யாழ்ப்பாணம் உடுப்பிட்டி எல்லாளன் குளத்தில் அமைந்துள்ள தமிழீழ விடுதலைப்புலிகளின் மாவீரர் துயிலும் இல்லங்கள், இலங்கைப்படையினரால் புல்டோசர் மூலம் அழித்தொழிக்கப்பட்டுள்ளது.
இந்த சம்பவம் கடந்த திங்கட்கிழமையன்று இரவு இடம்பெற்றுள்ளதாக முன்னாள் நாடாளுமன்ற உறுப்பினர் எம்.கே.சிவாஜிலிங்கம் தெரிவித்துள்ளார்.
உடுப்பிட்டியில் உள்ள மக்கள் இதனை தொலைபேசியின் மூலம் தமக்கு தெரிவித்ததாக அவர் குறிப்பிட்டுள்ளார்.
1996 ஆம் ஆண்டு படையினர் இந்த மாவீரர் துயிலும் இல்லங்களை அழித்தனர்
எனினும் 2002 ஆம் ஆண்டு போர் நிறுத்தக்காலப்பகுதியில் இந்த இல்லங்கள் புனரமைக்கப்பட்டன.
அண்மையில் வல்வெட்டித்துறையில் உள்ள தமிழீழ தேசியத் தலைவர் வேலுப்பிள்ளை பிரபாகரனின் வீடும் படையினரால் அழிக்கப்பட்டது.
அத்துடன், நெல்லியடியில் அமைக்கப்பட்டிருந்த கரும்புலி மில்லர் நினைவுத்தூபியும் படையினரால் அழித்தொழிக்கப்பட்டுள்ளது.
கருத்துகள் இல்லை:
கருத்துரையிடுக