருத்துரையிடுக