பாலஸ்தீனத்தில் உள்ள காஷா பகுதிக்குச் சென்ற கப்பல்கள் மீது இஸ்ரேல் கப்பற்படை அதிரடித் தாக்குதல் நடத்தியது. துருக்கியைச் சேர்ந்த 6 கப்பல்கள் மீதே இந்தத் தாக்குதல் நடத்தப்பட்டது. காஷா பகுதிக்கு உதவி பொருட்களை ஏற்றிக் கொண்டு வந்த இந்தக்கப்பல்களில் சுமார் 600 பேர் பயணம் செய்தனர். கப்பல்கள் அவ்வழியாக வருவதையறிந்த இஸ்ரேலின் கப்பற்படை கமாண்டோ பிரிவினர் அக்கப்பல்கள் மீது நேற்று அதிரடி தாக்குதல் நடத்தினர். துப்பாக்கியால் சுட்டும் கோடாரிகள் மற்றும் கத்தியால் குத்தியும் தாக்கினர். இதில் 16 பேர் பரிதாபமாக உயிரிழந்தனர். இந்தத் தகவலை இஸ்ரேலில் இருந்து ஒளி பரப்பாகும் தனியார் தொலைக்காட்சி தெரிவித்தது. இஸ்ரேல் கமாண்டோ படையினர் நடத்திய இந்தத் தாக்குதலுக்கு அந்நாட்டு மந்திரி கண்டனம் தெரிவித்துள்ளார்.
கருத்துகள் இல்லை:
கருத்துரையிடுக